¹ Le hwenɛ lɔ nu, gbɛtɔye le ɖɔ xo na Jesu ɖo Galiletɔ xena Pilati xwlu ohun yetɔn xa avɔsisɛn lɛye. ² Jesu le yi gbe na ye bo ɖɔ: Mi byi ɖɔ Galiletɔ xe lɛye hu ohwɛ xu gan Galiletɔ ɖyɛ lɛye ɖo ye ji aya do lemɔha wɛsin? ³ Gbele, un le ɖɔ na mi. Amɔ na mi ma lɛvɔ jɔ gɛ mi na vasudo lemɔha ke ⁴ Omɛ fɔtɔn nukun atɔn xena ado Siloe tɔn hu le gbenɛgbe lɛye,mi bu-i ɖɔ ye nyla xu Jeluzalɛmunu ɖyɛ lɛye wɛ sin? ⁵ Gbeɖekpɔn,un le ɖɔ na mi.Vɔ,ni mi ma lɛnvɔjɔ gɛ,miye can gba mi na yi vivasudo mɛ." ⁶ Jesu wa kpin otan xe na ye:"Omɛ lokpo do figitin le viŋugle etɔn,bo wa din atinkun sinsyɛn lɔ,vɔ bo wa ba kpo. ⁷ Omɛ lɔ wa le ɖɔ na viŋugle lɛtɔ lɔ ɖɔ:"Eɖye e le blo oxwe atɔn wɛ un nɔ wa figitin xe kɔn,bo mɔ nɔ onu ɖe gɛ.Mi gbo-e.Aniwutu wɛ mi na jo-e do anyizan lɔ ji vɔvɔ?" ⁸ Viŋugle lɛtɔ lɔ wa le ɖo ego ni xɔn ɖɔ:"Jo oxwe xe lɔ do ni-i,na ma kun odo lɛto do-e,a bo kɔn ogbo do emɛ kpɔn. ⁹ Na e na atinkun sinsyɛn oxwe ɖyɛ mɛ,e nyɔ;vɔ na e ma na gɛ a na gbo-e!" ¹⁰ Jesu le na okplan le goxɔ lɛye mɛ le gbɔjwɛzangbe. ¹¹ Wɛ gbigbɔ mawe wa byɔ nyɔnusi ɖe mɛ,bo do azɔn wi-i;e bo kplibɔ bo hwe do ote cici go. ¹² Xena Jesu mɔ-ɛ e nylɔ-ɛ,bo le ɖɔ ni-i xɔn ɖɔ:"Nahwe,a tɔn le gbɔjɔ-gbɔjɔ tɔwe mɛ. ¹³ E ɖo alɔ ota ni-i,wɛ hɔnlokpo,nahwe lɔ cite bo jɛ Mawu kpa ji. ¹⁴ Vɔ,e vɛ na goxo nukuɔn tɔ lɛye,ɖo Jesu blo onu lemɔha tɔn le gbɔjɛzangbe,wɛ nukɔn nɔtɔ lɔ wa le ɖɔ na togun lɔ ɖɔ:"Azan ayizɛn wɛ le ye na do wa ozɔn,mi wa ozɔn le azan e nɛ lɛye gbe a bo jo gbɔjwɛzangbe do." ¹⁵ Aklunɔ le yi ogbe ni-i xɔn ɖɔ:"Yemɛnu watɔ lɛye!Mɛ wɛ le mimɛ bo mɔ nɔ tlun osɔ alo nyibu etɔn bo mɔ nɔ na osin wi-i gɛ? ¹⁶ E ma nyɔ na Ablaxamu we ovi nyɔnusi xena lɛgba do gɛdɛ sɔn oxwe fɔtɔn nukun atɔn can na mɔ okan tluntlun le gbojwɛzangbe gba?" ¹⁷ Hwexenu na Jesu le ɖɔ oxo enɛ,ŋunya jɛ yemɛ ni le sɔ ota wi-i lɛye ji,vɔ e vivi na togun lɔ wɛ ye le gigo na onu xena Jesu blo. ¹⁸ Wɛ Jesu le ɖɔ xɔn ɖɔ:"Ani go wɛ mi na jlɛ axɔluɖuta Mawu tɔn lɔ ɖo,a ni wɛ e ɖi? ¹⁹ E le ɖi atinkun vuvu ɖe xena gbɛtɔ ɖe wa ze sɔ xɔ kɔn do jikpa mɛ wɛ e wa tlɔzun atinsun ɖaxo xena oxɛ lɛye nɔ wa ɖo adɔ do alɔklan etɔn lɛye ji." ²⁰ Jesu gɔ le ɖɔ xɔn ɖɔ:"A ni go wɛ mi na jlɛ axɔluɖuta Mawu tɔn lɔ do? ²¹ E wa le ɖi kpɔnnɔ tinkɛn,xena nyɔnusi ɖe ze bo wa hwlu xa owɔ gannu atɔn,e bo wa fɔn." ²² Jesu bajonɔ Jeluzalɛmu we toxo kpo gletoxo ɖe kpo bo le kpan onu ye le omɔ lɔ ji. ²³ Mɛɖe le ɖɔ: Aklunɔ gbɛtɔ ɖe lɛye jan wɛ ɖo na mɔ hwlɛngan? Wɛ Jesu le ɖɔ na ye ɖɔ: ²⁴ Mi do tagba na miɖe a bo do gbɔn ovu lɔ nu ɖo omɛ susu le din vɔ ye ma kpego gɛ. ²⁵ Hwexenu na xwetɔ lɔ na cite bo na wa su ohɔn lɔ mi na wa ci gaji, mi na wa xuxu ohɔn lɔ bo na ɖɔ: Aklunɔ, Aklunɔ jo mido na mya byɔ e mɛ. Wɛ xwetɔ lɔ na yi ogbe na ye ɖɔ: Un ma nyɔn mi wi gɛ, bowɛ mi sɔn?. ²⁶ Wɛ mi na wa ɖɔ: Mi ɖu bo nu le nkun mɛ na we akplan onu mi gbɔn omɔn lɛye ji. ²⁷ E na yi ogbe na mi ɖɔ: Un le ɖɔ na mi un ma nyɔn fi na mi sɔn gɛ. Mi dɛn le gwe, mimɛ ozɔnvi nyinyla lɛye. ²⁸ Avi kpodo aɖukunkun kpo na le hwexenu na mi na wa mɔ Ablaxamu, Izaki, Jakɔbu kpodo ɖɔɖanyiɖɔtɔ lɛye le axɔluta Mawu tɔn lɔ mɛ wɛ myee, ye nyi mi do gaji. ²⁹ Ye sɔn hwezedo, hweyixɔ taligbe kpo fɔligbe kpo bo na wa le tavoto le axɔluta Mawu tɔn mɛ. ³⁰ Mi nywɛ ɖɔ godotɔ na wa nyi nukɔntɔ wɛ nukɔntɔ na wa nyi godotɔ. ³¹ Le zanɖe, Falizitɔye wa le ɖɔ na Jesu ɖɔ: Lɛ le fi do Elodu le din na hu we. ³² Jesu ɖɔ: Mi ɖɔ na owɔ nɛ ɖɔ : ɖye un le yan gbigbɔ mawe lɛye bo le gbɔ azɔn e gbe, osɔ kaka jɛ azan atɔn gɔ gbe wɛ ozɔn ce na vɔ. ³³ Le onu lɛye kpokpo mɛ, e le dandanmɛ na un wɛ na do gbinkandenu e gbe, osɔ kpodo azan ni bɔdego kpodo e ma nyɔn na ye na hu ɖɔɖanyiɖɔtɔ ɖe le fi bu ze Jeluzalɛmu go gɛ. ³⁴ Jeluzalɛmu! Jeluzalɛmu! yɔ omɛ xeni nɔ hu ɖɔɖanyiɖɔtɔ lɛye bo nɔ mɛ okpin na omɛ xeye nɔ sɔdoxlan we lɛye. Wla nɛmu wɛ a nɔ din na kpli tɔwe nɔ lɛye ɖi ɖe na koklo nɔ kpli vikpɛ e tɔn lɛye do abadamɛ ɖo ha vɔ a ma jlo gɛ. ³⁵ Oxwe tɔwe ɖye ye jodo. Un le ɖɔ na mi, a ma gɔ din na mɔŋu kaka na wa ɖɔ na mi ɖɔ: Gibo na omɛ ni ja le Aklunɔ nyikɔ mɛ.