¹ Na mya do jɛ jlokoko wɛzɔn Jesu tlun kan na mi.E nɛ wutu mi vo bo nɔ kpɔn sɔ miɖe sɔ xɔ ɖo kannumɔ gbenu gɛ. ² Eɖye, yɔ Pɔlu un le ɖɔ na mi xɔn ɖɔ na mi gbo ada na miɖɛ mi ma din na mɔ Klisi we fɛnu le un ti mɛ gɛ. ³ Do gɔna ,un le e kunnu ɖɔ mɛ ɖekpokpwe ni gbwa ada oɖo na gɔ ɖi zɔnlin gbɔn osɛn lɔ sese mɛ. ⁴ Mi dɛn le Klisi go mi mɛ xe mɔ hwɛjijwɛ gbɔn osɛn lɔ mɛ.Mi ma gɔ le nɔgbɛ gbɔn fɛnu lɔ mɛ gɛ. ⁵ Do gbɔn gbigbɔ ni gbɔn osɛn lɔ mɛ,mi lete kpɔn kanɖeji dodwe tɔn. ⁶ Le Jesu mɛ,adagbigbo kpodo ada ma gɔn gbigbo kpo ma nyi onu ti gɛ.Amɔ,yise ni nɔ blo nujiwu gbɔn wannyiyi mɛ wɛ le taji. ⁷ Mi nɔ dowezun ganji san:Mɛ wɛ ka ɖo mite le tonusise na xojɔxo lɔ mɛ? ⁸ Ojlo na do blo lemɔha ma sɔn omɛ xeni ylɔ mi go gɛ. ⁹ Wɔfɔnnu kpɛle nu fɔn owɔnyinya lɔ kpokpo dote. ¹⁰ Un kan do mi ji le Aklunɔ mɛ ɖɔ mi ma din na butamɛ gbɔnvo ɖe gɛ.Omɛ ni le do tagba na mi ,e gɔ ici ɖekpokpwe can,e na hɛn etesu we hwɛdida. ¹¹ Nɔvinɔ lɛye,na un gɔ la adagbigbo na mi,aniwutu wɛ ye gɔ saya na-un?Hwenɛnu ye na ɖe afɔklɛn we akluzu lɔ sɛ. ¹² Un le jlo ɖɔ omɛ xeni le dɔn mi do ohwɛ mɛ lɛye ni tɔn le mimɛ. ¹³ Nɔvinɔ lɛye mi,Mawu yɔ mi na jlokoko kpo-un wɛ mi ɖɔ mi nɔ kpɔn sɔ jlokoko nɛ do zɔn zɔnlin gbɔn agbaza mɛ gɛ.Amɔ mi gɔ alɔ na miɖe gbɔn wannyiyi mɛ. ¹⁴ Do xogbe lokpo ni hɛn oxo lɔ wa na awegɔ tɔwe ɖi nyi:"A na nyi owan na awegɔ tɔwe ɖi yɔ tesu ha." ¹⁵ Na mi nɔ nylahun do miɖe,bo nɔ wle miɖe ɖu,mi hɛen ayixa na do gbɔ miɖe vasudo. ¹⁶ Un le ɖɔ xɔn,mi zɔn zɔnlin gbɔn gbigbɔ mɛ wɛ mi na wa gbɔ ojlo agbaza mɛtɔn lɛye wiwa. ¹⁷ Ɖo ojlo agbaza mɛtɔn lɛye nɔ sɔta ojlo gbigbɔ mɛtɔn wɛ ojlo gbigbɔ mɛtɔn nɔ sɔta ojlo agbaza mɛtɔn.Ye nɔ sɔta ye ɖe,onu ni nɔ na wɛ nyi ɖɔ mi nɔ wa blo onu xeni mi ma jlo gɛ. ¹⁸ Amɔ na gbigbɔ kun mi,mi na le osɛn lɔ gɔ gɛ. ¹⁹ Odin,agbaza we zɔn lɛye le nukunta ye wɛ le nyi:ogalilɔ,onu ɖuɖu wiwa, ayɔɖiɖe, ²⁰ ohun sisɛn,aze,tagba jijɛ,ojlɛ,awu huhwan,mɛnuhɛngble,otasɔmɛ,onumima, akɔjijɛ, ²¹ ojlo,ahan numu,onu ɖuɖu zɛ ojlɛ go kpodo onu lematɔn lɛye ha.Un le tɔgbe mi ɖi ɖena un tɔgbe omɛ xeni nɔ wa onu lemɔha tɔn lɛye ha do ye ma kpego na mɔ axɔluɖuta Mawu tɔn gɛ. ²² Amɔ wannyiyi we sinsyɛn wɛ nyi:awajijɛ,fifa,hunkuku,xomɛyinyɔ,omɛkpinkpɔn,nuɖiɖi, ²³ fifa,kpodo mɛɖego hihɛn kpo.Osɛn ti ma lle na onu lemɔha tɔn lɛye gɛ. ²⁴ Omɛ ni nyi Klisi tɔn ɖi agbaza mɛ we nu lɛye kpodo ojlo etɔn lɛye kpo. ²⁵ Na mi gbɛ le agbaza mɛ,mya zɔn zɔnlin ɖi ɖena gbigbɔ lɔ kplan mi ɖo ha. ²⁶ Mi nɔ yi ogo gɛ,mi nɔ kpɔn nɔ din oxo do miɖe nu gɛ,a bo nɔ kpɔn jlo miɖe nu gɛ.