¹ Kaka do jɛ hwenu xena oguɖutɔ gbɛ kpo le nyi vikpɛ vu xɔn,ovo gbigbɔn ti ma le e yɔ kpodo kannumɔnɔ mɛ gɛ,co ganco,e yɔ wɛ ka kpzcɛ na onu lɛ kpokpo; ² ɖo e ɖo na yi do na omɛ xe le kpe nukun ɖe go lɛɛ,omɛ xe nɔ kpacɛ na otɔ we onu lɛ kaka do jɛ hwenu xena otɔ jlo ɖo. ³ Ɖo hwenu xena mye can mi nyi vikpɛvu,àçmi nɔ yi odo na ogbɛmɛ fye we hɔnhlɔn lɛ. ⁴ Vɔ na ogan lɔ xo, Mawu nɔ ze ovyɛ xena nyɔnusi ji ɖi le na osɛn lɔ ɖɔ ɖo ha. ⁵ E nɔ blo lemɔha,bo nɔ do xɔ mɛ xeni osɛn nyɔ lɛ,na mya do nyi Mawu vi . ⁶ Ɖoh mi inyi ovi wutu,e wɛzɔn,Mawu ze gbigbɔ ovyɛ ɖo oji mitɔn mɛ,gbigbɔ xeni do axwa bo ɖɔ:"A ba atɛye " ⁷ E nɛ wɛzɔn mi ma gɔ nyi kannumɔ gɛ,vɔ ovi,na mi ka nyi ovi ,be mye can mi nyi oguɖutɔ Mawu tɔn gba. ⁸ Hwenu xena mi ma nyɔ Mawu wi gɛ,mi nyih kannumɔnɔ na na omɛ xeni ma ɖo ninɔmɛ Mawu tɔn gɛ. ⁹ Vɔ xena Mawu o nyɔ mi wi,a ni wutu mi gɔ le jo miɖe do na gbɛmɛ fye we onu lɛye xe ma ɖo hɔnhlɔn ti gɛ?A lo mi gɔ le din na tlɔ zun kannu mɔ nɔ wɛ? ¹⁰ Ayixa mitɔn nɔ ci azan,osunkpo oxwe lɛ kpo ji. ¹¹ Onu xe le do do un na wɛ nyi ɖɔ ozɔn xena un le wa xa mi na nyi onu vɔvɔ. ¹² Un le fan okwe na mi xɔn anɛyevi lɛɛ,mi tlɔ a bo ɖi nyɔ ha,ɖi ɖena nyɔ can tlɔ mye ɖo ha.Mi ma wa un lle ɖo un gɛ. ¹³ Ɖo mi nywɛ ganji azɔn xena un le jɛ xɔn wɛzɔn un la wɛnɖagbe lɔ na mi tintan. ¹⁴ Ɖi ɖena goto ce wa ci ɖo azɔn ce wutu,e zin mi ji taŋu,co mi ma do gbɛ-un gɛ,vɔ mi nyi un ɖi wɛnɖagbe Mawu tɔn ha,ɖi Klisi tesu ha! ¹⁵ Odin,bɔ wɛ nyɔ na mi tɔn lɛɛ le?Ɖo un hɛn na ɖe kunu na mi ɖɔ,na e do le vivɛɖe we mi na do ɖe nukun mitɔn do nyɔ wutu,mi na ɖe. ¹⁶ Vɔ egbe din un tlɔ zun kɛntɔ mitɔn ɖo un le ɖɔ xojɔxo na mi? ¹⁷ Omɛ susu le bo nɔ na mi kpikpɛnmɛ vɔ ye mɔ nɔ din onywɛ mitɔn gɛ.Ye nɔ din na klan mi le guye un na mi na do xodo ye. ¹⁸ Akpakpa onu jijlɔ wiwa tɔn ni nɔ sɔmi le gan ɖekpokpwe,hwenu xena un tlɛ gɔ jo mi do can. ¹⁹ Vikpɛ ce lɛɛ,un gɔ le se vivɛ ɖo ota mitɔn mɛ.Un ka na gɔ le se vivɛ lɔ kaka mi na bɛ onu wiwa ɖi klisi lɔ ha. ²⁰ E jlo un ɖɔ ma nɔ okpɔ xa mi na ma do nyɔ ogbe xena na do ɖɔ oxo xa mi,ɖo çun ma gɔ nyɔ ɖe na hɛn ɖo na mi gɛ. ²¹ Mye omɛ xeni jlo na nɔ osɛn lɔ gɔ lɛɛ,mi gbo ɖo oxo xe go na-un,mi ma se oxo xena na osɛn lɔ ɖɔ. ²² Ɖo ye wlan ɖɔ:Ablaxamu bo ji ovi sunnuglo awe.E ji lokpo le Aga kannu mɔ nɔ go,bo ji lokpo le Sala omɛ xeni le jlokoko go. ²³ Onu nyi ɖo lemɔhap co,kannumɔnɔ we vyɛ lɔ wɛ nyi omɛ kpo xena nɔ ji ɖi ovi kpokpo xa,Sala we vyɛ lɔ bo nyi akpagbe we ovi lɔ. ²⁴ Onu hwihwla ni le flɛn,nyɔnu awe lɛɛ nyi kancica awe,titan sɔn Sinayi we oso ji,e wɛ nyi Agaa xeni ji kannumɔnɔ lɔ. ²⁵ Agaa wɛ nyi Sinayi we oto le Alabi.Agaa lɔ wɛ nyi Jeluzalɛmu we toxo le egbe,ɖo toxo nɛ lɔ kpodo otovi etɔnye nyi kannumɔ. ²⁶ Vɔ Jeluzalɛmu sɛxwetɔn,le eɖe si,e wɛ nyi myenɔ. ²⁷ Ɖo, e le winwlan le Mawuxo lɔ mɛ ɖɔ:Jawa ajikkponɔ,yɔ xeni ma ɖo ovi gɛ!Do axwa awajijɛ tɔn,yɔ mɛ xeni ma se vivɛ ovijiji tɔn gɛ!Ɖo nyɔnu xena ye gbɛ ɖo anyi we ovi na su hugan nyɔnusi xeni ɖo asu we vikpɛye. ²⁸ E wɛzɔn, mimɛ anɛ yevi le yise mɛ lɛye, akpagbe we vi wɛ mi nyi ɖi Izaki ha. ²⁹ Vɔ le osan,ovi xena ye ji ɖi ɖena ye nɔ ji omɛ ɖo ha kpoŋu lɔ,ɖe ofun na ovi xena ye gbɔn gbigbɔ ɖedovo lɔ ji,lemɔha ke wɛ e gɔ le joɖo xɔn egbe. ³⁰ Vɔ ɖe,oxo bɔtɔn wɛ winwlan wewe lɔ ɖɔ?E ɖɔ ɖɔ:"Nya omɛ xixɔ nɛ lɔ kpodo ovyɛ sunnuglo kpo,ɖo omɛxixɔ lɔ we vyɛ ma ɖo oguɖuɖu ti kpodo nyɔnusi xeni ma nyi omɛxixɔ lɔ kpo we vyɛ gɛ. ³¹ E wɛzɔn,anɛyevi lɛye,mi ma nyi omɛxixɔ lɔ we vikpɛye gɛ,nyɔnusi xeni ma nyi omɛ xixɔ lɔ we vikpɛye wɛ mi nyi.