¹ O Galatitɔ lulu mɛ wɛ flu mi le ma?nu kun mitɔn mɛ jɛn wɛ Jesu Klisi ku le fye? ² E din, onu xe na un jlo na nyi,dogbɔn ozɔn wiwa osɛn lɔ tɔn go wɛ mi yi gbigbɔ ɖedovo lɔ,alɔ dogbɔn owɛn jijla onu ɖiɖitɔ wɛnɖagbe tɔn lɔ wɛ? ³ Mi ma gɔ ɖo onu nyi nywɛ tii?Xe mi bɛ Mawu sinsɛn sɔ gbigbɔ etɔn ji,o ɖi mi na wa fo kpodo agbaza kpo wɛ? ⁴ Mi se wuvɛ mitɔn lɛye do vɔ-vɔ mɛ wɛ?Na e nyiv do le mɔha be onu vɔ-vɔ wɛ? ⁵ Omɛ xe ni na mi gbigbɔ ɖedo ovo bo gɔ le blo onu jiwu le mimɛ,xe le blo gbɔn osi dali wɛ alo dogbɔn owɛn ɖagbe nujiwu tɔn xe na mi se dali? ⁶ Xena Ablaxamu ɖo onu ɖiɖi na Mawu e wɛzɔn,Ablaxamu do yi ohwɛ jijɔnɔ, ⁷ mi ka nywɛ odin ɖɔ,omɛ xe ni ɖo onu ɖiɖi lɛye ye yɔ ɖɔ Ablaxamu vikpɛ ye. ⁸ Ɖo onu winwlan lɔ ɖɔ,Mawu na sɔ ye do tlɔ zun ohwɛ jijɔnɔ na xemɛ onu ma ɖi tɔ ye wa ɖi onu na Mawu xo lɔ, e nɛ wɛzɔn wɛ na omɛ ɖe yi yise nu e yi dona nɔ gbɔ Ablaxamu ji. ⁹ wɛ,omɛ xe ni ɖi onu na Mawu ɖi Ablaxamu ha,yi donanɔ ɖi Ablaxamu ha. ¹⁰ Ɖo omɛ xe ni tɛ do osɛn xoxo lɔ go lɛye yi onu donɔ, do e yi winwlan ɖɔ:"Onu donɔ wɛ yi omɛ xeni ma yi osɛn xoxo lɔ ganji gɛ." ¹¹ Na ye tɛ gɔ se otonu na osɛn xoxo lɔ can,xe ma le nyi omɛ mimɛ le Mawu de xɔn gɛ,ye ka wlan ɖɔ:"Dodo nɔ na nɔ ogbɛ do gbɔn onu ɖiɖi etɔn dali. ¹² Osɛn lɔ ma tɔn sɔn onu ɖiɖi mɛ gɛ,amɔ omɛ xeni nɔ nyi osɛn xoxo na gɔ nɔ ogbɛ le osɛn etɔn mɛ. ¹³ Klisi wɛ hwlɛn mi sɛ le osɛn xoxo lɔ we onu do gɔ ɖɔ ye wlan ɖɔ:"Ota nylakan na omɛ xe na ye wɛ yi ka do atin lɔ ji" ¹⁴ Onu nyinyla lɔ wɛ yi ɖɔ:O do na Ablaxamu tɔn ni jɛ kosi lɛye xeni nyi Klisi Jesu se lɛye kpokpo ji,na akpagbe xeni le onu ɖiɖi lɔ mɛ ni do wa cicɛ mɛ do mi ji. ¹⁵ Nɔvi lɛye,ɖi akpagbe gbɛtɔ tɔn ha,na gbɛtɔ ɖe wlan onu ɖe xo ɖo anyi kaka ni gɔ wlan onu ɖekpokpwe can,xe ma kpego na ɖyɔ akpagbe Mawu tɔn gɛ. ¹⁶ Akpagbe xeni le Ablaxamu ji,e wa na omɛ lɛye kpokpo dogbɔn omɛ lokpo klisi lɔ ji,gɔ do yi omɛ leye kpokpo tɔn ji. ¹⁷ Un le ɖɔ xɔn ɖɔ:Alɛ nunu,akpagbe lɔ tɔn dogbɔn Mawu ji wa vɔ ozɔn osɛn lɔ tɔn sɔ oxwe sandi ɛnɛ ota ɛnɛ(430) gbɔn. ¹⁸ Ɖo e nyi ɖɔ oguɖuɖu hwlɛngan lɔ tɔn tɔn sɔn osɛn lɔ mɛ,hwlɛngan lɔ ma gɔ do akpagbe gɛ,vɔ Mawu ka do akpagbe na Ablaxamu. ¹⁹ A ni wɛzɔn wɛ osɛn lɔ le flɛn?Ye hɛn osɛn lɔ do wa na gbɛtɔ otonu mase tɔ lɛye. ²⁰ Odin akpagbe xena Mawu do yi lokpo nɔ wɛ e kan,e ma gɔ kan gbɛtɔ ti kaka do kan owɛndotɔ Mawu tɔn ɖe gɛ. ²¹ Odin,osɛn lɔ sɔ ota akpagbe Mawu tɔn wɛ?Gbeɖe kpɔn!Ɖo na osɛn xoxo lɔ na do nao ogbɛ wɛ,un ɖi ɖɔ do do na o wa gbɔn osɛn lɔɩ dali. ²² Vɔ,onu winwlan lɔ ɖɔ:Ogbɛ lɔ ci ogankpa mɛ le Mawu we nukɔn na Mawu ni do na ogbe ɖɔ me de yi onuɖitɔ, e ɖo na gbɔn klisi ji. ²³ Vɔ, ke hwɛkpo onu ɖiɖi xeni le Klisi mɛ lɔ na do wa,osɛn xoxo lɔ o hɛn mi do ogan mɛ kaka wa jɛ ɖexlɛ onu ɖiɖi tɔn ji. ²⁴ E nɛ,osɛn xoxo lɔ hɛn mi go kaka wa jɛ hwexenu Klisi wa wɛ ye gbeje mi gbɔ onuɖiɖi mitɔn lɛye dali. ²⁵ Odin,onu ɖiɖi lɔ ni le mimɛ,mi ma gɔ le zinvlu we acɛ gɔ gɛ. ²⁶ Ɖo mi mɛ sese yi ovi Mawutɔn do gbɔn onu ɖiɖi do Klisi Jesu tɔn ji. ²⁷ Mi mɛ sese xeni lɛ Mawu we osin le Klisi mɛ lɛye mi,mi sɔ Klisi lɔ do xɔ do ɖi awu ha. ²⁸ Gbɛtɔ le xeni nyi Jwifunu,Glɛkinu,kanumɔ,gbɛtɔ vɔvɔ, nyɔnusi kpodo sunnuglo kpo,mi nyi lokpo le Klisi Jesu mɛ. ²⁹ E yi ɖɔ,mi nyi Klisi tɔn, mi nyi jiji mɛvi Ablaxamu tɔ,ogu ɖutɔ akpagbe lɔ tɔn.