¹ Anɛyevi lɛ,mimɛ xeni ɖo nukɔn yiyi le onuɖiɖi mɛ lɛɛ,na omɛ ɖekpokpwe le wa onuɖe na mi gbwedo,miɖe e do omɔji a bo blo kpo dɔmɛ hunhun kpo, un ka gɔ le ɖɔ na mi ɖɔ mi cɔ miɖe na mi nɔ kpɔn do wa tintɛnkpɔn mɛ gɛ. ² Mi hɛn agban mitɔn lɛ na miɖe lɛɛ ɖo na mi blo lemɔha, Jesu Klisi wɛ osɛn nɛ mi o le nyi xɔn. ³ Omɛ ni nɔ mɔ ɖɔ mye bo nyi oga bo ka ma nyi nuti gɛ,e ɖe wɛ ele blɛ ɖu ɖo e ma nyi onuti gɛ. ⁴ Mɛ lokpo-lokpo ni byɔ eɖe mɛ bo kpɔn ozɔnna e le wa lɛ,na ozɔn na ele wa lɛɛ na kpona nyi aya jijɛ ni-i be ni bo jaya le eɖemɛ,amɔ kposɔ eɖe xɔ jlɛ do mɛɖe ɛlɛ go gɛ. ⁵ Ɖo ozɔn na mɛ lokpo-lokpo wa we kunnu wɛ e na ɖe. ⁶ Omɛ xena ye le kplan Mawuxo lɔ ɖona ma onu ɖagbwɛ xe le esilɛ sese kpo xa omɛ ni le kplan Mawu xo lɔ wi xɔn. ⁷ Mi nɔ kpɔn blɛ miɖe ɖu gɛ,mɛɖe ka mɔ nɔ wa yɛmɛ nu ɖoxlan Mawu de gɛ,onu na a wa wɛ ana blo. Na mɛɖe ka blo ojlo nyinylan gbɛtɔtɔn, ojlo nyinyla gbɛtɔ tɔn ke wɛ na dwɛn do yi oku. ⁸ Na mɛɖe ka blo oji yɛsinsɛn mimɛtɔn, e na ni ogbɛ mavɔ-mavɔ. ⁹ E wɛzɔn mi nɔ kpɔn jo ɖagbwɛ wiwa do gbeɖe gɛ o.Ɖo na agbɔ ma kpemi do ego gɛ,wɛ ogan etɔn wa xo,mi na mɔ ajɔ etɔn bo na yi. ¹⁰ Anɛyevi lɛye ,enyi lemɔha na mi mɔ ɖagbwɛ wiwa we omɔ lɔ le hwe ɖekpokpwe,nu mi a nɔ blo na omɛ lɛkpokpo,xe le otaji wɛ nyi nɔvi le onuɖiɖi mɛ lɛ. ¹¹ Odin nyɔ tesu Pɔlu wɛ le wlan oxo xe lɛye ɖoxlan mi xɔn kpo ovɔ ce kpo.Na mi ka o mɔ ɖena owekun lɛ klo ɖo mi na nywɛ ɖɔ nyɔ tesu bɛ bo wlan. ¹² Omɛ xeni ɖɔ ada jan bɛ mye bo na gbo dandan lɛ,onu na ye le din wɛ nyi ɖɔ ye na ɖeyexlɛ le gbɛtɔlɛ we nukɔn,ɖo ye ma le din na ye a do wuvɛ sise na ye do Klisi xe ku do Akluzu ji lɔ wutu gɛ. ¹³ Ye mɛ xeni gbo ada lɛ tesu mɔ nɔ nyi osɛn lɔgɛ.Ye nɔ jlo ɖɔ mye ni bo yi ogbe a bo gbo ada na ye na nɔ do ɖegbe ɖɔ mye bɛ bo gbo ada na mi. ¹⁴ Un mɔ nɔ gɔ mɔ gigo le onuti mɛ zɛgbɔn Akluzu Jesu Klisi tɔn go gɛ,dogbɔn oku lɔ mɛ wɛ ogbɛ lɔ do nyi kika le akluzu ji na-un,dogbɔn nyɔ can ji wɛ ogbɛ lɔ can do nyi kika. ¹⁵ Ɖo adagbigbo ma nyi onuɖe gɛ,adamagbo can ma nyi onuɖe gba gɛ,vɔ onule otaji lɔ wɛ nyi onudida yɔyɔ. ¹⁶ Na fifa kpodo dɔmɛkikwɛn Mawu tɔn kpo ni nɔ okpɔ xa mi ɖekpokpwe ni nɔ nyi çosɛn nɛ lɔ dogbɛzan yetɔn lɛ mɛ kpodo omɛ dida do vo Mawu tɔn lɛ kpokpo. ¹⁷ Bɛ sɔn odin, mɛ ti ni nɔ kpɔn gɔ do hannu na-un gɛ,ɖo abikpa ni o le goto na-un lɛ xlɛ ɖɔ un bo nyi Jesu tɔn. ¹⁸ Anɛyevi lɛye,fɛnu Aklunɔ mitɔn Jesu Klisi tɔn ni nɔ okpɔ xa gbigbɔ mitɔn.Ami!