¹ E wɛ zɔn,nyɔ Pɔlu un le ogankpamɛ do Jesu Klisi we ozɔn wutu do ota mɛ na mi omɛ xeye ni ma nyi Jwifunu lɛye gɛ. ² Un kan do e ji ɖɔ miye bo-o se ozɔn xena Mawu sɔ do alɔmɛ na-un gbɔn fɛnu etɔn mɛ do ota mitɔn mɛ. ³ Ɖi ɖena un o kɛ onu do e go ɖo ha,dogbɔn ɖiɖexlɛ ɖe mɛ wɛ Mawu na na-un do mɔ onu jɛ onuhwihwla xe go na un le wlan onu do xɔn. ⁴ Na mi ogbɛ le xlɛ-ɛ xɔn,be mi na mɔ nukunnu jɛ ɖena un nyɔ Klisi we onuhwihwla lɔ ɖo. ⁵ Onuhwihwla e nɛ lɔ,Mawu ma ɖe sɔ xɔ xlɛ jijimɛvi osantɔn ye gɛ,vɔ odin e gbɔn gbigbɔ etɔn ji bo do ɖexlɛ mɛsɔɖoxlan kpodo ɖɔɖanyiɖɔtɔ mimɛ ton lɛye ji. ⁶ Onuhwihwla e nɛ lɔ wɛ nyi ɖɔ dogbɔn owɛn nywɛ lɔ ji,omɛ xeye ni ma nyi Jwifuye gɛ kpodo omɛ xeni nyi Jwifuye ɖo cinɔ lokpo lɛye,ye nyi alɔklan na agbaza lokpo bo gɔ ɖo mima le akpagbe xena Mawu do gbɔn Jesu Klisi ji lɛye mɛ. ⁷ Un nyi ozɔnwatɔ na owɛn dagbe lɔ gbɔn fɛnu xena Mawu na-un mɛ.E bo blo gbɔn hɔnhlɔn etɔn mɛ. ⁸ Nyɔ xeni nyi ovi kpotwi na yisenɔ lɛye sese un yi fɛnu nɛ lɔ a bo do jla dɔkun mavɔ-mavɔ xeni le Klisi mɛ na omɛ xeni ma nyi Jwifunu gɛ lɛye, ⁹ a bo gɔ do na na omɛ kpokpo a nyɔ ɖena Mawu na blo onuhwihwla etɔn xena e sɔ hwla sɔn xoxo gbɔɔn ɖo,e yɔ wɛ ɖo onu kpokpo le ogbɛ lɔ mɛ. ¹⁰ E nɛ, bɛ sɔn odin,dogbɔn agun lɔ ji acɛ kpikpa kpodo oga ɖuɖu xeye ni le ojinukunsi lɛye na do nyɔ onunyinywɛ vwe-vwe Mawutɔn xeni le. ¹¹ Mawu blo e nɛ lɔ e bo sɔgbe xa tito mavɔ-mavɔ xena e blo gbɔn Jesu Klisi ji. ¹² Lokpo xena mi blo xa Klisi lɔ kpodo yise xena mi ɖo do eji,hun omɔ na mi na mi-a do sɛkpɔ-ɛ kpodo ojiɖiɖe kpo. ¹³ E wɛzɔn un le byɔ mi xɔn ɖɔ ayixa ni nɔ kpɔn gbado na mi do wuvɛ xena un le se xɔn do ota mitɔn mɛ gɛ:e na hɛn gigo wa na mi. ¹⁴ E wɛzɔn un nɔ jɛklo le nukɔn na Mawu otɔ lɔ, ¹⁵ xe mɛ na kunkan ɖekpekpe xeni le sɛxwe kpodo anyizan ji tɔn sɔn, ¹⁶ bo nɔ byɔ-ɛ ɖɔ ɖi ɖena gigo etɔn klo ɖo ha,ni bo do hɔnhlɔn sinsyɛn lanmɛ na mi do gbɔn gbigbɔ etɔn ji. ¹⁷ E nɛ,gbɔn onuɖiɖi mɛ,Klisi na nɔ oji mitɔn mɛ,a bo li okyɔn,a bo lido le owanyiyi mɛ, ¹⁸ mi na do mɔ hɔnhlɔn,miye kpo yisenɔ lɛye kpo a do mɔ onu jɛ ɖena Klisi we owanyiyi klo ɖo,bo ɖiga,bo yi oji bo siso ɖo, ¹⁹ gɔ do hugan lemɔha,mi na do nyɔ Klisi we wanyiyi xeni hugan onu jijɔhun ɖekpokpwe e nɛ Mawu we ninɔmɛ na do gɔ ayixamɛ na mi. ²⁰ Mawu kpego dogbɔn hɔnhlɔn etɔn xeni le wa ozɔn le mimɛ a bo do wa onu na mi xugan onu na mi byɔ kpodo xe we susu na mi do, ²¹ eyɔ tɔn wɛ nyi gigo le agun lɔ mɛ le Klisi Jesu mɛ,le jijimɛvi seseye mɛ,sɔn mavɔ do yi mavɔ mɛ!Ami!