1
« Anɛyevi lɛye kpo atɛyɛ lɛye kpo, mi do oto oxo xena na ɖɔ na mi din a do ɖe xlɛ mi ɖɔ ohwɛ ce bɔjɔ ».
2
Xena ye se ɖɔ e bo le ɖɔ oxo na mi ye lɛye do heble we ogbe mɛ xɔn, awin gɔ zin tototo bu.Ewɛ pɔlu ɖɔ na ye ɖɔ.
3
« Jwifu na wɛ un nyi, wɛ ye jì-un le Tasi, le Kansin Silisi tɔn mɛ. Vɔjɔfì e xe, le Jeluzalɛmu we otoxo mɛ wɛ un hwɛn le. Gamalyɛli kɔn kɛ un nyi okplan le, e bo kplan dagbo mitɔn lɛye we osɛn lɛye un ɖi ɖena e jɛ ha ɖo pɛpɛpɛ. Un do akpakpa na Mawu tayu ɖi ɖena mi ye can le ɖo le egbe ha.
4
Un do tagba na Mawu sɛntɔ lɛye kaka gbɔɔn omɛ ɖe lɛye bo Ku. Un blo Kaka gbɔɔn ye do kpɛŋubɛ na nyɔ nusi ye kpo sunuugloye kpo, bo do ye ogankpa mɛ.
5
«Avɔ santɔga lɛye kpo, otomɛxo lɛye We ogbɛ̀ kpikpli lɛye hɛn ye na ɖe kunnu na-un jlo. Yee lɛye si wɛ un yi wemayé le do otamɛ na jwifunu xɛni le Damasi lɛye. Toxo nɛ lɔ mɛ wɛ un le sɔn yì xɔn, a bo do wa yi We omɛ xeni le sɛn Mawu xɔn lɛye a bo bla ye da wa Jeluzalɛmu na ye a do dɔn oto na ye.
6
Omɔ lɔ ji wɛ un lɛ bɔle sɔn xɔn, xena un le Sɛkplɔ Damasi we oto lɔ xɔn, tintan lokpo kpɔŋu, le ogan wyawe mɛ ha, Kinklɛu ɖaxo ɖe sɔn ojimuku sin bo ta do ji ye.
7
Un jɛ anyi, bo jɛ ogbe ɖe sise ji dɔ : «solu solu, a ni ha wɛ zɔn ado le do tagba na-un xɔn ?»
8
Wɛ un ɖo e go ɖɔ: « Aklunɔ, wɛ wɛ anyi? E ɖɔ e go na-un ɖɔ "nyɔ wɛ Jesu Nazalɛ ti tɔn Xena a le do tagba na xɔn."
9
Omɛ xeni Kplan-un do lɛye mɔ Kinklɛn lɔ ganji, vɔ ye ma se omɛ xe le ɖɔ oxo na-un lɔ wɛ ogbe gɛ.
10
Wɛ un kan se ɖɔ : ''Aklunɔ, a ni wɛ na blo e wɛ Aklunɔ lɔ do e go na-un ɖɔ : "Ci ote a bo yi Damasi, flɛn wɛ ye na ɖɔ onu xena a blo lɛye sese na wɛ le.
11
''Ɖe kinklɛn lɔ ta do ji ye ɖo, e na wɛ un ma gɔ le mɔ onu xɔn gɛ, Wɛ omɛ xe kpo nyɔ kpo zɔn lɛye gbɔjwɛ hɛn alɔ na-un bo do Kplan-un do yi Damasi.
12
Vɔ, dahwe xena ye nɔ ylɔ ɖɔ Ananyasi le toxo nɛ lɔ mɛ. E nɔ ɖo sisi na Mawu, bo nɔ nyi Mɔyi zi we osɛn lɔ. Jwìfu nu xeni le Damasi lɛye Kpokpo nɔ ɖe kunnu jì jɔ hun do e go.
13
Dahwe nɛ lɔ wa kɔn ye, bo ɖo na-un ɖɔ :"Anɛyevi solu gɔ mɔ nukunnu." Le tɛndo lokpo mɛ, un jɛ onu mimɔ jì, un mɔ e yɔ tesu.
14
E wɛ e dɔ na-un dɔ : « Dagbo mitɔn we Mawu o Can We ɖo anyi na a do nyɔ ojlo etɔn a bo mɔ dodonɔ a bo se ogbe etɔn.»
15
Ɖo a nyi kunnuɖetɔ ɔtɔn a bo jla onu xena a mɔ kpo xe a se kpo na omɛ lɛye sese.
16
Odin ɖe, ani ha wɛ a gɔ le ote kpɔn? Ci ote na ye a nylɔn we do osin mɛ le nyi kɔ etɔn mɛ a bo do klɔ nylado tɔwe lɛye sɛ.
17
Xena un wa lɛkɔ dɔ yi Jeluzalɛmu, un wa lexo oɖɛ gbelokpɔ le Mawu xɔ mɛ xɔn bo wa bu do de-e.
18
Un mɔ Mawu lɔ wɛ e le ɖɔ na-un xɔn ɖɔ : ''Ɖebla bleŋu tɔn le Jeluzalɛmu, ɖo ye ma le yi ogbe na kannu Xena aɖe do go-e xɔn gɛ.''
19
Wɛ un ɖɔ : «Aklunɔ ye Tesu ye nyɔ-ɛ ɖɔ nyɔ bo nɔ dan gbɔn okplitɛn lɛ ye, le osan bo nɔ do wle jwifunu xeni ɖi onu na we lɛye do don, gankpamɛ wɛ ye nɔ xo ye Sɛn»
20
E wɛ hwexenu na ye hu Etyɛni xeni nyi kunnuɖetɔ tɔ we, nyɔ can le flɛn, un ɖo ogbe kpɔ Xa ye wɛ ye do hu-i. Nyɔ wɛ hɛn awu yetsɔn lɛye na ye do hu-i.
21
Aklunɔ lɔ bo ɖɔ na-un ɖɔ : «Sɔn, ɖɔ ka-ka dindɛnnu gbɔɔn wɛ na ɖɔ we ɖoxlan le Kosi lɛye de »
22
Xɛna ye ɖo oto Pɔlu gbɔɔn wa jɛ, oxogbe nɛ lɛye ji, ye bɛ axwa bo ɖɔ : « Mi bu omɔnu na dahwe nɛ, e ma jɛ xa dɔ e na nɔ ogbɛ gɛ.»
23
Ye le do axwa xɔn, bo le dun onuadido yetsɔn lɛye do oji xɔn, bo le bɛ okɔgudu dɔ oji xɔn,
24
Ahwanga lɔ de ogbe ɖɔ ye nì bo Kplan Pɔlu do dyɛ ahwankpa mɛ, a bo le Xo-ɛ xɔn a do le kan oxó lɔ wí se xɔn. E nɛ, e na do ɖɔ onu xe wutu na ye dó le dó axwa do ota nì-i xɔn do lemɔha.
25
Hwexenu na ye bla Pɔlu, bo jlo na Xo-o kpo olanba Kpo, e ɖɔ na sɔjakanwekoga lɔ ɖɔ:« Mi ɖo aCɛ bo na dɔ Xo Hlɔma Vi jijì Xena ye ma do ohwɛti na gɛ ?»
26
Xena Sojaga lɔ se oxo le wa lɔ, e wa yi dɔ na ahwanga lɔɖɔ : « A ni blo gbe wɛ a ja ? Hlɔmatɔ wɛ nyi dahwɛ nɛ mɔ !»
27
E wɛ ahwanga lɔ wa e dɔ bo ɖɔ nì-i ɖɔ : « Hlɔmatɔ wɛ a nyi xojɔxo ? ɖɔ na-un » Pɔlu ɖo e go nì-i ɖɔ : « ɛɛn Hlɔmatɔ wɛ
un nyi »