¹ Pɔlu kpan nukɔn ohwɛɖɔtɔ lɛye boɖɔ ye ɖɔ:«Anɛ yevi lɛye, ayixa ce ma o da ohwɛ ti na-nu sɔn hwexenu na un le zɔnzɔnlin xa ma-wu sɔn gbɔɔn do wa jɛ egbe gɛ. ² Avɔ santɔ ye we oga ɖe ogbe na owɛ xeni le akpa na pɔluɖɔ ye ni bo gba onu nii-i. ³ E wɛ Pɔlu ɖɔ ni-i ɖɔ : « yɔ wɛ Mawu na xo, ado xena ye si osɛn wewe na. A ƒlɔn -anyi bo na do da ohwɛ na-un di ɖena osɛ́n jlodo, vɔ osɛ́n lɔ wɛ ale gba bo do ɖo ye ni bo xo-un». ⁴ Omɛ xeni le akpa na pɔlu lɛye tɔ ogbe wi-i bo ɖɔ:« Mawu we avɔsantɔga nɛ ale zun xɔn» ⁵ Pɔlu ɖo e go na ye ɖɔ:«Anɛyevi lɛye, un ma nyɔ-ɛ ɖɔ Mawu we avɔsantɔga wɛ gɛ, ɖo e le wiuwlan le Mawu xo lɔ mɛ dɔ a ma le zun otoga tɔwe xɔn gɛ.» ⁶ Xena pɔlu nyɔ-ɛ ɖɔ le ohwɛ ɖɔtɔ lɛye mɛ, akpa ɖe bo nyi sadusitɔye, akpa ɖe can bo nyi falizitɔ ye, e do axcwa le nukɔn na ye bo ɖɔ:« Anɛyevi mi, falizitɔ wɛ un nyi, bo nyi falizitɔ we ovi jiji. e kun do omɛ kuku lɛye we ƒinƒon sɔn oku xena un le nɔ ote kpɔn xɔn go wɛ zɔn ye do le da ohwɛ na-un xɔn. ⁷ Lemɔha lɔ na polu kpoŋu, e jua we onudin dɔn do dyɛ falizitɔ ye kpo sadusitɔ ye kpo mɛ kaka mima wadye ye me. ⁸ Ɖo sadusitɔye ɖɔ fiufɔn sɔn oku bo ma le gɛ; wɛn zangun Mawutɔn can bo boma le gbɔɔn gbigbɔ ɖe bo do le gɛ. vɔ fazilitɔ ye nɔ ɖɔ́ onu e nɛ bo le. ⁹ Axwa gbe lɛye gbɛ le ɖi Xɔn e wɛ osɛnkplan mɛtɔ ɖe lɛye Xeni le Falizitɔye we ogbɛ mɛ lɛye, cite kpo Zigidì kpo bo ɖɔ: « Mì ma ɖɔ ohwɛ ti bo na do na dahwɛ Xe gɛ mɛ nyɔ-ɛ ɖɔ gbigbɔ ɖe alo Wɛnzangun Mawu tɔn ɖe wɛ ɖɔ oxo ni-i ? » ¹⁰ Onu dindɔn lɔ wa le syɛnxu Xɔn gbɔɔn abu wa jɛ ahwanga lɔ jì ɖɔ ye bo na vunvun Pɔlu, e we e ɖe ogbe na Sɔjaye ɖɔ ye ni bo Wa-yi dɔn Pɔlu e yesi abo kplan-ɛ do yi ahwankpa mɛ. ¹¹ Gbenɛ gbe we ozan mɛ, Aklunɔ wa tɔn do nukunmɛ ni-i bo ɖɔ: « Do oji! Xena a ɖe kunun na-un le Jeluzamu fi Xega gɔ ɖe na-un le Hɔma can gba » ¹² Xɛna anyihɔn, Jwifunu lɛye bla ogbe bo Xwle Mawu ɖɔ: «Na mi ye lɛye bo ma hu pɔlu gɛ, mi ye lɛye bo ma le ɖu onuɖe xɔn gbɔɔn bo na dɔ na do nu onuɖe gɛ.» ¹³ Ye omɛ xeni bla ogbe lɛye hugan gbɛtɔ kanɖé. ¹⁴ Ye Wa-yi mɔ ayɔsantɔ daxo lɛye kpo otamɛ xo lɛye kpo bo ɖɔ na ye dɔ: « Mi ye mi xwle Mawu ɖɔ na mi ma hu-ì gɛ, mi ma le ɖubonuti xɔn gɛ. ¹⁵ Odin mi ye kpo ohwɛɖɔts daxo lɛye kpɔ na ɖo ogbekpɔ a bo ɖɔ na ahwanga lɔ ɔ ni bo Kplan Pɔlu wa na mi ye. Mi na ɖɔ, mi ye bo na gbe, je oxo e tɔn Kpɔn Ceɖe-Ceɖe. Mi ye, mi o na le ogbesisɔ a bo do hu-i hwɛkpo e na wa fi xe». ¹⁶ Vɔ onylɛ yɔvi sunnuglo Pɔlu tɔn do se ogbe xena ye blado e go lɔ. E wɛ e yi ahwankpa lɔ mɛ bo wa yi xo okpa ni-i. ¹⁷ E wɛ Pɔlu ylɔ Sɔja Kanuwekoga lokpo bo ɖɔ ni-i ɖɔ « Kplan lekajɛ xe do yi ahwanga lɔ de, ɖoe ɖo oxoɖe bo na ɖɔ ni-i.» ¹⁸ SɔjaKauweko ga lɔ kplɛn-ɛ do yi ahwanga lɔ kɔn bo ɖɔ: «Ogantɔ Pɔlu wɛ yɔ-un boɖɔ nyɔ ni bo Kplan lekajɛ xe do wa di we, do e bo ɖo oxo ɖe bo na ɖɔ na we. ¹⁹ Ahwanga lɔ hɛn alɔ na lekajɛ lɔ bo kplan-ɛ jɛ azɔge, bo kan-ɛ se ɖɔ: «oxo bɔ tɔn wɛ a ɖo bo na ɖɔ na-un?». ²⁰ E ɖo e go ni-i ɖɔ: «Jwifunu lɛye ɖo ogbe kpɔ bo na byɔ ogbe woɖɔ yɔ nibo hɛn Pɔlu wa ohwɛ ɖztɔ ɖaxo lɛye we nukɔn le osɔ ɖi ɖɔ ye na gbeje oxo atɔn Kpɔn Cede-Cede ha. ²¹ Vɔ, nɔ kpɔn kan oxo yetɔn ji gɛ, ɖo omɛ hugan kanɖe ha te ye mɛ wɛ le ɖo omɔ́ ni-i ye sɔ ogbeta, bo xwle Mawu ɖɔ na mi ye bo ma hu Pɔlu gɛ, mi ye lɛye bo ma le ɖu onu xɔn gbɔɔn bo na nu onuti gɛ. Ye o ogbesisɔdin, ogbe yiyi tɔwe jan wɛ ye le dɔ kpɔn » ²² Kɔ́ na lekajɛ lɔ ɖɔ nibo uɔ Kpɔn ɖo oxo nɛ lɛye na mɛtì gɛ, e nɛ godo, e ɖɔ ni-i ɖɔ ni bo wa sɛu. ²³ E nɛ godo ahwanga lɔ ylɔ SɔjaKanuweko ga awe, bo ɖɔ na ye ɖɔ : « Mi kpli Sɔja Sandi awe, (200) Sɔja osɔjinɔtɔ Kanɖe gban Kpo Sɔja Kanhwan datɔ Saundi awe (200) xeni na le ogbesisɔ a do yi Sézalé le ozangan cɛnnɛ mɛ. ²⁴ Mi sɔ onu na osɔye ɖo anyi na Pɔlu cangba a bo do kplan-ɛ do yi otoga Felisi de,, e nɛ onuti ma wa-ɛ le omɔ lɔ ji xɔn gɛ. ²⁵ E nɛ godo, e wlan wema bo dɔ. ²⁶ «Nyɔ Klodiwusi Lisiyasi, un le do ogbe ɖoxlan omɛ, ɖaxo otoga Felisi xɔn. ²⁷ Jwifunu lɛye wle dahwe xena un le sɔ doxlan we xɔn xe, bo ja huhu-i gbe; xena un se ɖɔ. Hlɔma we otoyi,bɛ e bo nyi, un dɔn sɔja ce lɛye wɛ mi wa yi yi-i le ye si. ²⁸ Xena un jlo na nyɔ onu xe we ohwɛ na ye le da ni-i xɔn, un dɔn-ɛ do yi ohwɛɖɔtɔ, ɖaxo yetɔn lɛye de. ²⁹ Un wa mɔ nukunnu jɛ e mɛ ɖɔ, do gbɔn osɛn yetɔn lɛye we oxo ɖe bɛ bo zɔn na ye bo do le da ohwɛ ni-i xɔn, vɔ e ma hu ohwɛ ti xɛ byɔ oku alo ogankpamɛ nìnɔ gɛ. ³⁰ E nɛ godo ye wa xo okpa na-un ɖɔ jwifunu lɛye bo bla ogbe do e go. E we Zɔn un do sɔ ogbe ta tlololo ɖɔ un bo na sɔ-ɛ sɔ ɖoxlan we, un ɖɔ na omɛ xe le da ohwɛ ni-i lɛye ɖɔ ye ni bo ylɔ ohwɛ. Wi-i do de we. ³¹ Sɔja lɛye blo onu xena e Zɔn ye, wɛ ye kplan Pɔlu do Sɔn yi Anipatlisi we toxo mɛ le Zanme. ³² Le anyihinhɔngbe etɔ, Sɔja osɔjinɔtɔ lɛye Wle omɔ Xa Pɔlu, Sɔja gbɔkpwe lɛye lɛ okɔ bo wa Sɔn yi ahwankpa lɔ mɛ. ³³ Xena osɔjinɔtɔ lɛye jɛ Sezalɛ lɔ, ye sɔ wema lɔ bosɔ na otoga lɔ, bo sɔ Pɔlu do alɔmɛ ni-i. ³⁴ Otoga lɔ xlɛ wema lɔ, bo kan Pɔlu se alɔ Kansin bɔ tɔn mɛ wɛ e Sɔn ja? Xena e se ɖɔ silisi we Kausin mɛ bɛ e bo Sɔn, ³⁵ E ɖɔ ni-i ɖɔ: «Na omɔ xeni le da ohwɛ na we xɔn lɛye o o wa wà Vɔ, na kan oxo we se». e ɖɔ ogbe ɖɔ ye ni bo kplan-ɛ do Sɔn yi oxwe. Xena Elodu gba gbe a bo le c ɔ-ɛ xɔn.