¹ Nyɔɛn ɖɔ le ogbɛ lɔ vivɔnu we azan godotɔn lɛye gbe, ganxixo sisyɛnxulɛye na wá wá. ² Ɖo gbɛtɔlɛye na nyi wan na ye tesu kɛlɛ, a bo nyi wan na kɔbɔ, a bo nɔ ze yeɖe do yiji, ye na nɔ nyigon a bo nɔ kɔn acɔn dó Mawu go. ³ Ye ma le ɖo wanyinyi na mɛ gɛ, ye ka ma wa le ku dɔŋuɖunu na mɛ gɛ, bo na wa le dɔ mɛ xó ye ma nɔ ɖu le yede ji gɛ, a bo nyi wan na vivɛsise dó na mɛ, a bo nyi kɛntɔ na ɖagbwɛxatɔ lɛye. ⁴ Ye na nɔ ɖu yeɖe, a bo nyi omɛ xeni mɔ nɔ bu ta mɛ hwɛkpo nɔ wa nu gɛn wɛ ye na gɔ kpodo gonyinyi kpo, a bo nyi wan na gbɛ ɖuɖu xugan Mawu. ⁵ Ye na nɔ ɖe Mawu sisɛn xɔ xlɛ le nukunta, vɔ a bogbɛhɔnhlɔn xeni le Mawu sisɛn adodwe lɔ mɛ. Dɔn ɖewe sɛ le omɛ nɛ lɛye go ⁶ Ɖe lɛye le ye mɛ, bo nɔ do yɛ mɛ a bo do byɛ xwegbe na mɛlɛye, a bo zin nyɔnusi ganmaɖotɔ lɛye fi xeni bɛ onu nyinyla lɛye sɔkpla, wɛ ojlo ɖekpekpe nɔ le dɔn ye lɛye. ⁷ Ye nɔ le din na kplan nu tɛgbɛ vɔ ye mɔ nɔ yɔn oxo lɔ wi gbelegɛ. ⁸ Ɖi ɖena Janesi kpodo Janblɛsi cite dó Moyizi ji san ha, lemɔha ke we omɛ lɛye nɔ cite kpan nukɔn xojɔxo lɔ ɖo nɛ. Omɛ nɛ lɛye susu yetɔn gble, yise yetɔn ka ma kpego na nɔ te le nukɔn na xwlekpɔn gɛ. ⁹ Vɔ mɔ nɔ kpego nɔ yi nukɔn gɛ ɖo oha jijɛ yetɔn na jɛ agbaŋugba le nukɔn na omɛ lɛye sese, ɖi ɖena Janɛsi kpodo Janblɛsi tɔnlɛye nyi dó há. ^{13 10} Vɔ yɔ a kpɔŋu ganji, bo se nu na nukplanmɛ celɛye, bo kpɔn aƒɔ ɖiɖe ce lɛye, tito ce lɛye, yise ce lɛye, hun kunku ce lɛye, waanyinyi ce lɛye, vivɛnu dido ce lɛye. ¹¹ A bo nɔ mɔ oƒun xena un kpe kpodo aya na un ɖu le Antyɔcu, ikonyɔmu kpodo Lisri kpo. Oƒun ɖiɖe na omɛ bɔtɔn wɛ le wɛ un ma gbɔn e mɛ gɛ. Co Aklunɔ bo hwlɛn un gan le kpokpo mɛ. ¹² Ɛɛn, omɛ sese ni le din na zan sisi ɖiɖi na Mawu we ogbe le Jesu Klisi mɛ, ye na de ɖe ɖun na ye. v 13 Amɔ omɛ danuwatɔ kpodo omɛ blɛɖu tɔ lɛye na nɔ yi nukɔn le onu nyinyla mɛ tɛgbɛ, a bo dɔn omɛ lɛye kpodo yetesu lɛye kpo can bú. ¹⁴ Vɔ yɔ, tɛ do nukplanmɛ xena a yi bo kan de ji go, a yɔn omɛ xe kɔn na a yi le. ¹⁵ Sɔn vikpɛvu mɛ tɔwe gbɔn, a yɔn nu wiwlan mimɛ lɛye; ye na kpego na na we nu nyinywe, we a na o hwlɛngan dogbɔn nuɖiɖi ɖoɖo na Jesu Klisi ji. ¹⁶ Nuwiwlan mimɛ ɖekpekpe sɔn Mawu ɖe, bo jɛ xa zizan a bo do kplan nu mɛ, a bo do ná ná omɛlɛye ni a nyɔ-ɛ ɖo onu nyinyla bɛ ye bo le blo, a do jɔ kɔ mɛ, a bo kplan nu mɛ na ogbɛ jijlɔ zizan. ¹⁷ Na Mawu we mɛ ni do le gbe sisɔ titeŋugbe, a bo do sɔ nu ganji na ozɔn ɖagbɛ ɖekpekpe wiwa.