¹ Un le byɔ we vivɛɖe le Mawu we nukɔn, kpodo Jesu klisi xeni na wa ɖɔ hwɛ na omɛ ni le gbɛ kpodo omɛ ni ku lɛye kpowe nukɔn, un bo le byɔ we xɔn do Jesu Klisi we wiwa kpodo xɔsuɖuɖu etɔn kpoɖɔ, ² Jla Mawu we xo lɔ, tɛ oɖɛ eji le gan ɖekpekpe mɛ, ogan lɔ mɛ jɔhun o, e ma jɔhun gɛ o, ɖe xlɛ omɛ lɛye ɖɔ onu nyinyla bɛ ye bo le blo xɔn, gbɛ nu na omɛ lɛye taŋu do akpakpa nanmɛ na omɛ lɛye, we a na nɔ blo lemɔha tɔgbɛ kpodo hunkuku kponu kplanmɛ we ayixa kpo. ³ Ɖo ogan lɔ ja wɛ mɛ ɖe ma go jló na wa se nukplanmɛ adodwe lɔ gɛ, vɔ bgɔn yetesu we ojlo lɛye mɛ, ye na blo wɛ nukplan-mɛtɔ susu na xa do ye a bo do ɖɔ onu na ye nɔ din na se lɛye ⁴ ye na nɔ su oto yetɔn lɛye a bo do gbɛ xojɔxo lɔ sise a bo ɔ wɛ do ta otan ma nys ta na lɛye mɛ. ⁵ Vɔ yɔ, nɔ ɖu le ɖewe ji le onu lɛye sese mɛ, do ji le ayaɖuɖu lɔ mɛ, blo wenɖagbwɛ jlatɔ we ozɔn lɔ, blo azɔn na Mawu sɔ xɔ ɖo asi na we lɛye sese. ⁶ Le xojɔxo mɛ, yɔn, ye o ze ogbɛ ce do san vɔ, hwenu ná ná wá lɛ le ogbɛ lɔ mɛ can bo o sɛkpɔ. ⁷ Un ƒun ahwan ɖagbɛ lɔ, un vɔ wezun dido ce, un hɛn yise lɔ go. ⁸ Odin xɔsugbakɔn xena ye nɔ na mɛ ni nɔ zan ogbɛ mimɛ, wɛye o jlaɖo ɖa nyi na-un le azan nɛ gbe, e ka ma yi yɔn lokpo nɔ mɛ gɛ, amɔ e ná ná omɛ sese ni na yi wan na kɔlilɛ wiwa etɔn. ⁹ Je tagba na a na do wa ye le madɛn- madɛn mɛ. ¹⁰ Ɖo Demasi gbɛ-un do owan xena e nyi na gbɛ mɛ we onu lɛye utu E bo sɔn yi Tɛsaloniki. Klɛsan yi Galasi, Titi bo yi Dalumasi. ¹¹ Lwiki lokponɔ gee wɛ le di ye. Dɔn Maki yɔ kpodo ekpo na zɔn do wá, ɖo e nɔ kpedo gwe un taŋu le Mawu we ozɔn lɔ mɛ. ¹² Un ze Ticiki doxlan Eƒɛzi ¹³ Na a jáa ze awu ɖaxo xena un jo do Tlowasi le Kaposu de do wá, wɛ a na ze hwɛma lɛye can, le Vivɛɖe, olangbaza xe ji naye wlan nu dó ɖi hwema lɛye can gbo. ¹⁴ Alɛsandri xeni nyi gbɛdɛ lɔ, wa nu nyinyla susu xa un. Aklunɔ lɔ na su onu xena e wa xa un we axɔ ni. ¹⁵ Yɔ can, cɔ ɖewe do e go, ɖó e cite taŋu do oxo xena mo dɔ lɛye ¹⁶ Titantɔn go na un do yi hwɛ nukɔn, bo dó ɖɔ xo, a bo ɖe xlɛ dɔ ohwɛ Ce bojɔ, omɛ ti ma nɔ godo na un gɛ. Ye mɛ sese we jo-un do. Mawu ni kpɔn da hwɛ etɔn na ye gɛ o. ¹⁷ Aklunɔ lɔ we kpedo gwe un, bo dó hɔnhlɔn nanmɛ na un, e nɛ dogbɔnji ye, wɛn ɖagbɛ lɔ bo nyi jijla taŋu, omɛ xeni ma nyi Jiƒu gɛ lɛye sese bo se. Ebo hwlɛn- un gan le kinikini jaŋuta we nu mɛ. ¹⁸ Aklunɔ lɔna gɔ de-un tɔn le tito nyinyla ɖekpekpe mɛ, a bo hwlɛnun gan na ma do ɖyɛ sɛxwe we xɔsuɖuɖu etɔnmɛ. Gigo nyi etɔn kaka do yi mavɔmavɔ mɛ! Ami. ¹⁹ Do gbe na Pliska kpodo Akilasi kpo, a bo gɔ do gbe na Onɛziƒɔ we xwedogbe can. ²⁰ Elasi ci kɔ lɛnti, un bo jo Tloƒimu do Milɛ, do e ma le gangan gɛ. ²¹ Jɛ tagba a bo wá hwɛkpo obu we ganmɛ ni a wá. Ebulisi, Pudɛnsi, Linusi, Klodya kpodo nɔvi yisenɔ lɛye sese do gbe doxlan we ²² Aklunɔ lɔ kpɔ xa we. Mawu we ƒɛnu ni nɔ kpɔ xa mi.