¹ E ma gɔ hian ɖɔ ma wlan onu do onu jijɔ a do gɔ alɔ na yisenɔ lɛye go na mi gɛ. ² Un nyɔ ojlo nywɛ mitɔn lɛye,un bo kanfu mi le Masedwanu tɔye de,un bo ɖɔ na ye ɖɔ sɔn oxwe ɖyɛ lɔ mɛ gbɔn Akayi tɔye bo le ogbesisɔ akpakpa mitɔn bo do akpakpa lanmɛ na omɛ susu. ³ E wɛzɔn un ze nɔvinɔ xe lɛ do xlan mi,wɛ mi na gɔ do nɔ aceji ɖi le un ɖɔ do xa.Un ja wa ɖo mi go,wɛ un ka ma jlo ɖɔ awajijɛ lɔ ni vɔvɔ nyi yɛ. ⁴ Un ɖibu ɖɔ e na nyi un nya na nyɔ kpo niye kpo le hwenu xe nyɔ kpo.Masedwani tɔye kpo na na,wa mi ma ja le aceji gɛ. ⁵ E wɛzɔn un lin ɖɔ un bo ɖo na ze nɔvinɔ xe lɛ ɖoxlan mi,wɛ ye na kpe nukun ɖo nunina xe we akpagbe mi do lɛ go.Wɛ ye na mɔ ɖɔ miye bo na kpo dɔmɛ nywɛ kpo,alo e bo ma vɛ na mi gɛ. ⁶ Mi nywɛ ɖɔ:"Mɛ xe do ovu nɔ mɔ ovu,wɛ mɛ xeni ka do nukun susu nɔ gɔ mɔ susu. ⁷ Mɛ lokpo-lokpo na na nu nu xe go-e kpe kpo ayixa mimɛ kpo,ye ma ɖɔ dandan na mɛɖe gɛ.Ɖo Mawu nyiwan na mɛ xe nɔ na kpo awajijɛ kpo. ⁸ Mawu ɖo hɔnhlɔn bo na do na onu susu mi.Mi na mɔ kaka e na zɛ ojlɛgo,wɛ mi na gɔ ma na omɛye. ⁹ Mawu xo ɖɔ:"E nɔ hun xomɛ bo nɔ do na ayanɔ lɛ,xomɛ nywɛ etɔn le kaka yi mavɔ-mavɔ. ¹⁰ Mawu wɛ nɔ na sisɛn,sisɛndotɔye,bo nɔ na owɔ xuxu ye.E na na miye can gba wɛ e na yi gele-gele,wɛ mi ma do blo onywɛ na omɛye. ¹¹ Mawu na na mi dɔkun ɖo ni nɔmɛ lɛ kpokpo ji,wɛ mi na do blo onuywɛ,wɛ omɛye na dokpɛ na Mawu. ¹² Nunina e nɛ lɔ na gɔ alɔ yisenɔ Jeluzalɛmu tɔn lɛ,lema mi na na ye hudo yetɔn lɛ,wɛ ye na dokpɛ na Mawu kpo oji yetɔn kpo. ¹³ E nɛ wɛ ɖexlɛ ɖɔ miye bo le gbeji na wɛnɖagbe Jesu Klisi tɔn alo ɖe mi nɔ ma onu mitɔn lɛ xa yisenɔ Jeluzalɛmu tɔn lɛ kpo omɛye kpo wɛ na zɔn ye na nyɔ ozɔ xe mi le wa lɔ,bo na gigo na Mawu. ¹⁴ Mawu na mi onu susu.E nɛ wɛ zɔn ye na yi wan na mi,bo na xo oɖɛ na mi. ¹⁵ Mya dokpɛ na Mawu na ozɔn nujawu tɔn xe e wa lɛ.