¹ Nyɔ Pɔlu,un le byɔ mi ɖo fifa kpo jɔmyɔ Mawu tɔn kpo ye ɖɔ un bo nɔ ci xwi le mide vɔ,bo ka nɔ le hɔnhlɔn ji le hwenu un lɛ le mide. ² Un ɖe kuku na mi ɖɔ,miye bo nɔ kpɔn na ma ci hɔnhlɔn ji le hwenu xe na le mi de gɛ vɔ mɛɖe lɛ nɔ bu-i ɖɔ miye tesu de wɛ linlin lɔ sin,ewɛzɔn na ze hɔnhlɔn ce,bo na do gbɛnu na mɛ enɛ lɛ. ³ Gbɛtɔ wɛ mi nyi,vɔ mi mɔ nɔ fun ahwan ɖi gbɛtɔ ha gɛ. ⁴ Ahwan fun nu mitɔn wa nyi gbɛtɔ yetɔn gɛ,vɔ hɔnhlɔn etɔn sɔn Mawu de,bo na do gba onu xe nɔ ze ota lɛɛ.Mi nɔ gba linlin nyinyla lɛɛ. ⁵ Mi nɔ lilɛ acɔ xe gbɛtɔ goyitɔ ye nɔ kɔn do Mawu go.Mi jlo ɖɔ gbɛtɔye ni ɖi nu na Mawu. ⁶ Hwenu xe mi na se tonu ganji,mi na dɔn to na mɛ xe vɛ toli lɛ. ⁷ Mi kpɔn un lɛ,na mɛɖe nywɛ ɖɔ miye bo nyi Jesu Klisi tɔn,e ɖo na gɔ nywɛ ɖɔ miye tɔn bɛ miye bo nyi gba. ⁸ Na un gɔ do le yigo hygan acɛ xena Aklunɔ lɔ na mi go can,e ma le nyi ŋunya na-un gɛ,acɛ nɛ lɔ,a do na na mi a hwɛn le yise mɛ,e ma nyi a do va okun su do na mi mɛ gɛ. ⁹ Un ma ja do bu na mi gbɔn onu winwlan ce mɛ gɛ. ¹⁰ Omɛye ɖɔ:nu xe Pɔlu wlan lɛ vyawu vɔ eyɔ tesu mɔ nɔ ɖɔ oxo gbɛ gbɛ e hwenu xe e le mi de gɛ. ¹¹ Mɛ xe ɖɔ xo do le ma ɖo na nywɛ ɖɔ:"Na mi jo mi do,mi nɔ wlan nu vivɛ doxlan mi.E nyi mi ka gɔ le akpa na mi,mi nɔ gɔ ɖɔ oxo kpo ohun nyinyla kpo na mi,vo gbigbɔn ma le mɛ gɛ. ¹² Mɛ ɖe lɛ nɔ lin nu ganji ɖo ye le go vɔ,miye ma jan vlɛ ye gɛ.Ye nɔ jlɛ yeɖe do mɛɖyɛ lɛ go,yɔyinɔ nyi ye. ¹³ Vɔ miye ma jan wa onu,bo na zɛ ojlɛ go gɛ.Mawu tesu na mi ojlɛ le hwenu xe edɔn mi wa mi de,wɛ mi na blo do eji. ¹⁴ Hwenu xe miwa mide,mi ma gbɔn ojlɛ go gɛ.Mi wa mide tintan kpo wɛnɖagbe Jesu Klisi tɔn kpo. ¹⁵ Mi mɔ nɔ zɛ ojlɛ go gɛ ɖo ozɔn mɛɖyɛ lɛ tɔn wutu vɔ mi ɖi nu na onu lokpo ɖɔ:Nu ɖiɖi mitɔn na dɔn nukɔn yiyi wa wɛ mi hɛn mi na wa nu ɖaxo lɛ.Vɔ mi ma jan zɛ ojlɛ go gɛ, ¹⁶ e nɛ godo,mi na gɔ wa yi jla owɛn ɖagbwɛ lɔ le kansin xeye ni le nukɔn na mi lɛye mɛ,e nɛ mi ma kpego na sɔ ome bu we ozɔn xeni blo le gblegbo etɔn do wa le ɖo anya xɔn gɛ. ¹⁷ Na mɛɖe jan kpa gigo na eyɔ ɖe,ni nyi Mawu wutu wɛ? ¹⁸ Mɛ wɛ xɔ kɔbɔ?Mɛ xe nɔ kanfun eyɔ mɛ gɛ,vɔ omɛ xena Mawu tesu nɔ kanfun wɛ.