¹ Mi mɛ xe nɔ wazɔn xa Mawu lɛ,mi le vɛvɛ mi ɖɔ:"Mi nɔ gu nyɔna xe Mawu na mi gɛ. ² Mawu ɖɔ:"Un se xo tɔwe ɖo hwenu ganji,un wa gɔ alɔ na we le hwlɛn gan zan gbe hwenu.Oxo Mawu ɖɔ nɛ:"Onu ganji wiwa wɛ hwenu ɖye wa,hwlɛngan zan gbe ɖye wa. ³ Mi ma jlo ɖɔ:omɛ ye kɔn acɔn do ozɔn mitɔn go gɛ.E wɛzɔn mi ma jlo na gbɔn omɔ na ye gɛ. ⁴ Vɔ,mi nɔ ɖe xlɛ gbɔn onu lɛ kpokpo mɛ ɖɔ ozɔnwatɔ Mawu tɔn bɛ mi bo nyi.E wɛzɔn mi nɔ yi ogbe na ta nylakan,vivɛsise kpo obu kpo. ⁵ Oba,gankpamɛ lɛ,ogufɔn do omɛ ji togun lɛ tɔn.Mi nɔ yigbe na,agbɔ kpe mɛ kpo hovɛ kpo. ⁶ Mi nɔ zan ogbɛ nywɛ,bo nɔ ɖe xlɛ ɖɔ mi bo nyɔ Mawu,mi nɔ kuhun,mi yi gbɛtɔ ganji ye.Yɛsinsɛn mimɛ le okpɔ xa mi.Mi nyi wan na ta-un. ⁷ Mi nɔ la oxojɔxo lɔ,wɛ Mawu nɔ gɔ na mi hɔnhlɔn.Mi nɔ ze onu ganji wiwa do blo alyannu,bo nɔ do hwlɛn miɖe gan. ⁸ Omɛye nɔ do un nya mi,ye nɔ ɖɔ oxo nyinyla kpo onywɛ kpo ɖo mi go.Mi nɔ ɖɔ oxojɔxo co,ye nɔ ze mi do blo awo nɔ. ⁹ Ye n ɔ ze mi do blo mɛxe ye ma nyɔ gɛ lɛye.Mi le ogbɛ co,ye nɔ lɛn mi ɖo omɛ xeni ku lɛye mɛ.Ye nɔ dɔn o to na mi,vɔ ye ka mɔ nɔ hwu mi gɛ. ¹⁰ Ye nɔ ze mi ɖo awubla mɛ,co mi ka le awajijɛmɛ tɛgbɛ.Mi nɔ na dɔkun omɛye co ye nɔ li ɖɔ mi bo nyi ayanɔ.Mi ɖo onu lɛye kpokpo co.Ye nɔ lin ɖɔ mi bo ma ɖo onuti gɛ. ¹¹ Hadwe Kolɛntitɔye,mi ɖɔ oxo na mi le jlokoko mɛ,bo hun ayixa mitɔn lɛ na mi. ¹² Ayixa myetɔn hun na mi,vɔ ayixa myetɔn su. ¹³ Un le ɖɔ oxo na mi ɖi le otɔ nɔ ɖɔxo na ovi ɖo ha.Mi blo ɖi miye ha,a bo hun ayixa mitɔn gba. ¹⁴ Mye kpo mɛ xe mɔ nɔ ɖinu na Mawu gɛ lɛ ma kpego na nɔ kpɔ gɛ.Onu jijɔhun kpo onu xe mɔ nɔ kpa gigo na Mawu gɛ nɔ nɔ okpɔ wɛ?Ozan kpo okle nɔ nɔ okpɔ wɛ? ¹⁵ Klisi na kpego ɖo gbe kpɔ xa lɛgba wɛ?Yisenɔ na kpego na nɔ kpɔ xa mayisenɔ wɛ? ¹⁶ Kancica bɔtɔn wɛ le oxwe Mawu tɔn kpio Mawu awonɔ lɛ tɔn kpo mɛ?Mawu gbɛte-gbɛte we oxwe wɛ mi nyi.Mawu tesu ɖɔ:"Na nɔ cɛncɛn mɛ na ye,na nyi Mawu yetɔn,wɛ ye na nyi togun ce. ¹⁷ E wɛzɔn Aklunɔ Mawu ɖɔ:"Mi jo mɛ e nɛ lɛ do,a bo dɛn le ye go.Mi nɔ kpo nuu xe ma mɛ gɛ,wɛ nyɔ, na yi mi. ¹⁸ Aklunɔ hɔnhlɔn nɔ gɔ ɖɔ:"Na nyi otɔ na mi,wɛ mi na nyi ovi sunnu kpo nyɔnusi ce lɛ.