¹ Mawu hun dɔmɛ,bo zɔn ozɔn mi,ewɛzɔn,mi ma gbɔjɔ lanmɛ gɛ. ² Mi jo omɔ nyinyla lɛ do.Mi wa nu do osɛn ji bo nɔ dɔn omɛye wa Mawu de. ³ Co wɛnɖagbe mitɔn ci hwihwla ɖo mɛɖe lɛ,ɖo mɛ xe bu ogbɛ yetɔn lɛ de Mawu nukɔn. ⁴ Bo ma ɖi nu gɛ.Mawu awotɔn ogbɛ xe lɔ mɛ tɔn hwu ayixaa na ye wɛ ye mɔ nɔ zogbɛn xe le klɛn le wɛnɖagbe lɔ mɛ gɛ.Kinklɛn gigo Klisi tɔn xeni ciɖi Mawu,ha wɛ tɔn. ⁵ Mye tesu we oxo mɛ mi le la gɛ,vɔ Jesu we oxo wɛ.Mye,mi nyi zɔnwatɔ mitɔn ɖo Jesu wutu. ⁶ Mawu ɖɔ:"Kinklɛn ni wa zinvlu cɛncɛn!Wɛ eyɔ tesu wɛ klɛn le oji mitɔn mɛ.E jlo na naa mi kinklɛn,bo na xlɛ mi ɖɔ gigo etɔn wɛ klɛn ɖo Klisi we nukun mɛ. ⁷ Vwɔ mi mɛ ni hɛn dɔkun e nɛ,mi ciɖi gannu gbagbaja xe ye ze ako do blo xa.Mi nywɛ ɖɔ Mawu de bɛ hɔnhlɔn lɔ bo sɔn,e ma sɔn gbɛtɔ de gɛ. ⁸ Omɛyenɔ tɔn ahwan mi gbɔn akpaxwe lɛye kpokpo co,mi ma kutu gɛ.Ye do aya na mi co mi le ganji. ⁹ Ye le do vivɛsise na mi co Mawu ma jo mi do gɛ.Ye nyi mi do anyizan mɔ co mi ma ku gɛ. ¹⁰ Mi ku xa Jesu,bo gɔ fɔn xɛ. ¹¹ Mi le ogbɛ co mi ka mɔ nɔ ɖibu na oku gɛ ɖo Jesu wutu,e wɛzɔn mi nɔ mɔ Jesu gbaza mitɔn xe ɖo na ku lɔ mɛ. ¹² Ɖo lemɔha,oku nɔ wanu le mye mɛ,wɛ ogbɛ nɔ wanu le mye mɛ. ¹³ Wema mi mɛ lɛ ɖɔ:"Un ɖinu ewɛzɔn unɖɔ."Nuɖiɖi e nɛ lɔ wɛ zɔn mi nɔ wa nu.Mye can mi ɖi nu gba,e wɛzɔn mi ɖɔxo. ¹⁴ Ɛɛ, mi nywɛ Mawu fɔn Aklunɔ Jesu sɔn oku.E na fɔn mye kpo Jesu kpo gba wɛ e na ze mye kpo ɖo akpa ni. ¹⁵ Mye tɔn wɛ onu xele jɔ lɛ.Ɖo Mawu le blo onywɛ,wɛ mi mɛ susu na dokpɛ na Mawu,bo na kpa gigo na Mawu. ¹⁶ E wɛzɔn mi ma gbɔjɔ lanmɛ gɛ,gbaza mitɔn gɔ le kpo nyɔxo co onu xe le mi mɛ nɔ tlɔ yɔyɔ ayihɔngbe-ayihɔngbe . ¹⁷ Ɛɛ,vivɛ sise mitɔn ma ja dɛn gɛ vɔ, e le sɔ nu na gigo ɖaxo ɖe,wɛ gigo lɔ klo bo na na wɛ mi na do wɔn vivɛ sise mitɔn lɛ. ¹⁸ Mye ma le din onu ye nɔ mɔ gɛ,vɔ nu xeye mɔ nɔ gɛ wɛ mi le ɖinu.Ɖo onu ye nɔ ,mɔ,nɔ yawu vɔ,vɔ onu xeye mɔ nɔ mɔ gɛ,e nɔ dɛn,bo ci lemɔha tɛgbɛ-tɛgbɛ.