¹ Mye can na jɛ nukɔn wɛ?Mɛɖe lɛ le bo nɔ wlan onu ogbe ɖiɖi tɔn na mɛ,alo ye na kan mi se ɖɔ:"Miye can mi ɖo hwɛdo etɔn gba wɛ? ² Nu winwlan ze ɖo xlan mɛ,mye tɔn,mye wɛ.E nyi winwlan le ayixa myetɔn mɛ wɛ omɛ kpokpo nywɛ bo nɔ xlɛ. ³ Ɛɛ,Jesu tesu wlan wema lɔ ɖoxlan wɛ miye wɛzɔn e ji.Ye ma wlan kpodo we tin kpo gɛ,vɔ kpo gbigbɔ Mawu tɔn kpo,ye ma wlan ɖo okpɛn ji gɛ,vɔ ayixa gbɛtɔ tɔn mɛ. ⁴ Le Mawu nukɔn,mi ɖinu na onu e nɛ lɛ do Jesu wutu. ⁵ Mi nywɛ ɖɔ mi bo ma kpego na blo nuɖe Mawu mɛvo gɛ. ⁶ Mawu wɛ ze mi do blo alɛnu yɔyɔ lɔ we zɔnwatɔ,alɛnu e nɛ lɔ ma gbɔn osɛn xe ye wlan lɛ ji gɛ,vɔ yɛsisɛn mimɛ dali meɛ wɛ.Osɛn ye wlan lɔ nɔ na oku,vɔ yɛsisɛn mimɛ nɔ na ogbɛ mɛ. ⁷ Ye wlan osɛn lɛ ɖo okpɛn ji,wɛ Mɔyizi wɛ wa osɛn zɔn e nɛ xe nɔ na oku lɔ.Onu nyi lemɔha co,ozɔn e nɛ nɔ na gigo Mɔyizi,e wɛzɔn ⁸ Izlayɛlitɔye mɔ nɔ kpɔn nukun mɛ ni gɛ,vɔ gigo lɔ ka ma dɛn le Mɔyizi ji gɛ. Vɔ ozɔn wa na yɛsinsɛn mi nɔ gɔ na gigo xe hugan lemɔhatɔ. ⁹ Osɛnzɔn xe nɔ na oku lɔ gɔ kpo gigo kpo vɔ gbigbɔ ɖedovo xe nɔ wa nu titlɔ nɔ gɔ na gigo xe hugan mɛ. ¹⁰ Le yɛsinsɛn mimɛ we gigo nukɔn,gigo xoxo lɔ ma ɖo hɔnhlɔn ti gɛ. ¹¹ Onu xe nɔ ya lɛ gɔ kpo gigo kpo.Onu xe nɔ dɛn lɛ wɛ ɖo gigo ɖaxo. ¹² Kpo jiɖiɖe e nɛ kpo,mi ɖi nu. ¹³ Miye ma le blo ɖi Mɔyizi xe nɔ cɔn avɔ nukun mɛ gɛ,e wɛzɔn Izlayɛli tɔye ma jan mɔ gigo xe ya lɔ gɛ. ¹⁴ Vɔ nunyi nywɛ yetɔn bu,wɛ na ye le xlɛ alɛnu xoxo lɔ we wema le egbe din,avɔ lɔ nɔ gbɛ le nukun mɛ na ye adavo mɛ xe le Jesu mɛ lɛ. ¹⁵ Kaka do wa egbe din,Izlayɛlitɔye nɔ xlɛ Mɔyizi xo lɔ kpo avɔ le bo nɔ bu ayixa yetɔn lɛ. ¹⁶ Vɔ na omɛye na Aklunɔ de,avɔ lɔ nɔ jɛ anyi. ¹⁷ Aklunɔ lɔ le fi,gbigbɔ ɖedovo wɛ e nyi gbigbɔ Mawu tɔn ka le fi,jlokoko nɔ le flɛn. ¹⁸ Nukunmɛ nɔ ye tɔn ma ɖo avɔ gɛ,wɛ gigo Mawu tɔn le mi ji ɖi nukpwɛn mɛ xa.Aklunɔ xe nyi gbigbɔ nɔ ɖyɔ mi,mi, nɔ ze mi do blo eyɔ tesu xa kpo gigo ɖaxo le kpo.