¹ E wɛzɔn un ze gbeta bo ma jan lɛkɔ gɛ na mi na kpɔn do nɔ awubla mɛ gɛ. ² Na un ze mi do awubla mɛ, mɛ wɛ na gɔ na un awajijɛ ma vo mɛ xe un ze ɖo awubla mɛ lɛ. ³ Hwenu un wa mide,mɛɖe lɛ jan ze un do awubla mɛ,vɔ ye lɛ wɛ ɖo na ze un ɖo awajijɛ mɛ,e wɛzɔn un wlan na mi ɖɔ:"Un ɖe ji ɖɔ,e nyi un le awajijɛ mɛ,mye can le mɛ gba. ⁴ Un wlan nu na mi kpo awubla avi kpo co un ma ka wlan nu bo na do ze mi do awubla mɛ gɛ,vɔ un do ɖe wannyiyi ɖaxo ce xlɛ mi. ⁵ Na mɛɖe hɛn awubla wa,nyɔ mɛ e hɛn wa na gɛ,vɔ mimɛ kpokpo wɛ,e wɛzɔn mi nɔ wa nu dɛdɛ. ⁶ Onu xe mi na gbɛ na omɛ lemɔhatɔn vo kpe. ⁷ E wɛzɔn mi ɖo na ze hwɛsɔkɛ,bo na do gbagba namɛ ni,e ma dɛn awubla na gbɔjɔ omɛ lemɔhatɔn. ⁸ Un byɔ mi ɖɔ mye ni bo xlɛ wannyiyi omɛ lemɔhatɔn. ⁹ Onu xe zɔn un wlan nu na mi ɖye:"Un jlo na kpɔn ɖɔ mi kpego na nɔ gbeji na onu e nɛ lɛye kpokpo wɛ ja. ¹⁰ E nyi mi ze hwɛkɛ mɛɖe,nyɔ can ze xɔ kɛ omɛ lɔ gba.Na ze ohwɛ kɛ omɛ ɖo mye wutu le Jesu nukɔn. ¹¹ Ɖo lemɔha,awovi ma ja zan mi gɛ.Ɛɛ,mi nyɔ linlin etɔn wi. ¹² Un wa Tlowasi bo na do la wɛnɖagbe Jesu tɔn,ɖo Mawu na un jɔmyɔ wɛ na do wazɔn le flɛn. ¹³ Vɔ,dikan ka le so un ɖo un ma nɔ anɛyevi Titi gɛ.E wɛzɔn un ɖɔ e yi zanɖe na Tititɔye,bo wa sɔn yi Masedwanu. ¹⁴ Mya dokpɛ na Mawu,e nɔ ze mi ɖo ojiɖuɖu etɔn we oxwe mɛ gbɔn Klisi mɛ,wɛ e nɔ zan mi bo nɔ do ɖe Klisi xlɛ gbɔn fi kpokpo.E ciɖi celu we owa nywɛ xeni gbɔn fi kpokpo xa. ¹⁵ Ɛɛ,mi ci ɖi celu nywɛ xe Klisi le ze na Mawu ha.Celu e nɛ wɛ nyi mɛ xe Mawu hwlɛngan lɛ tɔn.E gɔ nyi mi xe nɔ bu ogbɛ yetɔn,bo nɔ dɛn le Mawu go lɛ tɔn. ¹⁶ Mɛxe ni bu ogbɛ yetɔn lɛ,oku we owan wɛ celu lɔ nɔ na.Mɛ ɖyɛ lɛ tɔn, ogbɛ we owan wɛ celu lɔ nɔ na ye.Mɛ wɛ kpego na wazɔn e nɛ? ¹⁷ Mye ma nyi mɛ xenɔ ze Mawu we oxo bo nɔ do wa ajɔ lɛ gɛ.Mye mi nɔ ɖɔ oxojɔxo le Mawu nukɔn.