¹ Un ma le ɖi e si?Omɛ dɔntɔ mɛ un nyi?Un ma le mɔ Aklunɔ mitɔn Jesu lɔ?Miye mɛ nyi ozɔn xena un le wa na Aklunɔ lɔ we josido xɔn? ² Na un ma gɔ do nyi omɛdɔntɔ le nukun mɛ na omɛ gbokpwe lɛye can gɛ,omɛ dɔn tɔ wɛ un nyi na mi e,ɖo yisenɔ xena mi nyi wutu,wɛ le ɖexlɛ ɖɔ un bo le wa ozɔn ome dɔntɔ tɔn lɔ. ³ Omɛ xeni le do ohwɛ na-un xɔn lɛye,oxo xena na ɖɔ a do ɖexlɛ ɖɔ ohwɛ ce bo jɔ lɔ ɖiye: ⁴ Mi ma ɖo acɛ na do yi onu ɖuɖu kpodo nunu kpo ɖo ozɔn xena mi le wa lɔ ji gba? ⁵ Be mi ma ɖo acɛ na do ɖe nyɔnu yisenɔ ɖe,a bo dɔn do godo ɖi ɖena ome dɔntɔ ye,gbokpwe lɛye,kpodo Aklunɔ lɔ nɔvyɛ ye kpo Sefasi kpo ɖo wɛ? ⁶ Nyɔ kpodo Banabasi kpo Jaan wɛ na wa ozɔn hwɛkpo a do mɔ onu ɖu? ⁷ Sɔja bɔtɔn tesu wɛ na sɔ kɔbɔ etɔn do blo ahwan nɛ lɛye we ozɔn?Mɛ wɛ na do vɛŋu ti e ka ma ja ɖu sinsɛn etɔn gɛ?Alo kanlin kplantɔ bɔtɔn wɛ na nyi kanlin ye xɔn,e bo ma ja nu anɔsin kanlin lɛye tɔn gɛ? ⁸ E ma nyi gbɛtɔ we susu kɔkɔlɔkɔ jan wɛ un do le ɖɔ oxo e nɛ lɛye xɔn gɛ?Mɔyizi we osɛn lɔ can ɖɔ lemɔha gba. ⁹ Ye wlan le Moyizi we osɛn mɛ ɖɔ:" oglelɛtɔ ni nɔ kpɔn bla onu na nyibu etɔn xeni le kpedo ego na e do le nukun lɛye xɔn gɛ. Nyibu lɛye wɛ le vɛ na Mawu xɔn doo? ¹⁰ Alo mye kɔkɔlɔkɔ go wɛ Mawu le ɖɔ oxo do? Ɛɛ myie go wɛ ye wlan onu do.omɛ xeni le lɛ ogle xɔn,na le lɛkpo nuywɛ kpo,omɛ xeni gɔ le ya nukun lɔ can na gɔ le ɖe xɔn kpo nukun ɖiɖo ɖɔ mye bo na yi mietɔn gba? ¹¹ Mi do gbigbɔ mɛ we nukun lɛye do ayixa mitɔn mɛ, enɛ sinsyɛn xena mi na ɖe ye, na nyi dɔkun na mi. ¹² Omɛ bu-buye ɖo acɛ lemɔ ha tɔn lɔ ɖo miji, mye mɛ ɖo na ɖo xugan ye? coganco, mi ma le zan acɛ nɛ lɔ gɛ. vɔ onu lɛye kpokpo wɛ mi yi ogbe na, na mya nɔ kpɔn do wa yi omɔ glɔnu na wɛnɖagbe Jesu tɔn lɔ gɛ. ¹³ Mi nyɔ-ɛ ganji ɖɔ, omɛ xeni nɔ wa ozɔn le Mawu we oxwegbe, omɛ xeni nɔ san avɔ le agbajiye, bo nɔ yi yetɔn le emɛ. ¹⁴ Lemake wɛ Aklunɔ lɔ can ɖegbe ɖɔ omɛ xeni bo nɔ jla wɛndagbe lɛye, onu ɖuɖu yetɔn can bo na tɔn sɔn wɛndagbe jijla mɛ gba. ¹⁵ Vɔ, nyɔ ma le zan acɛ e nɛ lɛye ti xɔn gɛ,un ka ma le wlan onu,bo do le byɔ acɛ nɛ lɛye xɔn gɛ,na na ku ma bo ku,e nyɔ hugan ɖɔ ye ni wa yi onu xeji na un le gla do le a si e. ¹⁶ Nyɔ na un le jla owɛnɖagbwɛ lɔ xɔn,e mɔ nɔ nyi ogo yiyi we onu na-un gɛ,ɖo ozɔn wɛ e nyi wɛ yezɔn un,ɖɔ nyɔ ni bo blo le dandan mɛ,ota nylakan na-un na un ma jla owɛnɖagbe lɔ gɛ. ¹⁷ E do nyi ɖɔ nyɔ tesu wɛ do sɔ gbeta bo do le blo xɔn wɛ,be un ɖo na yi kɔbɔ,vɔ xena e wa nyi dandan mɛ,we onu wɛ,e tlɔ zun agban bo ci okɔ ji na-un. ¹⁸ Ale bɔ tɔn wɛ nyi ce tututu?E wɛ nyi ɖɔ na jla owɛnɖagbe vɔvɔ un ka ma le zan acɛ ce le owɛnɖagbe lɔ mɛ gɛ. ¹⁹ Un vo, un ma le mɛɖe de gɛ, co gan co un sɔ ɖye do blo kannumɔ na omɛ lɛye kpokpo, e nɛna do mɔtɛn wɛ omɛ susu na do mɔ hwlɛngan. ²⁰ Na un le Jwifu nuye mɛ, un nɔ blo onu ɖi Jwifu nu ha, bo do blo na ye a mɔ hwɛngan, un ma le Mɔyizi we osɛn lɔ gɔ gɛ, vɔ na un le omɛ xeye ni le osɛn lɔ gɔ ye mɛ, un nɔ wa onu ɖi omɛ xsni le osɛn lɔ gɔ ha, a bo do na na ye a do mɔ hwlɛngan ²¹ Lemɔake na un le omɛ xeye ni ma nyɔ Moyizi we osɛn lɛye wi gɛ, un nɔ wa onu ɖo lemɔha gba, a bo do na na omɛ xeye ni le osɛn lɔ gɔ a do mɔ hwlɛngan. Vɔ, enɛ ma n yi ɖɔ un mɔ nɔ do zan do Mawu we osɛn lɔ ji mɛ gɛ, ɖo un le Klisi lɔ we osɛn gɔ. ²² Le omɛ xeni ma lodo le yise mɛ gɛ, un nɔ wa onu ɖi omɛ xeni ma lido gɛ ha, a bo na na ye a mɔ hwlɛngan. Ɖena omɛ lokpo-lokpo le we onu wɛ un nɔ blo, a do gbɔn walɔ ɖekpekpe mɛ, a do hwlɛn omɛ ɖekpekpe gan. ²³ Wɛnɖagbe lɔ wɛ zɔn un do le blo onu nɛ lɛye sese kpo xon, enɛ nyɔ can bo na do mɔ taɖagbowɛ xeni le emɛ. ²⁴ Mi nyɔ-ɛ ganji ɖɔ na omɛ susu le do wezun xɔn, bo na do yi ajɔ, omɛ lokpo gee wɛ nɔ wa yi. Be mi bo do wezun lɔ ɖi ɖena ejɛ ɖo ha, a bo do wa yi ajɔ lɔ. ²⁵ wezun dotɔ ɖekpekpe nɔ do osɛn xeni syɛn na eɖe, abo do wa yi gbakɔn axulu tɔn xeni nɔ gble lɔ, vɔ mye, gbakɔn xeni mɔ nɔ gble kpɔn gbeɖe gɛ wɛ mi ja yi. ²⁶ Bwɛzɔn, na un le do wezun lɔ xɔn, nukun ce nɔ le ofi xena un le yi xɔn lɔ ji. lemɔha ke, un le ɖi akɔndatɔ xeni ma le nyi akɔn etɔn do jɛhɔn mɛ kpoŋu gɛ ha. ²⁷ Vɔ, un nɔ do vivɛ sise na gbaza ce ganji, bo nɔ ɖu le gbaza lɔ ji ganji enɛ,, na kpɔn do wa le jla wɛnɖagbe lɔ na gbɛtɔye xɔn na Mawu tesu a wa gbɛ nyɔ tesu lɔ gɛ.