¹ Odin,na ɖɔ oxo do olan xena ye nɔ do san avɔ na yɛhwe lɛye go,mi ɖɔ mi mɛ lɛye kpokpo bɛ bo ɖo onu nyinywɛ,oxojɔxo wɛ,onu nyinywɛ lɔ nɔ hen ogo yiyi do wa,vɔ owanyiyi ka nɔ na wɛ ye nɔ yi nukɔn le yise mɛ. ² Omɛ xeni le bu-i ɖɔ mi e bo nyɔ onu ɖe wi,e ma o nyɔ onu lɔ wi hɔnɖegɛ,ɖi ɖena e ɖo na nywɛ ɖo ha gɛ. ³ Vɔ omɛ xeni nyi owan na Mawu,Mawu nyɔ mɛ nɛ lɔ. ⁴ Xeni nyi a ɖu olan xena ye do san avɔ na yehwe tɔn,mi nyɔ-ɛ ɖɔ yɛhwe ti bo ma le gbɛmɛ fi e ge,Mawu lokpo gee bɛ bo le. ⁵ Co ganco,onu susu bo le oji kpodo anyizan ji kpo,wɛ omɛ lɛye nɔ sɔ do mɔ Mawu,di ɖɔ Mawu susu kpodo Aklunɔ susu kpo wɛ le ha. ⁶ Coganco,Mawu lokpo gee wɛ le na mi e,e yɔ wɛ nyi otɔ xeni ɖo onu lɛye kpokpo sɛŋu e yɔ Wɛ mi le ogbɛ na,Aklunɔ lokpo gee wɛ ka le,e wɛ nyi Jesu Klisi do le,dogbɔn Jesu ji,wɛ mi do le ogbɛ. ⁷ Vɔ,le oxojɔxo me,omɛ lɛye kpokpo mɛ nywɛ dp lemɔha gɛ,omɛ ɖe lɛye le,wɛ yɛhwe we walɔ lɔ ci lanmɛ na ye kaka do wa jɛ odin,e nɛ lɔ bo zɔn wɛ ye le ɖu olan xena ye do san avɔ na yɛhwe xɔn,ye nɔ le bu-i ɖɔ mɔsin yɛhwe tɔn bɛ bo nyi olan lɔ ha.Xena ayixa yetɔn ma syɛn gɛ,ye nɔ do bu-i dɔ osu bɛ miye lɛye bo le ɖu xɔn ha. ⁸ Vɔ e ka ma nyi onu ɖuɖu mɛ zɔn mi na do nyɔ kpinkpɔn na Mawu mɛ gɛ mɔ,na mi ma ɖu gɛ e ma ja gu onu ti le mi go gɛ,na mi ka ɖu, ale ti ma ja le e mɛ na mi gɛ. ⁹ Vɔ mi cɔ miɖe,na omɛ ɖe si jijɛ,xe mɛ na mi le,bo do le wa onu xɔn,ni nɔ kpɔn na na ome xeni ma lido te ganji lɛye le yise mɛ gɛ,nɔ kpɔn jɛ anyi gɛ. ¹⁰ Ɖo,na ome xeni ma li odo le yise mɛ lɛye gɛ,mɔ yɔ xeni ɖo onunyinywɛ lɔ,a bo le du onu le yɛhwe mɛ xɔn,e nɛ lɔ ma ja na oji ɖiɖe wi-i ɖɔ ni bo ɖu olan xena ye do san avɔ na yɛhwe? ¹¹ E nɛ,omɛ xeni ma li odo le yise mɛ lɛye gɛ na vasudo,ɖo onu nyinyla tɔwe lɔ go,anɔwevi yisenɔ xe we ota mɛ na Klisi ku wɛ e ka nyi! ¹² Na mi le onu nyinyla nɛ lɛye ha mi e nɔvi yisenɔ nɛ lɛye xɔn,bo le do alo ayixa yetɔn xeni ma syɛn lɛye gɛ,mi nywɛ ɖɔ Klisi lɔ tesu bɛ mi e bo le wa onu nyinyla xa xɔn. ¹³ E wɛzɔn,na e nyi ɖɔ onu ɖuɖu wɛ na zɔn anɛevi lɔ na do jɛ ohwɛ mɛ,be un ma gɔ ja ɖu olan gbeɖe xɔn gɛ,e nɛ e ma gɔ ja nyi nyɔ go wɛ e sɔn wɛ anɛevi lɔ do jɛ ohwɛ mɛ gɛ.