¹ Aneyevi lɛye yɔn can gba, xena un wa mide bo do wa ɖɔ Mawu we oxo jɔxo whiwhla lɛye na mi, un ma zan oxogbe xeni hugan mi gɛ,alo onu nyinyɛ we oxogbe alɔkpa bu bo do wa ɖɔ oxo na mi gɛ. ² Do, whenu xena un le mi mɛ,nilɛn ce mɔ nɔ gɔ nyi un ti ji zɛ gbɔn Klisi Jesu xena ye ka do sati ji gɛ. ³ Wɛ, un le okpɔ ha mi le gbɔcɔ gbɔcɔ mɛ kpo do obudisi kpo do sisɔ sisɔ kpo. ⁴ E ma nyi onu nyinyɛ gbɛtɔ tɔn wɛ un zan bo do ɖɔ oxo Mawutɔn na mi gɛ, vɔ Mawu we gbigbɔ wɛ ɖe onu xlɛ do gbɔ hɔnhlɔn etɔn mɛ. ⁵ Na onu didi mitɔn ni nɔ pko flanyi do onu nyiyɛ gbɛtɔn ji gɛ, vɔ ni flanyi do Mawu we hɔnhlɔn ji. ⁶ E le lemɔ xa co ganco, onu nyiyɛ wɛ mi le kplan omɛ xe jɛ xa lɛye, onu nyiyɛ xeni ma nyi ogbɛ xemɛ fie tɔn gɛ, bo ma gɔ nyi acɛ kpatɔ gbɛmɛ fie tɔn xeni le yi didɔn gbe xɔ tɔn cangba gɛ,vɔ Mawutɔn wɛ. ⁷ Vɔ,mi le ɖɔ onu nyinyɛ oxo jɔxo whiwla Mawutɔn, onu nyiyɛ whiwla xena Mawu sɔ xɔ da yin na mi na gigo mitɔn. ⁸ Acɛ kpatɔ ogbɛ xe mɛ tɔn ti ma mɔ nukun jɛ onu nyinyɛ enɛ go gɛ,do na ye o do mɔ nukun jɛ onu nyinyɛ whiwla enɛ go wɛ, ye ma kpo kpego na ka Aklunɔ mitɔn do Aklusu ji gɛ. ⁹ Vɔ, e wɛ zɔn ye wlan ɖɔ: onu xena nukun gbɛtɔtɔn ma mɔn wɛ oto ma gɔ se kpɔn kaka ayiha ma linkpɔn. onu whiwla enɛ lɛye wɛ Mawu sɔ xɔ dayi na omɛ xeni yi owan na oxo etɔn lɛye. ¹⁰ Onu whiwla enɛ lɛye wɛ Mawu se bo sɔ xɔ le xɛlɛmi gbɔn gbigbɔ etɔn ji.Do, gbigbɔ Mawutɔn nɔn gbeje onu lɛye kpokpo kaka do jɛ Mawu we onu whiwla lɛ ji. ¹¹ Mɛ wɛ na yɔn nilɛn gbɛtɔ tɔn na gbigbɔ Mawutɔn ma le omɛ lɔ mɛ gɛ? lemɔ ha ke omɛ ti ma kpego na nyɔn onu Mawutɔn gbigbɔ Mawutɔn mɛ vo gɛ. ¹² Vɔ, mi man yi gbigbɔ ogbɛ xe mɛ tɔn gɛ, vɔ gbigbɔ xeni sɔn Mwude wɛ mi yi, na mia do yɔn onu xena Mawu na mi gbɔn fɛnu dali. ¹³ Mi le ɖɔ oxo Mawuton xena gbɛtɔ we onu nyinyɛ ma kpego na nyɛ kaka bo na kplan omɛ de gɛ, vɔ gbigbɔ ɖe do ovo nɔ kplan mi onu xena nukun ma mɔn gɛ ye. ¹⁴ Vɔ gbɛtɔ kanni mɔ nɔ kpego nɔ yi onu ti gbɔn gbigbɔ Mawutɔn ji gɛ,ɖo, enɔ citi ni-i di oklenɔ onu ha le nukun eton mɛ, e ma kpego na mɔ nukun jɛ ego gɛ do gbigbɔ mɛ wɛ ye le gbeje onu lɛye le. ¹⁵ Omɛ xe mɛ na gbigbɔ Mawutɔn le, e nɔ gbeje onu lɛye kpokpo gbɔn gbigbɔ Mawutɔn dali wɛ omɛ ti mɔ nɔ mɔ nukun jɛ ego kaka do da oxwɛ ni gɛ. ¹⁶ Ɖo, mɛ wɛ yɔn nilɛn Mawutɔn wi kaka na do kplan onu wi ? Vɔ, miye nilɛn Klisitɔn ka le miye si.