¹ Nyɔ Pɔlu xena Mawu ylɔ dogbɔn ojlo etɔn mɛ,na ma nyi omɛ sɔ xɔ ɖoxlan Klisi Jesutɔn,kpodo miye nɔvi le yise mɛ lɛye kpo do ogbe ɖoxlan mi. ² Ɖoxlan agun Mawu tɔn Kolɛntitɔn kpodo omɛ xena Klisi Jesu lɛ osin na wɛ ye ylɔ ye do omɛ mimɛ,mi gɔ le wlan ɖoxlan omɛ ɖekpokpwe xeni nɔ gbɛ ylɔ nyikɔ Aklunɔ Klisi Jesu tɔn le agosu ɖekpokpwe ji kaka wa jɛ miye can gba ji. ³ Na jɔmyɔn kpodo fifa Mawu mi e tɔ tɔn kpodo Aklunɔ Klisi Jesu tɔn kpo ni nɔ okpɔ xa mi! ⁴ Un le do okpɛ na Mawu do ota mitɔn mɛ,do fɛnu xena mi yi gbɔn Klisi Jesu ji wutu. ⁵ E do na mi gbɔn akpa xwe lɛye sese kpo mɛ,gbɔn oxo etɔn lɛye kpodpo onu nywɛ eton kpoji. ⁶ E do na mi gbon kunnu xena Klisi nɔ ɖe gbɔn mi ji dogbɔn onu wiwa etɔn lɛye ji ɖo xa. ⁷ Le ohwe nɛ nu,onu ni na gbigbɔ mɛ tɔn lɛye ma hwe do mi gɛ,ɖi ɖena mi le te kpɔn ɖexlɛ Aklunɔ Jesu klisi ɖo ha. ⁸ Jesu na do hɔnhlɔn lanmɛ na mi kaka do yi vivɔnu.Wɛ e jɛ ohwe enɛ nu le azan ohwɛ dida tɔn gbe,ye ma le da ohwɛ na mi xɔn gɛ. ⁹ Mawu gbeji nɔtɔ wɛ,e yɔ xe i ylɔ mi na kɔndokpɔ ovyɛ xeni nyi Aklunɔ mitɔn Jesu lɔ. ¹⁰ Nyɔ Pɔlu,un le do hɔnhlɔn lanmɛ na mi,le nyikɔ Aklunɔ mi Jesu Klisi tɔn mɛ,xena mi do oji mitɔn lɛye mɛ ɖɔ,mima ni nɔ kpɔn nɔ mimɛ gɛ,un le ɖɔ na mi ɖɔ miye ni bo nɔ gbigbɔ lokpo lɔ mɛ kpodo ninɔmɛ lokpo lɛye kpo mɛ. ¹¹ Ɖo,un se ɖɔ Kolɛntitɔye,tagba kpodo ojlɛ bo le mi mɛ. ¹² Odin un le ɖɔ onu xena mi:"Na omɛ xeni nɔ le ɖɔ lɛye ɖɔ,nyɔ un le okancica xa Pɔlu"Alo okancica xa Apolosu alo Sefasu alo Klisi. ¹³ Ma ɖɔ na mi ɖɔ Klisi lɔ mawe?Alo nyɔ Pɔlu lɔ wɛ ye ka na mi do Akluzu ji?Nyɔ Pɔlu lɔ we yikɔmɛ wɛ ye lɛ Mawu we osin na mi do la? ¹⁴ Un do okpe ɖaxo na Mawu ɖo un ma lɛ Mawu we osin na omɛ ti adavo Klisipusu kpodo Gayisu kpo. ¹⁵ Na e wa jɛ osɔ godo,mɛɖe ni nɔ kpɔn wa do Pɔlu we nyikɔ mɛ wɛ mi lɛ Mawu we osin le gɛ. ¹⁶ Un gɔ lɛ Mawu Mawu we osin na Sitefanu we oxwe lɔ gbe wɛ enɛ godo,un ma gɔ le na omɛti gɛ. ¹⁷ Klisi ma sɔ-un ɖɔ nyɔ ni bo nɔ lɛ Mawu we osin na omɛ ye ge,vɔ Klisi ɖɔ na-un ɖɔ nyɔ ni bo jla owɛn ɖagbwɛ a bo nɔ kpɔn gɔ san onu nyinyla gbɛtɔ tɔn gɛ na Akluzu etɔn ni nɔ kpo do wa yi onu vɔvɔ gɛ. ¹⁸ Ɖo owɛn ɖagbwɛ jijla Akluzu tɔn nɔ nyi cica ko,na omɛ xeni le ku xɔn lɛye,bo ka nɔ yi hɔnhlɔn Mawu tɔn na omɛ xena Mawu hwlɛngan lɛye. ¹⁹ Ɖo e nyi winwlan ɖɔ:"Na hɛn onu nyinywɛ,onu nywɛtɔ lɛye tɔn gble,bo na lɛ a da na nukun mɔ jɛ onu mɛ na omɛ xe nɔ mɔ nukunnu jɛ onu mɛ. ²⁰ Bɔ wɛ gbɛtɔ onu nywɛ tɔ lɛye le?Bɔ wɛ gbɛtɔ xena ye kplan onu nywɛ lɔ le?Bɔ wɛ oxo ɖɔtɔ ogbe xe mɛtɔn lɔ ka le?Onu nywɛ gbɛtɔ leye tɔn le ogbɛ xe me, mɔ nɔ ciɖi ohajijɛ ha le Mawu we nukun mɛ? ²¹ Le ogbɛ xe mɛ,we hwenu na gbɛtɔ ye so onu nyinywɛ yetɔn leye do gbɛtɔ le Mawu go,e wa jlo Mawu na do hwe omɛ xeni dinu na oxo etɔn gan. ²² Ɖo,Jwifunnu lɛye le din onu jinu wɛ Glɛki tɔ lɛye can le din onu nyinywɛ: ²³ mi ka le la owɛn ɖagbwɛ Klisi tɔn xena ye ka do akluzu ji lɔ tɔn,e nɛ wɛ ka yi afɔ klɛnnu na Jwifunu lɛye kpo na Gleki nu lɛye. ²⁴ Vɔ,le omɛ xena Mawu ylɔ lɛye we nukun mɛ,Jwifunu wɛ,Glɛki nu wɛ,klisi lɔ wɛ nyi Mawu we hɔnhlɔn kpodo Mawu we onunyinywɛ. ²⁵ Ɖo Mawu we onuwiwa xena gbɛtɔ lɛye nɔ sɔ do mɔ okle ɖiɖi,onunyinywɛ xeni le e mɛ hugan onunyinywɛ xena gbɛtɔye ɖo.Lemɔha ke,Mawu we onu wiwa xena gbɛtɔye nɔ sɔ do mɔ hɔnhlɔn. ²⁶ Anɛevi leye mi mɛ xena Mawu ylɔ lɛye mi no kpɔn zan onu nyinywɛ gbaza tɔn gɛ,mi nɔ kpɔn mɔ miɖe me ɖɔ miye bɛ bo ɖo hɔnhlɔn hugan omɛ lɛye kpokpo gɛ. ²⁷ Vɔ,Mawu no ze onu xena gbɛtɔ lɛye nɔ do mɔ okle ɖiɖi we onu,ɖo hugan gbɛto onu nywɛ tɔ lɛye.Mawu no sɔ onu ma ɖi onu do blo onu ɖinu,a bo do hwlu onu nywɛ tɔye lɛye. ²⁸ Mawu nɔ ze onu vɔvɔ alo onu xeni ma nyi onu ti gɛ,onu xena gbɛtɔ lɛye nɔ kɔn do e go wɛ Mawu nɔ sɔ xo do blo onu jijɔhun. ²⁹ Mawu nɔ blo e nɛ lɛye na gbɛtɔ,na ti ni nɔ kpɔn yi ogo alo a bo kpa susu na eɖe le Mawu we nukɔn gɛ. ³⁰ Ɖo,Mawu lo ke wɛ na wɛ mi do le Klisi Jesu mɛ.Klisi bo nyi onu nyinywɛ xeni sɔn Mawu de na mi.Dogbɔn Klisi lɔ ji mi nyi omɛ ohwɛ jijɔnɔ bo nyi omɛ ɖe do ovo,bo gɔ mɔ vivo le onu nyinyla si, ³¹ e nɛ na do sɔgbe na onu winwlan lɔ ɖɔ,e nyi na mɛɖe na yi ogo,nu nyi ogo le Klisi lɔ mɛ.