¹ Mi sɔ afɔ do afɔdo ce me, ɖi ɖena nyɔ Jesu can mɔ sɔ do klisu tɔ me do ha. ² Un kanfu mi ɖo mi nɔ ɖo nukun guye le onu lɛye kpokpo mɛ,onu xena un kplan mi lɛye,mi nɔ hɛn e go ɖi ɖena un kplan mi ɖo ha. ³ Odin,un jlo,ɖɔ mi na nyɔ-ɛ ɖɔ:"Klisi bɛ bo nyi oga na sunnuglo ɖekpokpwe,sunnuglo bo nyi oga na asyɛ,Mawu bo nyi oga na Klisi. ⁴ Sunnuglo ɖekpokpwe xeni cɔn onu do ota hwexenu na e le xo oɖɛ xɔn,alo e le ɖɔ Mawu we ɖɔɖa anyi xɔn,e ma si Klisi etɔn gɛ. ⁵ Vɔ,nyɔnusi ɖekpokpwe xeni ma cɔn onu ota hwexenu na e le xo oɖɛ xɔn,alo e le ɖɔ Mawu we oxo xɔn,e ma ɖo sisi na aswɔ gɛ,e le ɖi:nyɔnusi xena ye xwlɛ ota na ha. ⁶ Na nyɔnusi ɖe ma cɔn onu do ota gɛ,be ni bo kpa oɖa.Vɔ,na oɖa kpikpa alo ota xwixwlɛ nyi ŋunya na nyɔnusi,be ni bo cɔn onu ota. ⁷ Sunnuglo e yɔ,ma ɖo na cɔn onu ota gɛ,ɖo Mawu we akpajlɛ kpo gigo etɔn kpo wɛ e nyi,vɔ nyɔnusi bo nyi sunnuglo we gigo. ⁸ Ɖo sunnuglo mɛ ye ɖe le nyɔnusi mɛ gɛ,vɔ nyɔnusi wɛ ye ɖe tɔn le sunnuglo me. ⁹ Xeni gɔ bɔ do e go,ye ma ɖo sunnuglo na nyɔnusi gɛ,vɔ nyɔnusi wɛ ye ɖo na sunnuglo. ¹⁰ E nɛ lɔ wɛzɔn,ɖo wɛnzangun Mawu tɔn lɛye wutu,acɛ kpikpa we josido ɖo na le ota na nyɔnusi. ¹¹ E le lemɔha coganco,le Aklunɔ lɔ mɛ,nyɔnusi ma le sunnuglo mɛ vo gɛ,sunnuglo can ma le nyɔnusi mɛ vo gba gɛ. ¹² Ɖo ɖena ye ɖe nyɔnusi le sunnuglo mɛ ɖo,lemɔha ke nyɔnusi can ji sunnuglo ɖo nɛ.Onu e nɛ lɛye kpokpo bo sɔn Mawu de. ¹³ Miye tesu ye mi gbeje kpɔn:be e nyɔ ɖɔ nyɔnusi na nɔ onu ɖe ma cɔn ota a do le xo oɖɛ na Mawu xɔn? ¹⁴ Ogbɛ lɔ tesu ma ɖe xlɛ mi ɖɔ na oɖa ga ga bo le ota na sunnuglo lɔ ŋunya bɛ e bo na nyi ni, ¹⁵ vɔ na oɖa ga ga bo le ota na nyɔnusi,gigo bɛ e bo nɔ nyi ni-i,ɖo ye na oɖa wi-i,e bo na do cɔn ota etɔn. ¹⁶ Vɔ, na omɛɖe le din na dɔn onu do oxo xe lɔ go,mi nɔ kpɔn ɖo alɔ le emɛ gɛ. ¹⁷ Oxo xena un ja kɛ onu do e go,wɛ nyi ɖɔ,un ma kpego na kanfu mi le emɛ gɛ,okpli mitɔn lɛye,onu ganji wɛ e ɖo na wa na mi,vɔ,nyinyla wɛ e nɔ wa blo na mi. ¹⁸ Tintan tɔn,un se ɖɔ,na mi wa yi cɔci,mi ma bo nɔ byɔ mimɛ,un bo kan do oxo ne lɔ ji kpɛɖe. ¹⁹ E nyɔ ɖɔ mima ni nɔ byɛ mimɛ,e nɛ lɛye na do nyɔ omɛ xeni le ogbeji le oxojɔxo lɔ mɛ lɛye wi. ²⁰ Vɔ na mi wa yi cɔci do okpɔ,e nɛ lɔ ma gɔ nyi Aklunɔ lɔ we onu ɖuɖu wɛ mi gɔ le ɖu xɔn gɛ. ²¹ Ɖo,kaka na mi na do yi tɛnmɛ bo na do ɖu onu,ome lokpo-lokpo na hwlɛndo a do ɖu e yɔ tesu tɔn,e bo nɔ na na hwexenu na hovɛ le ci mɛɖe xɔn,mɛɖe lɛye o nɔ nu ahan bo o nɔ mu. ²² Be me ma ɖo oxwe xe gbe na mi na ɖu alo nu lɔ wɛ?Alo Mawu we xwegbe lɔ ma le di onuti na mi ba?Mi le din na do ŋunya omɛ xeni ma do onu ti lɛye gɛ wɛ?Oxo bɔtɔn wɛ na dɔ na mi din? Ma kanfun mi wɛ?Un ma ja kanfu mi do e nɛ lɔ go na mi kpɔn gbeɖe? ²³ Le oxo jɔxo me, onu xe na Aklunɔ lɔ kplan un, nyɔ can un kplan mi, e wɛ nyi ɖɔ: ozan xemɛ na ye sɔ Aklunɔ Jesu sɔ xɔ na le, e sɔ kpɔnnɔ. ²⁴ Ewɛ, xena edo o kpɛ na Mawu do eji vɔ, ema kpɔnnɔ lɔ, bo ɖɔ: "E xe lɔ wɛ nyi gbaza ce xeni nyi mitɔn, mi nɔ blo do le mɔha a bo do flinŋu". ²⁵ Lemɔha ke, xe na ye nu onu vɔ, e gɔ sɔ kofo xemɛ na vɛn le lɔ, bo ɖɔ ɖɔ:"vɛn xe lɔ wɛ nyi okancica yɔyɔ dogbɔn ohun ce mɛ, ogan ɖekpokpwe me na mi na le nu xɔn, mi na do le flin xɔn". ²⁶ Ɖo, le ogan ɖekpokpwe me na mi na le ɖu kpɔnnɔ lɔ, bo na le nu vɛn lɔ xɔn, mi le jla Aklunɔ lɔ we oku kaka do yi jɛ hwexenu na e na wa wa. ²⁷ Ewɛ zɔn, na omɛ ɖe le ɖu kpɔnnɔ Aklunɔ lɔ tɔn, bo le nu vɛn lɔ xɔn xe ni nyi okun etɔn xɔn, wɛ e ma ka jɛ ha na ɖu alo na nu gɛ, e hu ohwɛ do gbaza kpodo okun Aklunɔ lɔ tɔn go. ²⁸ Na omɛ lokpo kpo ni glo eɖe mɛ kpɔn ganji, ke un hwekpo bo na ɖu kpɔnnɔ lɔ kpo vɛn lɔkpo. ²⁹ Na omɛ ɖe le ɖu kpɔnnɔ lɔ bo gɔ le nu vɛn lɔ xɔn, bo ka ma nyɔ okan cica xe ni le eyɔ kpodo Aklunɔ lɔ kpo we gbaza mɛ gɛ e dɔn ohwɛ do okɔ na eɖe. ³⁰ Onu xe zɔn na susu mɛ ɖe lɛye tɔn do bɛ ozɔn le mimɛ lɔ nɛ, hɔnhlɔn bo dɛn mɛɖe lɛye, omɛ susu bo ku. ³¹ Na mi klo miɖe kpɔn ,ye ma le da ohwe na mi xɔn gɛ. ³² Aklunɔ lɔ nɔ ɖa ohwe na mi a do jɔ okɔ na mi, e nɛ Mawu ma gɔ ja do ɖo ohwɛ na miye kpodo ogbɛ lɔ kpo ba gɛ. ³³ Ewɛzɔn, anɛ evi lɛye mi, na mi kple bo na do ɖu onu, mi nɔ tre kpɔn miɖe lɛye. ³⁴ Na hovɛ le ci mɛɖexɔn, ni ɖu onu le oxwɛ etɔn gbe, enɛ kpikple mitɔn ma gɔ do le dɔn ohwɛ do okɔ na miɖe xɔn gɛ. un o na jla onu gbokpwe ɖo, le hwexenu na na wa mide.