¹ Kena lɛngbɔvi lɔ fo josido acowegɔ lɔ oɖo ɖo le sɛxwe na cɛju ogban ha. ² Iwɛ ko kpɔn ɛwɛn na Mawu, ye bo ye. ³ ɛwɛndotɔ bu vaci ovɔsinsan we agba lɔ ha. E bo hɛn Zruyamɛnnu kena ye sɔ sika do wasi, do asi. ye bo ni-i zruya susu, e mɔ do sɔ kpe xɔsetɔ biseseye wɛ ɛɖɛxixoye, a bo mɔ do san ovɔ le sika we agbe lɔ ji le xɔluzinkpwe lɔ we ŋukɔn. ⁴ Le ɛwɛndotɔ lɔ we alɔ mɛ, Zruya we azɔ, kpodo xɔsetɔye we ɛɖɛxixoye, lo yi yixwe nɔ le Mawu we ŋukɔn. ⁵ E xin godo, ɛwɛndotɔ lɔ sɔ zruya mɛnu lɔ, bo ɖe ozo le agba lɔ yi kɔn do e mɛ gbɔɔn e bo mɔ gɔ, bo sɔ flɛn donyi danlɔ ji. I wɛ, oju d'ogbe taŋu, ogbe bo mɔ ɖi, kinklɛnye bo mɔ tɛ, nyidan bo hunhun. ⁶ I wɛ, ɛwɛndotɔ acowe kena hɛn ahwankpɛn acowe lɛɛye, jla yeɖe ɖo, a do kon ahwankpɛn lɛɛye. ⁷ Ɛwɛndotɔ tantyan tɔn lɔ kun ahwankpɛn lɔ. I wɛ ɛkpɛn ju, ozo kpo Ehun caka bo ja do nyidan lɔ yi. nyidan lɔ we maɖo atɔn bo fyɔ, otinye moɖo atɔn bo fyɔɔ ogbe ɛmɛ biseseye bo fyɔ. ⁸ Ɛwɛndotɔ owegɔ lɔ kun okpɛn. I wɛ ye sɔ onu ɖe kena le ɖi otó ɖaxo ke na hun ozo nɔ na, sɔ flɛn do ɛxu mɛ. Ɛxu we ma ɖe atɔn bo trɔ zun ɛhun. ⁹ Onu ɖiɖo ke na le ɛxu mɛ bo gbɛ le ɛgbɛye, bisese maɖo atɔn bo gba. ¹⁰ Ɛwɛndotɔ atɔngɔ lɔ kun ahwankpɛn lɔ, sunhwevi ɖaxo ɖe flɛ sɔn jiŋukunsin, bo hun nɔ ɖi ɛfuzo ha. E flɛ yɛ otɔsisaye kpodo otɔjɔtyɔnye we maɖo atɔn mɛ. ¹¹ Sun hwevi xin lɔ lɛɛye maɖo atɔn bo vɛ kpaɖa-kpaɖa, ɛgbɛtɔ susu ke ye ni nu-i ye bo ku do vivɛ xin lɔ wu. ¹² Ɛwɛndotɔ ɛnɛgɔ lɔ kun ahwankpɛn lɔ. I wɛ ye xo ohwe we maɖo atɔn, boxo osun we maɖo atɔn, bo mɔ xo sunhweviye we maɖo atɔn, maɖo atɔn yetɔn xin lɛɛye bo do vuvlu. E bo na na oklo we maɖo atɔn, kpo ozan we maɖo atɔn, bu kinklɛn yetɔnye. ¹³ Ko na mɔ kpoŋu, ko se gangan ɖe zɔn va yi nɔ le jigbe daan, bo do axwa nɔ lelele, bo lɔ tun byo: « Awo! Awo! ɛlɛ nyi ni ka mɔ gbo nyidanyitɔ ye nɔ, le hwekenu na ɛwɛndotɔ atɔn gbo kpwe lɛɛye na kun ahwankpɛn ye tɔye! ».