¹ Exin godo, ko kpɔn kpoŋu ko kpɔn ohɔn ɖe le hunhun ɖe le sɛxwe. Ogbe ke kpo axwa lele ɖi ahwankpɛn ha, ke ko o se jɛŋukɔn sa lɔ, lɔ na tun byo: « xɛ jihwe bwɛ, na ma xlɛ we onu ke na jɔ le swɛ godo.» ² Zɔnɖokpo gbigbɔ kinkwɛn lɔ jɛ jiye. Ko bo kpɔn xɔluzinkpwe ɖe le sɛxwe lɔ, ɛmɛ ɖe bo xinnɔ eji. ³ Ɛmɛ ke xlɔn eji lɔ bo da ozo nɔ ɖi ke vɛ oho, ke ye nɔ jasipu kpo sadwanu ha. Anyiɖohwɛɖo bo lɛdo xɔluzinkpwe lɔ, bo klɛn nɔ ɖi emɛlodukpɛn ha. ⁴ Xɔluzinkpwe oko ŋukun ɛnɛ bo xinnɔ onyi le okpo xin lɛye ji ye bo do awu owe pepepe, bo cɔn xɔlugba ke ye sɔ sika do wasi. ⁵ Kinklɛnye, ogbeɖiɖiye kpo ojuɖyabiye o tɔn sɔn Xɔluzinkpwe lɔ mɛ nɔ. Le Xɔluzinkpwe lɔ we ŋukɔn zogbɛn acowe ɖeye bo hun nɔ hɛhɛhɛ, yee wɛ nyi gbigbɔ acowe Mawu tɔn lɛye. ⁶ Le Xɔluzinkpwe lɔ we ŋukɔn, onu ɖe le ɖi ɛxu ha, bo da ozo nɔ nukpwɛn ha, bo kɔn ceɖe-ceɖɛ ɖi klisitalikpɛn ha. Onuleɛgbɛ ɛnɛ, kena ŋukun gbakpe gbɔn ŋukɔn kpo godo na ye, le dodomɛ na xɔluzinkpwe lɔ, bo mɔ lɛdo-e. ⁷ Onu le ɛgbɛ tantyɛn lɔ le ɖi kinnikinni ajŋuta ha, onu le ɛgbɛ owegɔ bo ɖi onyisu de ha, onu le ɛgbɛ atɔngɔ bo do ɛgbɛtɔ we ŋumɛ, onu le ɛgbɛ ɛnɛgɔ bo ɖi gangan ke dɔn nɔ ha. ⁸ Onu le ɛnɛ lɛye we ɖokpo-ɖokpo bo ɖo oxwè atrekpo, ŋukunsin bo gbakpe gbɔn goto kpo dɔmɛ na ye. Le keklo kpo azan, ye nɔ ji ohan nɔ tɛgbɛ tun byo: « kinkwɛn, kinkwɛn, kinkwɛn nyi Xwetɔ Mawu hɔnhlɔn bi sese tɔ ɛmɛ ke o le sa, ɛmɛ ke le, bo gbɔnnɔ.» ⁹ Le hweɖe kpokpwe nu, na onu le ɛgbɛ ɛnɛ lɛye o kpa gigo nɔ, bo do bubu nɔ kpo ɛkpɛ na ɛmɛ ke le xɔluzinkpwe lɔ ji nɔ, ɛmɛ ke le ɛgbɛ sɔn mavɔ do yi mavɔ lɔ, ¹⁰ ɛmɛhyɔn oko ŋukun ɛnɛ lɛye nɔ do onu odo na ɛmɛ ke xlɔn onyi le xɔluzinkpwe lɔ ji, a bo sɛn ɛmɛ ke le ɛgbe sɔn mavɔ do yi mavɔ lɔ. Ye nɔ ɖe xɔlugba yetɔnye flɛn do xɔluzinkpwe lɔ we ŋukɔn, a bo ji ohan nɔ byo: ¹¹ Xwetɔ míatɔn, Mawu míatɔn o jɛ na gigo, bubu kpo hɔnhlɔn ɖo yi wɛ ɖo onu bi sese, ke ye le, ojlo tɔwe wɛ, i wɛ jlo na ye do ɖo ye.