¹ I wɛ ko se ogbe sinsyɛnxu ɖeɖi le Mawu we oxwe lɔ gbe bo lo lɔ na Mawu we ɛwɛndotɔ acowe lɛye nɔ tun byo: Mi yi, a bo ɖɔli Mawu we aɖidido we kɔkpo acowe lɛye do nyidan lɔ ji seŋu.» ² Ɛmɛndotɔ tantyantɔn yi, bo ɖɔli kɔkpo etɔn do nyidan lɔ ji, iwɛ abi nyanyla kena nɔ vɛ taŋujɛ goto no ɛmɛ keye wu na kanlin la we josi leye, ye ɛmɛ keye ni nɔ sɛn kanlin la we onutita ye. ³ Mawu we ɛwɛndotɔ owegɔ lɔɔ ɖɔli kɔkpo etɔ do ɛxu mɛ, ɛxu lɔɔ bo trɔ zun ɛhun, bo le ɖi ɛmɛ ke ku we ɛhun ha, iwɛ onu ke le ɛgbɛ le ɛxu lɔɔ mɛ bisese ku ⁴ Mawu we ɛwɛndotɔ atɔngɔ lɔ ɖɔli kɔkpo etɔn do otɔsisaye kpo otɔjɔtyɔnye mɛ, ye bo trɔ zun ɛhun. ⁵ I wɛ, ko se Mawu we ɛwɛdotɔ kena kpa ɛcɛ na otɔye lɔ tun byo:« lɔɔ ɛmɛ kena le siɛ, ɛmɛ kena o le san xoxoxo, ɛhwɛdɔtɔ kena sɔ gbe wɛ o nyi. ⁶ Kena e nyi byo ye kɔnxɔsetɔye kpo Mawu we ogbeɖotɔye we ɛhun ɖ'onyi, ɛhun ke wɛ ona ye, ye bo nu, onu keni jɛ na ye na wa kpo ye i Jan mɛ.» ⁷ I wɛ ko se ogbe ɖe ɖi sɔn ovɔsinsan we ogba lɔ mɛ byo:« ɛɛn xwetɔ Mawu hɔnhlɔn biseseɖotɔ, kojoɖiɖo tɔweye nyi oxojɔxo bo sɔgbe.» ⁸ Mawu we ɛmɛndotɔ ɛnɛgɔ lɔ ɖɔli kɔkpo etɔn d'ohwe ji. Ye bo na ɛcɛ ohwe nia do bi ɛgbɛtɔye kpo ozo etɔn, ⁹ I wɛ zozo ɖoxo ɖe bi ɛgbɛtɔye, ye bo kɔn acɔn do Mawu keni ɖo ɛcɛ do ofunkpikpe mɛ lɛɛye ji wu, ye ko ɖɔli jijɔ a do kanfu-i ¹⁰ Mawu we ɛwɛndotɔ atungɔ lɔ; ɖɔli kɔkpo etɔn do kanlin lɔwe xɔ luzinkpwe ji, vuvlu bo do do xɔluɖuto etɔn lɔ ji, ɛmɛye bo lo se vivɛ nɔ taŋu gbɔɔ bo nɔ ɖu ɛɖɛ. ¹¹ Ye kɔn acɔn do Mawu sɛxwetɔn wu, ye ko lɛkɔ le onu nyannyla wiwa ye tɔnye tɛ. ¹² Mawu we ɛmɛdotɔ ɛdɛngɔ lɔ ɖɔli kɔkpo etɔn d'otɔsisa ɖoxo Eflati lɔ ji. Ɛsin lɔ xu, bo do jla omɔ ɖo na xɔlu keye ni sɔn hwazɛdoye. ¹³ I wɛ, ko kpɔn gbigbɔ nylakan atɔn keye ni le ɖi bɛtyo ha ye tɔn. Ɖokpo tɔn sɔn onu mɛ na dlagɔn la, ɖokpo bo tɔn sɔn onu mɛ na kanlin la, atɔngɔ lɔ bo tɔn dɔn onu mɛ na ogbeɖotɔ ojokantɔ la. ¹⁴ Satana we gbigbɔ keye ni nɔ jlɛ onu nɔ ye wɛ. Ye sɔn yi nyixɔ ji we xɔlu biseseye kɔn, a do va yi kpli ye na ahwan wiwa keni le mawu hɔnhlɔn biseseɖotɔ we azan ɖaxo lɔgbe. ¹⁵ « Kpɔn! ko gbɔn nɔ ɖi fyanfinnɔ ha, nyɔnanɔ wɛ nyi ɛmɛ keni le ŋuzɔn bo hɛn awu etɔnye wu, e ko mɔ do zɔn ɛmɛ-ɛmɛ nɔ, ŋunya ko mɔ wa-ɛ nɔ le hwekenu na ye na kpɔn-ɛ.» ¹⁶ Gbigbɔ nylakan lɛɛye kpi vɔlu lɛɛye d'ofi kena ye nɔyɔ le Heblegbe mɛ byo Amagedɔn. ¹⁷ Mawu we ɛwɛndotɔ acowegɔ lɔ ɖɔli kɔkpo etɔn do jɛhɔn mɛ. Ogbe sinsyɛnxu ɖe bo ɖi sɔn Mawu we oxwe lɔ gbe sɔn xɔluzinkpwe lɔ kɔn bo lɔ nɔ byo: « E sɔgbe loo!». ¹⁸ I wɛ oju ɖe obi mlamlamla. Ogbeye, bo ɖi, oju bo do ogbe nyixɔ bo hunhun taŋu. E ɔn hunhun ɖo mɔsinha kpɔn sɔn hwekenu na ɛgbɛtɔye le nyixɔ lɔ ji. ¹⁹ Toxo ɖaxo lɔ ma ɖo atɔn. Toxo keye ni le otoye mɛ bo gba, Mawu bo ɖoŋudo babilɔnu ɖaxo lɔ wu, bo ni-i aɖidido ɖaxo etɔn we vɛn we kɔkpo lɔ na ni a nu. ²⁰ Otɔdodomɛ we oto biseseye bu, ye ko mɔ kpɔn otóye. ²¹ Ɛkpɛnŋu ɖaxo kena ɛkpɛn etɔnye. We kpinkpɛn mɛ na yi kilo kanɖe ha, bo ja sɔn jiŋukunsin kɔn do ɛgbɛtɔye ji. Ɛgbɛtɔye bo kɔn acɔn do Mawu wu do ɛkpɛnŋu we ofunkpikpe mɛ lɔ wu, ɖo ofunkpikpe xin lɔ vɛ ɛwu taŋu.