1 I wɛ ko mɔ kpɔn josi bu le jiŋukun. Sin mɛ, E bo glo, bo jɛŋu taŋu. Josi lɔ wɛ nyi Mawu we ɛwɛndotɔ acowe. Ofunkpikpe mɛ lɛɛye wɛ nyi kpotwi, ɖo yee ji wɛ Mawu we aɖiɖido na vɔ do. 2 Ko kpɔn onu ɖe ɖi ɛxu ha, e bo da ozo ɖi nukpwɛn na, e bo caka kpo ozo, ɛmɛ keye na ɖu le kanlin lɔɔjiɔ kpodo onu tita e tɔn kpodo akɔnŋuta wemakun sɔgbe kpodo nyikɔ etɔn lɔɔ ji ye, bo le ote le ɛxu ke na da ozo nɔ ɖi nukpwɛn ha lɔɔ ji, bo hɛn Mawu we onu xo nu okannɔ. 3 Ye bo lo ji Mawu we odansɔvi Mɔyizi we ohan nɔ, tun byo: « xwetɔ Mawu hɔnhlɔn bisese ɖotɔ, tɔwe ye gblo bo kpa ca ɛwɛ otogunye we xɔlu omɔ etɔnye sɔgbe bonyi oxojɔxo ! 4 onu lɛ ɔn na ɖo sisi na we? onu lɛ ɔn na kanfu nyikɔ tɔ we xwetɔ Mawu? Ɖo yi ɖokpo wɛ nyi ɛmɛ kinkwɛn otogun bisese ye na va do onu odo le ŋukɔn na we Ɖo ye kpɔn onu jijwɛ wiwa si tɔ we ye HEZE-HEZE.» 5 E xin godo ko kpɔn Mawu we oxwe, ke mɛ na okan cica we avɔ xɔ lɔɔ le, hun le sɛxwe. 6 Mawu we ɛwɛndotɔ acowe, ke na hɛn ofunkpikpe acowe lɔɔye, tɔn le Mawu we oxwe lɔɔ gbe, bo do awu nywɛ owee pepe ke na da ozo nɔ, ye bo sɔ akpakan sikatɔn do lɔla akɔnnu. 7 Le onu le ɛgbɛ ɛnɛ lɛye mɛ, ɖokpo sɔ sika we ɛwɛndotɔ acowe sɔ na Mawu we ɛwɛndotɔ acowe lɛye . Kɔkpo lɛye bo gɔ kpodo Mawu kena le ɛgbɛ gbɔɔn do yi mavɔ ma vɔ we aɖidido ɖaxo. 8 Do Mawu we gigo kpodo hɔnhlɔn etɔn wu, Mawu we oxwe lɔɔ gɔ kpodo azɔ, ɛmɛ ti ko kpewu na ɖyɛ oxwe lɔɔ gbe gbɔɔn do yi hwekenu na ofunkpikpe acowe ɛwɛndotɔ acowe lɛye tɔn na vɔ.