¹ Le kɛklɛnu dɛn ovɔsantɔ Mawu tɔn ɔ daxoye wa si okple kpo otomɛ hyɔ nye osɛnkplan ɛmɛtɔye kpodo ɛhwɛɖɔtɔdaxo lɛye bisese kpo ye bo bla yesu bo dɔn ɛ ve jo na pilati. ² Pilati lɔ kan yesu se nɔ tun byo iwɛ nyi jwifuye we xɔlu yesu bo ɖo e wu ni i lɔ byo i jɛn wɛ o lɔ xin. ³ Ovɔsantɔ axo lɛye bo do ɛhwɛ susu ni i. ⁴ Pilati lɔ mɔ kan yesu se tun byo kpɔn ɛhwɛ ke kɛɖɛ na ye do na we nɔ hɔn ɖo xo de na gbo do e wu wu wɛɛ. ⁵ Vɔ yesu ko ɖo xo ti e wu e bo kpacado pilati lɔ. ⁶ Vivayi we oxwe hwenu tɛgbɛ pilati nɔ ɖe ogantɔ ɖokpo tɔn ɛ ogabntɔ kke ye byo wɛ e nɔ ɖe tɔn. ⁷ Vɔdahwe de le ogankpa lɔ mɛ ke ye nɔ yɔ byo balabasi e bo o le ogankpa lɔ mɛ i kpodo ogu fɔn tɔye ɖo hu ɛmɛ le ogu finɔn hwenu. ⁸ Otogun lɔ bo va pilati kɔn bo xwi nu ke na e o nɔ wasi na ye e bo e le walɔ walɔ etɔnmɛ bibyɔ. ⁹ Pilati bo ɖo e wu na ye lɔ byo mi ba ma jo jwi

fuye we xɔlɔu lɔ do na mi .

¹⁰ Ɖo e kpɔn nu jɛ e wu byo do ɛwu hwinhwan wu mɛ ovɔsantɔ daxoye mɔ do kplɔ ɛ va na he . ¹¹ Ovɔsantɔ axo ye bo do otogun lɔ nɔ na ye a do do axwan nɔ byo ye mɔ de gan na banabasi amɔ hɛn yesu wu. ¹² Pilati mɔ yi xo bo lɔ nɔ tun byo ŋunɛ ko na wa na ɛmɛ ke mi yɔ nɔ byo jwifuye we xɔlu lɔ. ¹³ Ye mɔ do axwa ke bo lɔ nɔ byo otinsogaji. ¹⁴ Pilati bo lɔ na ye lɔ byo onu nyinyla nɛ lɛ e gbɛwa ye bo mɔ do axwa do e ji taŋ u byo kan ɛ . ¹⁵ Ado jɛŋu na ɛmɛ lɛ ye ilati de ogan na balabasi exin godo e na na sɔjaye xo yesu kpodo lanba kpo e bo mɔ sɔ ɛ do alɔ mɛ na sɔja lɛye ye mɔ do kan ɛ. ¹⁶ Sɔja lɛ ye bo kplɔ yesu do sin otokplɔtɔ lɔ we xwegbe bo yɔ sɔja gbokpwe lɛ ye bisese kple. ¹⁷ Ye do awuɖaxo ovɛ ɖe ni i bo sɔ xɔlugba ke na ye sɔ ɛŋuja do wasi sɔ cɔn ni i. ¹⁸ Yebo xwi o gbe dido na yesu byo mi do gbe na we jwifuye we xɔ. ¹⁹ Yesu sɔ ɔ otin de do xo ta ni i nɔ bo do onu do ni i nɔ . ²⁰ Ke ye ko e vɔ ye de awu o vɛ lɔ le kɔ ni i bo mɔ sɔ i tete we awuye sɔ do ni i bo dɔn do sɔ nɔ a do ve kan ɛ. ²¹ Da hwe ɖe lɛ kɔ sɔn nugbyo e bo nɔ nyi sinmɔ bo nyi otɔ na alɛsandru kpodo hlufwusi bo nyi silɛnutɔ e gbɔn blɛ lɔ va yi nɔ ye bo zin e ji e mɔ do hɛn otin soga. yesutɔn lɔ. ²² Ye bo kplɔ yesu do sin ofi ke na ye nɔ yɔ byo gɔlugta e gɔnmɛ wɛ nyi taka we tɛnxo . ²³ Ye ni i vɛn ke ye ca kpo mi lu vɔ yesu bo gbɛ . ²⁴ Ye kan ɛ do otin so ga ji bo wasi ovoɖiɖe do ma onudido etɔnye ye mɔ do nyɔ akpawe ke na ɛmɛ ɖokpo ɖokpo na yi. ²⁵ Gan acɛnnɛ wɛ oxo nɔ ɔna ye do kan ɛ. ²⁶ Ye wlan nu ke do e wu nu ke dɔn na ye do gbo ku hwɛ ɛ ni i xɛn jwifuye we xɔlu. ²⁷ Ye kan jagunda owe do axa ni i ɖokpo le aɖusi mɛ ɖokpo bo le amyɔ mɛ . ²⁸ Emɔ wɛ onu ke na win wlan kinkwɛn lɔ lɔ cɛ do e lɔ tun byo xlɛ do onu nnyinyla watɔye mɛ mɛ. ²⁹ Ɛmɛ ke va yi nɔ ye bo kɔn acɔndo e wu nɔ bo hunhun ota nɔ bo lɔ ni i nɔ tun lɔyo hoo na we i ke lɔ byo he ma mɔ gba Mawu we oxwe lɔ amɔ trɔ gba ɛ le onyihinhɔn atɔn gblamɛ. ³⁰ I tete hwlɛn diwe gan amɔ jɛ te le otinsga lɔ ji. ³¹ Ovɔsantɔ ɖaxo Mawu tɔn ye can kpo osɛnkplan ɛmɛ tɔye o ko e nɔ bo lɔ na yede ye nɔ byo e hwlɛn ɛmɛ bu ye gan e hɔn kpewu na hwlɛn e ɖe gan wɛɛ. ³² Klisu lɔ izrayɛli we xɔlu lɔ ni jɛ te le otinsoga lɔ ji syɛ na mia kpɔn amɔ kan do eji. ɛmɛ ke ye kan do axani i ye can bo zun i nɔ. ³³ Gan weve mɛ vuvlu bo do le nyi dan lɔ ji seŋu gbɔɔn do yi gan atɔn mɛ. ³⁴ Le gan atɔn mɛ lɔ yesu do axwa sinsyɛnɛxu ɖe bo byo eloyi eloyi lama sabatani e gɔnmɛ wɛ nyi tun byo Mawu tɛ ye Mawu tɛye ŋunɛ dɔn odo jo o do. ³⁵ Ke ɛmɛ ke le blɛ ye we ɖeye se acxwadido etɔn ye xwi li lɔ byo mi kpɔn e yɔ eli nɔ. ³⁶ Ɛmɛ ɖe le ye mɛ bo do dun ve sɔ otu de sɔ nylɔ do vɛn hwinhwan mɛ bo trɛ ɛ do otin nu bo drɛn ɛ ɖohan yesu na ni a nu e bo mɔ lɔ tun byo mi nɔ te mia kpɔn lɔ byo eli lɔ ɔ na va ɖe le o tinsoga lɔ ji jaa. ³⁷ E xin godo yesu do axwa ɖaxo sinsyɛnxu ɖe bo myɔ onu. ³⁸ Iwɛ xɔmɛɛgbovɔ ke le Mawu we oxwe lɔ gbe ma do owe sɔn jihwe gɔɔn do va yi odo. ³⁹ Ke sɔja kanwe koga ke le ŋukɔn ni i lɔ kpɔn ke e ku ɖo e lɔ tun byo dahwe ke Mawuvyɔ wɛ e nyi xo jɔ xo. ⁴⁰ Nyɔɔnu si ye can bo le dindyɔnnu bo do kpɔn nu nɔ ɛmɛ ke le ye mɛ ye we ɖe ye xɛn malya madalatɔn salomɛ kpodo malya ke nyi ke nyi hwajɛvi lɔ onɔ bo mɔ nyi jose onɔ. ⁴¹ Nyɔnu xin lɛye onɔ kplɔ ɔ yesu do saan amɔ sɔ odan ni i nɔ le hwekenu e le galile we kansinmɛ nyɔsu susu buye can ke kplɔ ɛ do do sin jesuezalɛmu ye czan bo le blɛ . ⁴² Ke hwe do do e bo mɔ nyi jijla ɖozangbe e gɔnmɛ wɛ nyi jwifuye we gbɔjwzan drɔ gbe. ⁴³ Jozɛfu alimate we toxo mɛ tɔ ke nyi ɛmɛ ŋukunsin le ji ɖe le ɛhwɛɖɔ tɔ daxo ye mɛ e bo o le te kpɔn xɔluɖuɖu Mawu tɔn lɔ e do oji bo yi pilati kɔn do ve byɔ yesu we ocɔ. ⁴⁴ Vɔ ɔe bo kpaca a do pilati byo yemɔ o ku e bo byo ye mɔ yɔ sɔ ja kanwe koga lɔ va na he e bo kan ɛ se byo yesu ku e dɛn wɛ jaa. ⁴⁵ Ke e se le sɔja kanwekoga lɔ nu byo yesu pitayi na gbe jozɛfu byo mi mɔɔ ve kɔ ocɔ lɔ. ⁴⁶ Jozɛfu ve avɔde bo ɖe ocɔ lɔ jɛ te le otin so ga lɔ ji bo butu i do avɔlɔ mɛ bo ve di i do yɔgun ke ye ɖe do ɛkpɛn mɛ mɛ e bo bli ɛkpɛn ɖaxo de do tun yɔ gun lɔ nu. ⁴⁷ Malya madalatɔn kpodo Malya joze onɔ bo kpɔn ofi ke na ye sɔƥ yesu sɔ do.