1 Vivayi we oxwe kpo kpɔnnɔ ma ɖo tinlɛn we oxwe drɔn onyi hinhɔn owe ovɔsantɔ Mawu tɔn ɖa xo ye kpo osɛnkplan ɛmɛtɔɔye bo ba ayixa ke ye na zan amɔ do kpewu wle yesu amɔ hu i nɔ. 2 Ɖo yelɔ nɔ tun byo e hɔn nyi oxwe lɔ hwenunɔ i dɛn hwɛn otogun lɔ na ve fɔn gu. 3 Yesu le betani we otola mɛ le sinmɔ ke jɛ ɛokpodɔn saan va yi we xwegbe i wɛ hwekenu ye ba yi i we jo nɔ e bo le tavoto va bo hɛn ogo ke na ye sɔ ɛkpɛn owee do wasi celu ohovivɛtɔn ke ye sɔ na lu adododwe do wasi bo gɔ ɛ nyɔnu lɔ bo fo ogo lɔ we nutu bo ɖɔ li celu lɔ do ota na yesu. 4 E hɔn jɛŋu n a ɛmɛ ke le blɛ ye we deye ye bo lɔ na yede ye nɔ byo ŋunɛ wa na ye na do gu celu xin e mɔ. 5 Na ye sa celu xin lɔ ye hɛn ye na kpɔn ohogan sandi atɔn (300) amɔ sɔ oholɔ sɔ ma na ayamɔ ye ye bo gbɛ nu na nyɔñu lɔ kpo ŋukunsin bibya kpo. 6 Vɔ yesu bo lɔ na ye lɔ tun byo mi jo e do xwi i ŋunɛ wa na mi do do hannu ni i nɔ onu nywɛ mi do do hannu ni i onu nywɛ bɛ e wa na a. 7 Ɖo anyanɔye le miakɔn tɛgbɛ e jlo mi hwe ɖekpokpwe nu mi na wa onu nywɛ na ye vɔ blɔ ko hɔɔn nɔ mia kɔn nɔ tɛgbɛ. 8 Onu ke wu na e kpe wɛ e wa e hu ce lu na gbaza tɛye amɔ amɔ do jla gbaza tɛye do de nyi na ɖiɖi zangbe. 9 Le xojɔxo mɛ ko lɔ na mi nɔ ofi dekpo kpwe ke na ye na jla Mawu xo lɔ gbɔn le ɛgbɛ lɔ mɛ bisese onu kena nahwe ke wa ke ye na nɔ lɔ ɛ a bo nɔ do flin i. 10 Juda isikalyɔtu ke nyi ɛmɛ ɖokpo le onukplanvi weve lɛye mɛ ve kpɔn ovɔ santɔ daxo Mawutɔnye amɔ do sɔ yesu sɔ jo na ye. 11 Ke ovɔsantɔ lɛye se oxo xin lɔ ye kpɔn ye bo xo gbe ni i byo ni ye ma mɔ na oho wu i juda bo xwi oyixa bi ba a do kpɔn. omɔ amɔ do ve jo yesu na ye. 12 Kpɔnnɔ ma ɖo tinkɛnɛ we oxwe lɔ we azan tanlyɛn gbe azan ke gbe na ye do na hu lɛngbɔviye na vivayi we oxwe we onuɖuɖu lɔ yesu we nukplanviye bo kan ɛ se nɔ nun byo fye o ba tun mi na ve ɖa vivayi we oxwe lɔ we nɖuɖu lɔ na we le. 13 Yesu bo ɖo nukplanvi etɔnye owe dodan toxo lɔ mɛ na ye lɔ tun byo mi yi toxo lɔ mɛ dahwe de na vd kpemi e mɔ hɛn sinzɛ do ta mi kplɔ ɛ do. 14 Oxwe ke gbe na e na dyɛ mi kplɔ ɛ do mi mɔ lɔ na xwetɔ keɖo oxwe xin lɔ tun byo onukplɛn ɛmɛtɔ lɔ kan we se nɔ byo fye lɛ oxɔ ke mɛ na bo kpo nukplanvi lɛ yee kpo na du vivayi we oxwe we nuɖuɖu lɔ le. 15 E na sɔ oxɔ daxo de kena ye o jla do de nyi le singbo ji sɔ xlɛ mi ye to nu ke we nyan mi na do ye bisese do e mɛ blɛ lɔ wɛ mi na da onuɖuɖu lɔ le na mi. 16 Nukplanvi lɛye yi bo ɖyɛtoxo lɔ mɛ bo kpɔn do nu kena yesu lɔ na ye lɛɛye bisese ji ye boɖo vivayi we oxwe lɔ we nuɖuɖu lɔ le blɛ . 17 Hwedo yesu kpo nukplanvi weve lɛye bo va . 18 Hwekenu na ye yi tɛnxo bo du nu nɔ yesu lɔ na ye lɔ tun byo le xo jɔ xo mɛ bo du nu kpo nɔ ha mia sɔ ɔ sɔ jo. 19 Ye bo dyɛ onulilo mɛ bo kan ɛ e nɔ e kplɔ ɖe do lɔ tun byo. bo wɛɛ. 20 Yesu bo lɔ na ye lɔ tun byo ɛmɛ ɖokpo le mi mɛ weve lɛ ye mɛ ɛmɛ ke o do alɔ agba ɖokpo lɔ mɛ bo u nukpo nɔ wɛ. 21 Le xo jɔxo mɛ gbɛtɔ we vi lɔ na ku ɖi ke ye wlan do e wu ɖo na vɔ babaana ɛmɛ ke we a lɔ mɛ gbɛtɔ we vi lɔ na nyi si sɔ jo gbɔn ɛmɛ xin lɔ ye do dokpo ma ji wɛ e na nyɔ ni i hugan. 22 Ke ye xwi onu lɔ ɖuɖu yesu sɔ kpɔnnɔ bo do ɛkpɛ na Mawu ke e do ɛkpɛ na Mawu do eji vɔ e ma ɛ bo sɔ na nukplanvi etɔnye bo tun byo miyi e ke wɛ nyi gbaza gbaza tɛye. 23 E xin godo e sɔ ɔ kɔkpo ke mɛ na vɛn le bo ɛkpɛ na Mawu doe ji bo sɔ na ye ye mɛ bisese bo nu. 24 E bo lɔ na ye lɔ tun byo e ke lɔ wɛ nyi ɛhun tɛ ye ke Mawu do wasi o kan cica ɛhun ke lɔ wɛ kɔn ɖe nyi do ɛmɛɛ susu weta. 25 Le xojɔxo mɛ ko lɔ na mi nɔ ko hɔn mɔ ba vɛn ɖe nɔ gbɔɔn do yi hwenu na ko na mɔ va nu vɛn yɔyɔ le Mawu we xɔluɖuɖu lɔ mɛ . 26 Ke ye ji vivayibw oxwe lɔ we o hanye vɔ ye sin oso ke ji olivɔutinye le. 27 Yesu lɔ na nukplanvi etɔnye lɔ byo mi mɛ bisese wɛ na gbɛ ɔ do ye wlan le Mawu lɔ mɛ lɔ tun byo ko na hu lɛngbɔkplɔtɔ lɔ lɛn gbɔ lɛngbɔ lɛye mɔ gbado. 28 Vɔ na ko fɔn sɔnɔ oku vɔ ko na we tre kpɔn mi le galile. 29 Piyɛ bo lɔ ni i lɔ tun byo ɛmɛ bisese mɔ do gbɛ we can blɔ kɔn gbɛ we nɔ . 30 Yesu bo lɔ ni i lɔ tun byo le xojɔxo mɛ ko lɔ na we nɔ le egbe keŋu gbɔxwe goklo na gboo do atan le ozan ke mɛ zɔn we o na gbɛ ɛ ɔ zn atɔn kpecyo. 31 Vɔ Piye mɔ kɔplɔ lɔ nɔ byo na ko na mɔ do ku kpo we can ko le gbesisɔ nukplanvi gbokpwe ye can bo lɔ e mɔ. 32 Ye ve jɛ ofi kjena ye nɔ yɔ byo jɛɛtisemanɛ e bo lɔ na nukplanvi etɔn ye lɔƥ tun byo mi xin nɛ nyi le bwɛ na ma ve xo ɛɖɛ . 33 E bo kplɔ piyɛ jaki kpo jan do sɔn i e bo ɖyɛ vivɛsise ɖaxo ɖe mɛ. 34 Yesu bo lɔ na ye lɔ byo oklan tɛyele vivɛsise daxo de mɛ gbɔɔn do sin oku nɔ mi nɔ bwɛ amɔ nɔ ŋuzɔn. 35 E bo tɛ yi le ye wu bo yi ŋukɔn vide bo cɔn ŋumɛ nyi bo xwi ɛɖɛxixo na e na do kpewu jɛ e ji wɛ e ko do gbɔn vivɛsise we ganxixo sin lɔ mɛ nɛ. 36 E bo lɔ nɔ lɔ tun byo aba Didaye o kpe nu bisese wu dɔn vivɛsise we kɔkpo ke lɔtɛ le wu ye ni koo nyi ojlo tɛ ye vɔ ni nyi ojlo tɔ we. 38 Etrɔ va bo kpɔn nukplanvi atɔn lɛye le awlɔn mɛ e bo lɔ na piyɛ lɔ tun byo sinmɔ awlan o dɔ nɔɔ hɔn kpewu na nɔ ŋuzɔn na ganxixo dokpo tete. 37 Mi nɔ ŋuzɔn amɔ xo ɛɖɛ mi ko do jɛ tintɛnkpɔ mɛ nɔ do gbɛtɔ nɔ do o jlo nywɛ vɔ gbza lɔ bo gbɔjɔ. 39 Emɔ tɛyi ke bo mɔ lɔ oxoɖokpo ŋumy lɛ ye le ɛɖxixo e tɔn mɛ . 40 E xin godo e mɔ trɔ va nukplanvi lye kɔn bo kpɔn ye le awlɔn mɛ ɖo ŋukun sin kpɛn na ye. ye ko ny ɔ oxo kena ye na lɔ ni i. 41 Ke e trɔ va zɔn atɔngɔ e lɔ na ye tun byo mi mɔ gbɛ dɔ awlɔn nɔ bo mɔ gbɛ gbɔ jwɛ nɔ ogan lɔ xo mi kpɔn ye sɔ gbɛtɔ we vi lɔ sɔ jo na onu nynylawatɔye nɔ. 42 Mi cite mia sɔ ɛmɛ ke o sɔ ɔsɔ jo nɔ lɔ o tɛkpɔ. 43 Zɔnɖokpo le hwekenu na yesu mɔ gbɛlɔ xio nɔ Juda ke nyi ɛmɛ dokpo le nukplanvi weve lɛyɛ mɛ va tɔn ɛmɛ susu bo le ɛtɛ ni i bo hɛn dɛnkpwe ye kpodo okpoye ovɔsantɔ Mawutɔn daxoye osɛnkplan ɛmɛkplan ɛmɛ tɔye kpodo otomɛhyɔnye wɛ ɖo ye ɖo dan . 44 Juda ke e sɔ ɛ sɔ jo nɔ lɔ boo lɔ josi ke e ba zan nɔ lɔ na ye a do de yesu lɔ sɔ xlɛɛ ye e lɔ na ye tun byo ɛmɛ kena ko na kisi na lɔ wɛ mi wle e amɔ dɔn ɛ do sɔn amɔ hɛn e wu gan ji. 45 Zɔnɖokpo ke juda va e tɛkpɔ yesu bo lɔ nii tun byo hlabi e bo kisi ni i. 46 Ɛmɛ lɛ ye bo ɖo alɔ yesu wugbo wle e. 47 Vɔ le ɛmɛ ke le kpɔ kpo yesu ye mɛ ɛmɛ dokpo lyɔ dɛn kpwe etɔn bu xu ovɔsantɔ Mawu tɔn ye we ga we odan sɔɔvi bo kpa oto ni i . 48 Yesu yi xo bo lɔ na ye lɔ byo mi hɛn dɛkpokpwe kpodo okpoye a do va wle o le i ja guda wɛ mi ba wle e nɔ ha. 49 Ko le mia mɛ tɛgbɛ le oxwe Mawu tɔn lɔ gbe amɔ kplan nu ɛmɛ ye nɔ mi ko wle o vɔ na winwlan kin kwɛn lɛ ye a do cɛ wɛ dɔn . 50 Nukplanvi lɛ ye bisese bo si. 51 Hwanjɛvi ɖe bo kplɔ ɛ do avɔ jɛn bɛ e bo sin do okɔ ye wle e . 52 Vɔ e lɔ bu jo avɔ lɔ bo si govɛ govɛ bo sɔn. 53 Ye bo kplɔ yesu do sin Mawu we ovɔsantɔye we ga lɔ kɔn ovɔsantɔ ɖaxo buye oto mɛhyɔnye kpodo osɛnkplan ɛmɛtɔye bo kple le blɛ lɔ . 54 Piyɛ bo kplɔ ɛ do bo le dindyɔnnu daan ni i gbɔɔn bo dyɛ ovɔsantɔye we ga lɔ we xwegbe. E bo xin nɔ nyi le ɛmɛ cɔtɔye mɛ bo xu zo nɔ . 55 Ovɔsantɔ daxo lɛye kpo ɛhwɛɖɔ tɔ daxoye zɛtɛ ba kunnu de agɔ agɔ de nɔ ke wu ye na zɔn do a do ɖo ku hwɛ na yesu vɔ ye ko kpɔn . 56 Ɖo ɛmɛ susu de kunnu agɔ agɔ ye do e wu nɔ oxo lɛye ko nyi dokpo ŋu myɔye. 57 Mɛ ɖeye cite bo kan ojo ke do enu bu lɔ byo . 58 Mi se e bo lɔ tun byo blɔ ko na hɔn oxwe Mawu tɔn lɔ ke gbɛtɔye gba kpo ye we alɔ ye ko mɔ trɔ gba bu le onyihinhɔn atɔ gblamɛ e ko nyi gbɛtɔ ye we alɔ hwɛn na gba ɛ o. 59 Vɔ kunnuɖide yetɔnye hɔn nyi ɖokpo ŋumyɔnye do xo xin can wu . 60 Ovɔsantɔye we ga lɔ cite le ɛmɛ ke kple lɛye mɛ bo kan se yesu nɔ lɔ byo kunnu ke ye de do wu we nɔ ye xɛn nyi xin o hɔn do oxo de na lɔ wɛɛ. 61 Vɔ yesu bo bɔ nu e ko do oxoti e wu ovɔsantɔye we ga lɔ mɔ kan se ke tun byo i wɛ nyi klisu Mawu ke mi nɔ ɔ kan fu nɔ lɔ ɔ o ovyɔ. 62 Yesu bo do e wu nii byo bo wɛ mi na kpɔn gbɛtɔ we vi lɔ emɔ xin nɔ nyi le Mawu hɔnhlɔn lɛye zɛtɛtɔ we aɖusi mɛ mi na kpɔn ɛ e emɔ gbɔn nɔ le sunwɔ mɛ. 63 Ovɔsantɔye we ga lɔ vun awu etɔn le kɔ bo lɔ byo mi hɔn mɔ hyan kunnu de detɔti. 64 Mise acɔn ke e kɔn do Mawu wu. susu ŋɛlɛ mi ɖo de e wu ye mɛ bisese bo byo ɛhwɛ mɛ e mɔ hu mɔ jɛ na oku. 65 Mɛ ɖeye bo jɛ otan tun do ŋumɛ ni i ji ye cɔn nu ŋumɛ ni i bo xo e nɔ bo ko e nɔ byo lɔ ɛmɛ kena xo we nɔ ye na mi sɔjaye bo yi i bo xo tomɛ ɛ ni i. 66 Ke Piyɛ mɔ gbɛ le ga ji oxwe lɔ gbe le odo ovɔsantɔ Mawutɔɔn ye we ga lɔ we odan sɔ vi nyɔnuvi de va. 67 Ekpɔn piyɛ xu ozo nɔ bo kpɔn ɛ nɔ trululu bo lɔ ni tun byo. i can o nɔ zɔnkpo yesu nazalɛtitɔn lɔ . 68 Vɔ piyɛ mɔ bo lɔ byo ko hɔn nyɔ do na xo ke o lɔ nɔ xin gbɔɔn do se egɔnmɛ can e o sin agbɔ agbo nu goklo bo data. 69 Nyɔnuvi odansɔvi lɔ kpɔn ɛ bo mɔ xwi li lɔ na ɛmɛ ke le blɛ lɛye tun byo dahwe xin i can nyi ɛmɛ ɖokpo le ye mɛ . 70 Piyɛ mɔ mɔ ke zaaɖe ɛmɛ ke le blɛ lɛye bo mɔ na piyɛ lɔ tun byo le xojɔxu mɛ o le ye mɛ ɖo galiletɔ wɛ o nyi. 71 Piy bo xwi onu dido eɖe bo lɔ byo na e nyi byo ojo wɛ ko kan nɔ Mawu ni i dɔn oto na a E bo tanu bo byo ko nɔn nyɔ ɛmɛ ke we xo mi lɔ mɔ lɔ. 72 Zɔnɖokpo kpoŋu goklo bo do atan zɔn wegɔ Piyɛ bo flin o xo ke na yesu lɔ ni i saan ɔ lɔ tun byo gbɔxwe goklo na gbo o do atan zɔn we ona gbɛ ɔ zɔn atɔn ke e bu ta mɛ do oxo xin lɔ wu e bo xwi a vi fin fan.