¹ Hwekenu na Yesu le oxwe Mawutɔn lɔ gbe, nukplanvi etɔn ɖeye lɔ ni tun byo :« Nukplan-ɛmɛtɔ kpɔn ɛkpɛn nywɛ-nywɛ xinye, kpodo oxɔ nywɛ-nywɛ xinye!» ² Yesu bo lɔ ni-i tun lɔ byo : opkɔn oxɔ ɖzxo-ɖaxo xinye, ɛkpɛn ɖokpo tete hɔn mɔ va nɔ ekpɛn ɖeji n:ɔ, bisese wɛ ye na gba.» ³ Yesu xinnɔ nyi le oso ke ji na Olivutinye le, bo kpan ŋukɔn oxwe Mawutɔn. Piyɛ, Jaki, Jan kpodo Andle kpo ɖoɖyo bo le ekɔn. Ye bo kan-ɛ se nɔ tun lɔ byo : ⁴ « Lɔ na mi hwenɛnu lɛ onu xin leye na jɔ?» ⁵ Yesu bo xwi liɔ na ye tun lɔ byo :« Mi cɔ miaɖe, na ɛmɛ ɖe ni ko va flu mi. ⁶ Ɛmɛ susu na va va le bo we nyikɔ mɛ amɔ byo bo wɛ nyi Klisu lɔ, amɔ blɛ ɛmɛ susu ɖu. ⁷ Na mi se byo ahwanye mɔ jɔ nɔ, ayaxa ni ko gbado na mi, ɖo exin lɛye ɖo na jɔ vɔ, ɛgbɛ lɔ hɔn vɔ do blɛ nɔ tlololo. ⁸ Yesu mɔ lɔ na ye tun :« Otogun ɖe na fɔn ahwan do ɖe ji, ɖemɔha ke Xɔluɖuɖu ɖe na fɔn ahwan do ɖe ji. Nyidan lɔ ma va hunhun le ofi ɖeye, xovɛ mɔ tɔn, e mɔ le ɖi vivɛ kena nyɔnusi nɔ se le ovi jiji we bibɛnu ha. ⁹ Mi cɔ miaɖe, emɛye na dɔn mi do yi ɛhwɛ ŋukɔn le ɛhwɛɖɔtɔhweye, ye na xo mi taŋu le okpletyɔnye, amɔ dɔn mi do yi ɛhwɛŋukɔn le otokplɔtɔye kpo Xoluye kɔn do blɔ wu ye, mi mɔ do ɖe kunnu na le ye we ŋukɔn. ¹⁰ Ɖo Ɛwɛn Nywɛ lɔ ɖo na nyi jijla na otogunye bisese gboxwe ɛgbɛ lo na do vɔ. ¹¹ Na ye wle mi bo ba ve jo mi nɔ, mi ko lo nu do oxo kena mi na ve lɔ wu, vɔ, ɖo le hwexinnu ye na sɔ oxo kena mi na lɔ sɔ do ayixamɛ na mi ɖo e hɔn nyi miye hwɛn va lo oxo lɔ nɔ, vɔ Gbigbɔ Kinkwɛn wɛ. ¹² Nɔvinɔye na sa ye ɖe na oku, vitɔ mɔ sa ovi etɔn na oku, vikpɛye mɔ va fɔn gu do ɛmɛjitɔ yetɔnye ji, amɔ na na ye na gbo oku we ɛhwɛ na ye. ¹³ Ɛmɛye bisese mɔ gbɛ owan na mi do bo we nyikɔ wu, vo ɛmɛ ke na do vivɛnu gbɔɔn do yi vivɔnu, na kpɔn hwlɛngan. ¹⁴ Yesu mɔ lɔ na ye tun hwekenu na mi na kpɔn onu ke xyɔ ɛwu ke nɔ do vivɔ ɖaxo na ɛmɛ, na va le ofi kena e hɔ ɖo na nɔ (onu xlɛtɔ ni se i we gɔnmɛ nywenɖe), hwexinnu eme ke le Jude we kansinmɛ ye ni si amɔ sin osoye we godo, ¹⁵ ɛmɛ ke le singbo ji ɖe ni ko jɛ ote a do ve sɔ onu etɔn ɖe le xɔmɛ o, ¹⁶ emohe ke ɛmɛ ke le glegbe ni ko tr:ɔ va xwegbe a do va sɔ awu ɖaxo etɔn ɖe o. ¹⁷ Babaa na nyɔnusi ke na le gomiye kpo kena ovi na mɔ gbɛ le anɔ nu na le azan xin lɛye ji ye! ¹⁸ Mi xo ɛɖɛ na ni ko ve jɔ le vivɔ hwenu. ¹⁹ Ɖo le azan xin lɛye ji, vivɛ sise lɔ na hugan ɖekpokpwe ke nɔ onyi sɔn ɛgbɛ lɔ we bibɛmɛ gbɔɔn Mawu do ɖo onu bisese gbɔɔn do va jɛ egbe, vivɛ sise ti ko mɔ va nɔ nyi nɔ ɖo emɔha nɔ kpɔn gbede. ²⁰ Na Xwetɔ Mawu hɔn do ɖe azan xinlɛye drɔn wɛ, ɛmɛ ti hɔn na kpɔn hwlɛngan, vɔ do ɛmɛ cincan kena e sɔ ɖo ovoye wu, e ɖe azan xinlɛye drɔn. . ²¹ Na emɛ ɖe lɔ na mi tun lɔ byo mi kpɔn Klisu! alo mi kpɔn-ɛ, e le blɛdaan! Mi ko kan do e ji. ²² Ɖo Klisu ojo kantɔye na va tɔn, amɔ wasi josi kpo onu kpaca ɛmɛye kpo nɔ, e xin, na e na do kpewu a jɛ e ji wɛ nyi, ye mɔ blɛ ɛmɛ cincanye can ɖu. ²³ Miye mi kpɔn miade ji,ko xo kpa na mi do onu bisese wu nɔ. ²⁴ Vɔ le azan xin lɛye gbe, le vivɛ sise xinlɔ godo, ohwe na va do vuvlu, Osun ko mo klɛn nɔ. ²⁵ Sunhweviye mɔ xwi fiflɛ sɔn jiŋukunsin, hɔnhlɔn we nu ke le jinukunsin mɛ ye mo hunhun. ²⁶ Ye mɔ kpɔn gbɛtɔ we vi lɔ gbɔnnɔ le sunwɔmɛ, emɔ gbɔnnɔ kpodo hɔnhlɔn ɖaxo ɖe kpo, kpo gigo ɖaxo kpo. ²⁷ E mɔ ɖo ɛmɛ ɖodan ɛgbɛ lɔ we wɛkezo ɛnɛ lɛye mɛ, amɔ kple ɛmɛ cincan etɔnye sɔn ɛgbɛ lɔ we odo de ji gbɔɔn do yi buji. ^{28 29} Mi yi okplan sɔn figitin wu, na mi kpɔn byo alɔklan etɔnye mɔ trɔ zun ɛmu, ama etɔnye mɔ dɔn nɔ, mi nɔ nywɛ tun oxweju mo ba bɛ nɔ. Ɖemɔha miye can, na mi ve kpɔn nu xinye o jɔ nɔ mi nyɔ-ɛ byo gbetɔ we vi lɔ mɔ tɛkpɔ, mɔ le ohɔn ji. ³⁰ Le xojɔxo mɛ, ko lɔ na mi nɔ jijimɛvi egbetɔn kiye bisese hɔn ku no gbɔxwe na onu xin lɛye na gbo jo. ³¹ Jiŋukunsin kpo nyidan na va yi, vɔ oxo tɛye e hɔn va yi nɔ kpɔn gbeɖe. ³² Vɔ azan xinlɔ alo oganxixo xin lɔ tɔn, ɛmɛ ti hɔn nywɛ, ewɛndotɔ Mawutɔn ke le sɛxweye, ovilɔ can zɛgbɔn Mawu Ot:ɔ lɔ kɛɖɛ wu. ³³ Mi cɔ miaɖe ɖo mi hɔn nyɔ hwekenu na ogan lɔ na xo. ³⁴ E le ɖi Dahweɖe ke yi ɛhwɛnzɛgbenu nɔ ha, e bo sɔ oxwe lɔ sɔ do asi na odansɔvi etɔnye, bo ɖo odan na ɖokpo-ɖokpo yetɔnye, e bo lɔ na oxwe cɔtɔ lɔ tun ni mɔ nɔ ŋuzɔn. ³⁵ Mi nɔ aceji, amɔ nɔ ŋuzɔn, ɖo mi hɔn nyɔ hwekenu na Xwetɔ lɔ na va do, hwedo wɛ lo o, ozan mima wɛ lo o, hwekenu na goklo na do atan nɔ wɛ, alo kɛklɛnu wɛ, ³⁶ ni ko va gbɔn le ajiji mɛ, amɔ va kpɔn mi le awlɔn mɛ. ³⁷ Oxo ke ko lɔ na mi nɔ ke ɛmɛ bisese wɛ ko lɔ na nɔ, mi nɔ ŋuzɔn.»