¹ Ke jwifuye we gbɔjwɛzan lɔ va yi vɔ malya madalatɔn kpodo salomɛ kpo maya ke nyi jaki we onɔ ve xɔ ce lu hwɛnny wɛye a ve hu na yesu we ocɔ. ² Le kɔsidagbe nyɔnusi lɛye yi yɔgun lɔ kɔn le kɛklɛnu dɛɛn ohwe bo o zɛ. ³ Ye bo lɔ na yeɖeye nɔ byo mɛɛ lɛ mi na kpɔn e mɔ bli ɛkpɛn ke le yɔ gun tɛ na mi . ⁴ Vɔ ke ye de kɔ kpɔn ji hwe kpoŋu ye kpɔn byo ɛmɛɖe mɔ o ɖe ɛkpɛn ɖa xo xin lɔ lɛ le yɔ gun lɔ nu ɛkpɛn lɔ bo glo taŋu. ⁵ Ke ye ɖyɛ yɔgbun lɔ mɛ ye kpɔn kpɔn hwanjɛvi de e bo xin nɔ nyi le adusimɛ bo do awu gaga o we de i wɛ ye titɔ . ⁶ Vɔ e lɔ na ye tun byo mi ko vɔ o yesu nazalɛtitɔn ke ye kando otinsogaji lɔ wɛ mi ba nɔ e o fɔn sɔn o ku e hɔn le bwɛ mi kpɔn fi kena ye sɔ ocɔ etɔn sɔ ɖo saan xɛn nyi ke. ⁷ Mi ve lɔ na onukplanvi e tɔnye gbɔɔn do jɛ piyɛ can ji lɔ tun byo e ma ve nɔ te kpɔn mi le galile blɛ lɔ wɛ mi na kpɔn ɛ le di ke na e o lɔ ɛɛ na mi do saan na. ⁸ Yetɔn bo si yi dmdyɔnnu le yɔgun lɔ kɔn ɖo vivɔ jɛ ye ji gbɔɔn wɛ ye hunhun nɔ ye ko lɔ xo ti na ɛmɛ ɖe ɖo ye vɔ nɔ. ⁹ Ke yesu fɔn le ɛmɛ kukuye mɛ le kɔsiɖagbe kɛklɛnu malya madalatɔn ke mɛ e nya gbigbɔ nyinyla aco we le lɔ wɛ eve ze do ŋumɛ na jɛ ŋukɔn . ¹⁰ E lɔɔ bo ve lɔ na ɛmɛ ke kpo yesu kpo nɔ nɔ kpɔ saan ye Mɛ xin lɛ ye bo le dɔŋududu gbɛ mɛ bo ya vi nɔ. ¹¹ Ye se byo yesu mɔ le ɛgbɛ gbɔɔn mɛ malya mɔ ɔkpɔ ɛ vɔ ye hɔn gan do e ji. ¹² E xin godo yesu de eɖe sɔ xlɛ onukplanvi owe ɖe ye gbɔn ni nɔ mɛ bu mɛ nukplanvi lɛ ye bo sin ji le fi ɖe nɔ . ¹³ Ye gbɔn bo va lɔ na ɛm ɛ gbokpwe ye vɔ ye ko kan do oxo ke na yee can ji. ¹⁴ Le vivɔnu yesu de ede sɔ xlɛ nukplanvi wedokpo lɛ ye le hwekenu na ye kple bo ba du nu nɔ e bo gbɛ nu na ye do kandeji ma do yetɔn kpo oto titri yetɔn kpo wu ɖo ve hɔn kando oxo kena ɛmɛ ke kpɔn ɛ bo va lɔ byo e mɔ fɔn sɔn oku ye lɔ ji. ¹⁵ E xin godo e lɔ na ye tun byo mi yi ɛgbɛ lɔ mɛ seŋu amɔ jla ɛwɛn nywɛ lɔ na gbɛtɔye zɛtɛ seŋu . ¹⁶ Ɛmɛ ke na kando e ji ye mɔ lɛ Mawu we ɛsin ni i na kpɔn hwlɛngan vɔ ɛmɛ ɛ ke hɔn na kando e ji ye na do ɛhwɛ ni i. ¹⁷ Ɛmɛ ke na kando ji ye ye ŋudandonu ke na kplɔ ye do xɛn nyi ke le bo we nyikɔ mɛ ye na nya gbigbɔ nyinyla ye amɔ do do agbe yɔyɔye . ¹⁸ Ye na wle odan kpo alɔ kpo fɛɛ na ye nu nu hu ɛmɛ de nuti hɔn wa ye nɔ ye na do alɔ ta na adɔn nɔye adɔn mɔ gɔ na ye. ¹⁹ Ke xwetɔ yesu lɔ xo na ye do e mɔ vɔ Mawu kɔ ɛ do sin sɛxɛwe e mɔ xin nɔ nyi le adusi mɛ ni i . ²⁰ Nɔkplanvi lɛ ye bo sin ofi dekpokpwe bo xwi ɛmɛ nywɛ Mawutɔn lɔ jijla xwetɔ yesu lɔ bo wa odan lɔ kpo ye nɔ bo do ɛkpɛn oxo lɔ ji nɔ .