¹ Yesu ɖye tɔjihun ɖe me, bo do je otɔ lɔ we godo do ɖye i tete we otomɛ. ² I we ye hɛn kplibɔnɔ ɖokpo do ra ni-i, bo le onyi hinhlɔn le (bàtin) ojwɛn ji. Yesu kpɔn xɔse yetɔn kaka, bo lɔ na ye tun kplibɔnɔ lɔ tun lɔ byo :«ovitɛye do oji ye sɔ ɛhwɛ tɔweye ke we. » ³ Iwe osɛnkplan-ɛmɛtɔ ɖeye lɔ le ye ɖe mɛ tun byo : «Dahwe ke o kɔn acɔn do Mawu wu nɔ». ⁴ Yesu kpɔn kpɔn nu je susu yetɔnye wu bo lɔ na ye tun byo : «un nɛ jɔ susu nyi nyla ye do le oji miatɔnye me ɖo emɔha ?». ⁵ Na ye lɔ tyb ye sɔ ɛhwe tɔweye sɔ kɛ we, alo site a bo zɔnzɔnlin ? "E nɛ lɛ fa hugan ɖe ?. ⁶ Vɔ ko jlo na mia nyɔ-ɛ tun byi gbɛtɔ we ovi lɔ mɔ ɖo ɛcɛ le nyidan ji a do sɔ ɛhwɛye kɛ ɛmɛ...» I we yesu lɔ na kpibɔnɔ lɔ tun byo : « Site a sɔ okpo odyɛn tɔ we na sin xwegbe » ⁷ Iweɛ dahwe lɔ site bo sin xwegbe etɔb. ⁸ Hweke nu na ɛmɛye kpɔn onu emɔha, vivɔ je yeji, ye bo jɛ gigo ni na Mawuji ke na ɛcɛ emɔha wu gbɛtɔye ji. ⁹ Yesu lɛ le blɛ bo sɔn nɔ, e kpɔn dhwe ɖe ke ye yɔ tun Matye bo onyixin xlɔb le okpoji le takwjɔtɔye we okpo ji. E bo lɔ ni-i tun byo : «Xo do o» E bo site bo xo do-e. ¹⁰ Yesu ɖu onu nɔ le Matye we xwegbe wɛ takwejɔtɔ susu gbagbagbaye, kpo onunyinyla watɔye can va nɖy onu. ¹¹ Ke falizitoye kpɔn ɖ'emɔha, ye lɔ na onukplanvi yetɔn ye : «Unnɛjɔ ogamiatɔn do ɖu onu kpo takwɛjɔtɔ ye nɔ kpo ɛmɛ onunyinyla watɔ ye nɔ ?» ¹² Mi ve kan odo se na oxo ke kena Mawu lɔ : "Dɔŋu ɖunu kpinkpɔn na ɛmɛ we ko okan mɔ, ko hɔn kan avɔsisan nɔ. ¹³ Ɖo ko hɔn va na do yɔ ɛmɛ keye nyi ɛmɛ jijwɛye vɔɔ onu nyi. nyla watɔye wɛ ko va na» ¹⁴ Exin godo, onukplanvi Jan tɔn ye tɛkpɔ yesu bo kan- ɛ se nɔ byo : «Unnɛjɔ, miye kpodo falizi tɔye nɔ do bla onu nɔ ble ble, vɔ onukplanvitɔwe ye ko nɔ wasi i ɖ'emɔha ? ¹⁵ Yesu bo lɔ na ye tun byo : «ɛme kena ye yɔ va alɔwiwle we tɛnxoye na kpewu na dɔŋuɖunu mɛ le hwkenu na nyɔnusu lɔ gbɛ le ye kɔn vɔ azanɖeye o gbɔn nɔ, wɛ ye na va kplɔ nyɔnu lɔ le yekɔn, hwxinlɔnu we ye na bla onu. » ¹⁶ Ɛmɛti hɔn nɔ kan le avɔ yɔyɔ wu a do ve ta awu xixo. Ɖo avɔvi yɔyɔ lɔ na myɔ, a bo dɔn awu lɔ vun vunvun lɔ mɔ nyla diin ¹⁷ Ɛmɛti hɔn nɔ kɔn dehan yɔyɔ do olangbaza we godo xixo mɛ, e hɔn dɛn godo xixo xin lɔ na wo, ahan yɔyɔ lɔ na kunkun godo lɛye can mɔ na la. Vɔ godo yɔyɔye mɛ wɛ ye nɔ kɔn dehan yɔyɔ do. Zɛtɛbiye mɔ nɔ n'ɔnyi nywɛɖe» ¹⁸ Hwekeny na Yesu o lɔ oxo xin lɛye nɔ, wɛ, Jwifuye we oga ɖokpo va bo jɛ klita le akɔnmɛ ni-i. Bo lɔ tun : «Ovi nyɔnuvi tɛye ku syɛ ɖoo va na va ɖo alɔ ota ni-i, ni a do fɔn va ɛgbɛ». ¹⁹ Yesu bo site kplaŋu xodo-e kpo onukplanvi etɔnye. ²⁰ I wɛ bahwe ɖokpo ɖe le bo s e vivɛ nɔ do ɛhun o gbɔn ewu nɔ sɔn oxwe weve xɛn, va le godo na yesu bo ɖo alɔ awu etɔn we tomɛ. ²¹ Ɖoo nahwee ke o lɔ le eɖemɛ nɔ saa tun byo : «Na enyi ko o gbɛ ɖo alɔ awu etɔn wu adɔn tɛye bo na gɔ na- a». ²² Yesu bo trɔ kɔ kpanŋukɔn-ɛ bo lɔ ni-i byo : «Nyɔnuvi tɛye, do oji O kpɔn hlɛnga do xɔse tɔwe nahwe lɔ, adɔ̀n etɔn bo gɔ zɔnɖokpo.» ²³ Hwekenu yesu jɛ sɔjja ga lɔ we xwegbe, E kpɔn okpɛnkuntɔye kpodo ɛmɛ ahwankpɔye kpo hunnya-hunya ke ye o wasi nɔ ye ; ²⁴ Bo lɔ na ye byo :«Mi tɛyi godo ɖo nyɔnuvi lɔ hɔn ku, awlɔn wɛ e dɔ » Ye bo ko-e nɔ ²⁵ ke ye ɖe ɛmɛlɛye tɔn gaji, e ɖyɛ oxɔ lɔ mɛ bo hɛn alɔ na nyɔnuvi lɔ, nyɔnuvi lɔ bo fɔn site. ²⁶ Oxo lɔ bo gbakpe gbɔn kansin xin lɔ zɛtɛ mɛ bisese ²⁷ Le hwekenu na yesu le ke bl€ bo sɔn nɔ ŋuvanɔ owe ɖeye xodo-e bo d'axwa nɔ tun : «Davidi vyɔ, kpɔn dɔŋuɖunu na mi». ²⁸ Ke yesu ɖye oxwe lɔ gbe, ŋuvanɔ lɛye bɔďewu yesu bo kan ye se tun byo : «Mi ka d'eji tun ko na kpewu na wasi-i .?» Ye bo yigbe ni-i : «ɛɛn xwetɔ.» ²⁹ I wɛ yesu ɖo alɔ ŋukunsin ji na ye bo lɔ tun byo ; Ni va emɛ na mi ɖi kena xɔse miatɔn le ɖohan. ³⁰ I wɛ ŋukunsin yetɔnye hun, E xin godo yesu bo do osɛn nanye nɔ titeŋugbe tun : Mi ka na ɛmɛti a nyɔ-ɛ o» ³¹ Vɔ ke ye tɔn, ye jla oxo lɔ gbɔn kansintɔ mɛ bi ³² le hwekenu ɛmɛ owe ɖeye o sɔn nɔ wɛ, ye mɔ hɛn dahwe o numakɛnɔ ɖokpo ke me gbigbɔ nylakanye le va na yesu. ³³ Hwekenu na yesu nya gbigbɔ nylakan lɔ twɛn vɔ, dahwe onumakɛnɔ lɔ bo jɛ oxo lilɔ ji.E kpaca ɛmɛsusu lɛye, wɛ ye lɔ byo : «Onu ekeha hɔn jɔ kpɔn gbeɖe le Izrayɛli we oto mɛ.» ³⁴ Vɔ, Falizitɔye bo lɔ nɔ tun byo : «Gbigbɔ nylakanye we oga wɛ ni-i ɛcɛ, na e nɔ do nya gbigbɔ nylakanye» ³⁵ Yesu o gbɔn toxo kpo do otata bi sese mɛ nɔ, bo kplan onu wu ɛmɛye le okpletyɔn yetɔnye nɔ, bo jla sɛxwe we xɔluɖuɖu we ɛwɛn nywɛ lɔ nɔ bo gɔ adɔn na adɔnnɔ ɖekpokpwe kpo ɛmɛ ɖekpokpwe ke lanmɛ gble ye nɔ. ³⁶ Hwekenu e kpɔn ɛmɛlɛye e ɖu dɔnu ni -i ɖo agbɔ kpe ye, ye bo gbɔjɔ ɖi lɛngbɔ keye hɔn mɔ ɖo kplɔtɔ ye ha. ³⁷ E lɔ na onukplanvi etɔnye tun byo : «Ɛjinukun lɛye su na ye ba ɖe nɔ vo odanwatɔye hɔn su. ³⁸ Mi ɖe kuku na xwetɔ keṭɔn nyi ɛjunukun lɛye tun i mɔ ɖo odanwatɔ ye ɖo dan na ye a do ve ɖe jinukun lɛye.»