¹ Yesu kpli onukplanvi etɔn weve lɛye bo na ye ɛcɛ, a do nya gbigbɔ nylakanye, a bo gɔ adɔn na adɔnnɔ ɖekpokpwe kpo ɛmɛ ɖekpokwe ke lanmɛ gble ye. ² Nyikɔ ɛmɛdindɔn weve lɛye tɔn xɛn : tantyɛntɔn, sinmɔ(ke ye mɔ nɔ yɔ tun Piye) kpo Andle ke nyi sinmɔ lɔ nɔvyɔ, jaki zebedo we ovi kpo jan ke nyi nɔvyɔ. ³ Filipu kpo Batelemi, Toma, Matye ke nyi takwɛjɔtɔ, jaki Alufe we ovi kpo do tade ⁴ simɔ ɛhwe yina ototɔ kpodo Juda isikalyɔtu ke va sɔ yesu sɔ jó. ⁵ Ye ɛme weve, xin lɛye, yesy ɖo ye ɖodan bo lɔ oxogbe kye do asi na ye. «Mi gbɔn akpa na kansin ke mɛna ɛmɛ ke hɔn nyi jwifuye le, mi bo ka ɖyɛ samalitɔye we toxo ɖe mɛ o. ⁶ Vɔ mi yi izraeyɛli vikpɛye ke ci ɖu lɛngbɔ keye bu ye ha kɔn. ⁷ Le hwekenu na mi ɔ sɔn nɔ, mi jla na ye tun byo :""sexwe we xɔluɖuɖu lɔ mɔ kpɔ !» ⁸ Mi gɔ adɔn na adɔnnɔye, mi fɔn ɛmɛ ku kuye mi na na okpo dɔnnɔye a trɔ zun ɛmɛ mimeye. Mi nya gbigbɔ nylakanye vɔvɔ wɛ mi yi miye can mi na vɔvɔ. ⁹ Mi ka hɛn sika do gbɔn, a do hɛn ohogbɔn, a dohɛn oganvɛ ɖe do ohohennu de mɛ o.. Mi ka hɛn kpɛ́tɛ́ na mɔji yiyi lɔ, mi ka hɛn awu ti o, mi ka hɛn fɔkpa gbɔn a do hen okpo asi. ¹⁰ Ɖo odanwatɔ jɛ na axɔtu etɔn. ¹¹ Toxo a lo otota ɖekpokpwe he ne na mi ɖyɛ, mi kan ɛmɛ ke na jɛ bo na yi mi, mi mɔ nɔ ekɔn gbɔɔn do yi hwekenu na mi na va sɔn ¹² Na mi ɖyɛ oxweɖe gbe, mi do ogbe na ye tyn byo : " Fifa ni kɔn do mia ji ¹³ Na oxwe lɔ jɛ na fifa, miatɔn, be fifa miatɔn ni mɔ trɔ va na mi. ¹⁴ Na ye gbɛ mi yiyi ye ko ɖo oto oxo miatɔnye, mi lɛ le oxwe lɔ gbe alo toxo lɔ mɛ a bo hunhun finfinzɔ ke afɔ na ye ¹⁵ Le xojɔxomɛ ko lɔ na mi nɔ tun : le ɛhwɛɖɔzangbe, otodindɔn oto xin lɔ tɔn na syɛnxi hugan sodɔmu kpodo gomɔɔ we toxoye tɔn. ¹⁶ Mi kpɔn, lo ɖo mi do dan nɔ ɖi lɛngbɔye ha le ohlaye mɛ Mi nɔ aceji ɖi o danye ha a bo nyi ɛmɛfifa ye ɖi hɔnnɛye ha. ¹⁷ Mi cɔ miaɖe do gbɛtɔye wu. Ɖo ye na dɔn mi yi ɛhwɛ ŋukɔnye a bo xo mi kpo lanba le okplityɔn yetɔnye. ¹⁸ Do blɔ wu ye, ye na dɔn mi yi yi ɛhwɛ ŋukɔn le otokplɔtɔye kpodo xɔluye kɔn, e xin mi mɔ do ɖe kunu na-a le yee kpodo ɛmɛ ke hɔn nyi jwifuye we ŋukɔn. ¹⁹ Hwekenu na ye na sɔ mi sɔ jo, mi ka mɔ soji kan do oxoke mi na lɔ wu. Oxo kena mi na, ye na sɔ do ojimɛ na mi le ganvixo xin lɔ mɛ. ²⁰ Ɖo miye hwen ba lɔ oxo nɔ, vɔ Miatɔ we gbigbɔ we na lɔ oxo lɔ le miamɛ. ²¹ Nɔvi ɖe na sɔ nɔviɖɛ sa na oku, ovitɔ nɔ na sɔ ovyɔ na oku, vikpɛye na fɔn gun do ojitɔ yetɔn ye ji, a bo na na ye a gbo oku we ehwɛ na ye. ²² Ɛmɛbi na gbɛ wan na mi do nyikɔ tɛye wu. Vɔ ɛmɛ ɖekpo kpwe ke na do vivɛny gbɔɔn do yi vivɔnu na kpɔn hwlɛngan. ²³ Hwekenu na ye na jɛ ɛtɛ na mi le otot ɖe mɛ, mi i a bo sin oto bumɛ .Ɖo ko lɔ na mi nɔ le xojɔxomɛ : «Mi hɔn gbɔn Izrayɛli we toxo lɛye lɔ bi mɛnɔ gbɔxwe gbɛtɔ we ovi lɔ na va. ²⁴ Onukplanvi hɔn hugan oga etɔn, odansɔvi ko hugan xwetɔ etɔn. ²⁵ Onukplanvi ke gbɛ le ɖi Onukplanɛmɛtɔ etɔn ha kpoŋu, o damsɔvi mɔ le ɖi xwetɔ etɔn ha. Na ye yɔ ɛmɛ ke kp'ɛcɛ na oxwe lɔ tun Bɛlizebulu, ɛmɛlɛ na va nyi ɛmɛ ke le oxwe etɔngbe lɛye tɔn? ²⁶ E le emɔha, mi ka mɔ vɔ ye o, onuti hɔn hwihwlatyɔn e ko va jɛ agbaŋugba, emɔhake onuti ko le bibɛtyɔn na ye hɔn va nyɔ-ɛ nɔ. ²⁷ Oxoke ko lɔ na mi nɔ le vuvlumɛ, mi lɔ-ɛ le kinklɛnnu, oxo kena ye na ɖekpa do lɔ do otomɛ na mi, mi jl-ɛ na ɛmɛ bi sese. ²⁸ Mi ka vɔ ɛmɛ ke nɔ hu gbaza ye lɔ vɔ ye kɔ kpewu oklá lɔ, vɔ mi vɔ, ɛmɛ keye kpɛwu na crɔn oklá kpodo gba za le ozomavɔ mɛ. ²⁹ Wizi wizi owe hɔn le oho ɖe ji ? Ganke na miatɔ hɔn yi ogbe ɖokpo tete hɔn nɔku a bo flɛ je nyidanmɛ. ³⁰ Emɔhake oɖa ke le ota miatɔnye bisese we nyi ³¹ xixlɛ.Mi ka mɔ vɔ o, mi vɛ na Mawu hugan wizi wiziye. ³² Ele emɔha, ɛmɛɖekpokpwe kena ɖe kunu le ɛmɛye ŋumɛ tun he mɔ nyi ɛmɛ teye, bo can kona ɖe kunu ni-i le Didaye ke le sɛxwe we ŋumɛ tun e mɔ nyi ɛmɛtɛ ye. ³³ Vɔ, ɛmɛ ɖekpokwe ke na gbɛ na gbɛ -ɔ le gbɛtɔ ye we ŋume, bwe can ko na gbɛ-ɛ le Didaye ke le sexwe lɔ we ŋumɛ. ³⁴ Mika bu-i tun fifa mɛ bo mɔ hɛn va nyidan ji. K'ɔn hɛn fifa do va vɔ ahwan wanu wɛ ko hɛn do va. ³⁵ ko va a do klan ovi ŋusunglo kpo otɔ́ kpo mɛ ovi nyɔnusi kpodo onɔ kpo mɛ, owisi kpo sunɔ kpɔ mɛ ; ³⁶ Gbɛtɔ we kɛntɔ, xwedogbe etɔn mɛ e na sɔn ɛ. ³⁷ Ɛmɛ ke yi owan na otɔ́ hugan hu-u hɔn jɛ na nyi teye. Alo ɛmɛ ke yi owan na ovyɔ ŋusunglo alo ovyɔ nyɔnusi hugan hu-u jɛ na nyi tɛye. ³⁸ Ɛmɛke hɔn sɔ tinsoga etɔn sɔ kpla bo xodo-o, hɔn jɛ na nyi tɛye. ³⁹ Ɛmɛ ke na hwlɛn ɛgbɛ etɔn gan na bu-i ɛmɛke bu ɛgbɛ etɔn do wu ye na kpɔn-ɛ. ⁴¹ Ɛmɛke yi mi e yi bo tete ɛmɛke yi- u yi ɛmɛ ɖo-o dodan. ⁴⁰ Ɛmeke yi oxolɔ ɖonyi tɔ do oxolɔ ɖ'onyitɔ we tɛnxo, na yi oxolɔɖ'onyitɔ we axɔtù. ɛmɛke yi ɛmɛ jijwe do ɛmɛjijwɛ ha na yi ɛmɛjijwɛ we axɔtu. ⁴² Ɛmɛ ɖe kpokpwe ke na emɔ di nyi ɛsin fifa kofo ɖokpo wu ovikpɛvyu ɖokpo le vikpɛlɛye mɛ do e nyi onukplanvitɛye wu, le oxojɔxomɛ ko o lɔ na mi nɔ, e hɔn bu axɔ ti nɔ.