¹ Hwekenu na yesy jɛte sɔn osóji, Ɛmɛ susu gbogbagba xo do-e. ² I wɛ, okpodɔnnɔ ɖokpo va jɛ klita le ŋukɔn ni-i bo lɔ ni-i tun byo ; «Xwetɔ na o do jlo, o kpewu na na ma do trɔ zun ɛmɛ mimɛ» ³ Yesu drɛn alɔ etɔn do eji bo lɔ byo, «Ko jlo , trɔ zun ɛmɛ mimɛ» Zɔnɖokpo okpodɔn etɔn gɔ. ⁴ Yesu bo lɔ ni-i tun byo : «Ka mɔ lɔ na ɛmɛɖe kpokpwe vɔ, sɔ ɖiwe xlɛ avɔsantɔ Mawutɔn a bo wasi avɔsinsan ke Mɔyizi we osɛn lɔ ɔ na nya nyi kunnu ɖiɖe do adɔn gigɔ tɔwe wu.» ⁵ Hwekenu yesu ɖye kapɛnawumu, sɔjaga ɖokpo bɔ ɖ'ewu. ⁶ Bo fankpwe ni-i tun byo : «Xwetɔ, o dansɔvi tɛye kplibɔ bo leonyihinhlɔn le xwegbr bo se vivɛnɔ taŋu». ⁷ Yesu bo lɔ ni-i tun byo : «Blo ko na yi a ve gɔ a dɔn ni-i.» ⁸ vɔ sɔjaga lɔ bo ɖ'ewu ni-i tun byo . «Xwetɔ, kohɔn je na-a do ɖye xwetɛye gbe, vo lɔ oxo ɖokpo gee kpoŋu na adansɔvi tɛye a kpɔn adɔn gigɔ.» ⁹ Ɖo bo can agba, ko le ɛmɛ we ɛcɛgɔ, sɔjaye can bo le ɛce tɛye gɔ. Na ko lɔ na mɛ tun "yi" e nɔ yi; na ko lɔ na ɛmɛbu tun "va,", e nɔ va. Na ko lɔ na odansɔvi tɛye tun wasi onuke e nɔ wasi-i». ¹⁰ Ke yesu se oxo xinlɛye, sɔjaga lɔ we onu bo jeƴu ni-i, we e lɔ na ɛmɛ bi ke lɛto do - e ye tun byo « ko o lɔ na mi nɔ le oxojɔxomɛ ko hɔn kpɔn emɛ xɔsetɔ eleha tɔn ti le izrayelu can ¹¹ ko o lɔ na mi nɔ, gbetɔ susu na sɔn hwɛ ze do kpo hweyixɔ a bo yi tɛnxo a do ɖu onu kpo Ablaxamu, Izak kpo Jakɔbu te sɛxwe we xɔluɖuɖu lɔ mɛ. ¹² Vɔ, ɛmɛ ke tɔn nyi xɔluɖuɖu we tɛnxo lɛye, ye na sɔ ye flɛn do vuvlu mɛ le gaji, blɛtɔ we avi vivi kpo adukun ɖuɖuye na le ». ¹³ I wɛ Yesu lɔ na sɔjaga lɔ tun : « sin oxwe tɔwɛ gbe ɖi kena o ɖi onu ɖo ha , ni a va emɛ na we denɔha:» I wɛ adɔnlɔ gɔ na odansɔvi le ganxixo xin lɔ mɛ pɛpɛpɛ. ¹⁴ Hwekenu Yesu yi Piyɛ we kwegbe, e kpɔn piye sinɔ le onyi hi,hlɔn vivɔ bo cɔn-ɛ. ¹⁵ Yesu bo ɖo alɔ etɔn wu vivɔ lɔ bo hun ni-i wɛ nahwe lɔ fɔn cite bo jɛ odan sisɔ ni-i ji. ¹⁶ Ke hwedo do ɛmɛye kplɔ ɛmɛ susu ke mɛ na gbigbɔ nyanyla le ye do va na Yesu, Yesu bo nya gbigbɔ xinlɛye le oxo lilɔ etɔn mɛ, bo mɔ gɔ adɔn na adɔnnɔ ke va ye bi sese. ¹⁷ Gbɔn exin mɛ, oxolɔɖ'onyito Ezayi we oxo ke e lɔ, bo va cicɛ mɛ:«E bɛ lanme dɔn miatɔnye bo ɖiɖa do eɖeji» ¹⁸ Kena yesu kpɔn ɛmɛsusu ke lɛto do -e ye, elɔ na onukplanvi etɔnye tun hye a mɔ ta otɔ lɔjɛ godi ni-i ¹⁹ Osɛnkplan ɛmɛtɔ ɖokpɔ bo bɔdewu bo lɔ ni-i nɔ byo : « oga(coca), ko na xo do we a do yi ofiɖekpokpwe ke o na yi». ²⁰ Yesu bo ɖ'ewu ni-i tun byo : «owɔye ɖo ogun ke mɛ na ye nɔ nɔ oxɛ ke le jihwe ye bo ɖo adɔ́ ke mɛ ma ye nɔ nɔ, vɔ gbɛtɔ we ovi lɔ hɔn ɖo ofi tu kena e na sɔ ota sɔ ɖo» ²¹ Onukplanvi etɔn ɖokpo bu le onukplanvilɛye mɛ bo lɔ ni-i byo : «Xwetɔ, na ogbewu na ve ɖi didaye gbxwe». ²² Yesu lɔ ni tun byp : «Xo do- o, a bo jo ɛmɛ kuku ye do na ye a ɖi ɛmɛkuku yetɔn ye» ²³ Kena Yesu ɖyɛ otɔjiŋumɛ, onukplanvi etɔnye bo xo do-e. ²⁴ I we jɛhɔn sinsyɛnxu ɖe bɛ xixo le otɔ lɔ ji gbɔɔn tɔjihun lɔ bo ba gɔ kpo ɛsin nɔ, vɔ yesu bo dɔ awlɔn nɔ. ²⁵ Onukplanvi etɔnye bo yi elɔn bo fɔn-ɛ le awlɔn mɛ bo lɔ ni-i byo : «Xwetɔ hwlɛn mi gán mi ba ku nɔ!» ²⁶ Yesu lɔ na ye tun byo : «un nɛ jɔ mi do vɔa nɔ mi oxɔsevii nƥ ye ?» Zonɖokpo kpoŋu e bo cite bo ɖegbe dejehɔn lɔ kpodo otɔ lɔ awin bo zin cɛn-cɛn-cɛn. ²⁷ Ekpaca do ye, ye bo lɔ tun byo : «Dahwe ɛnɛha le nyike, gbɔnn jɛ hɔnye kpo exu mɔ nɔ setonu ni-i» ²⁸ Hwekenu na yesu je otɔ lɔ we godo, le gadalenu tɔye we kansin mɛ , dahwe owe ke mɛ na gbigbɔ nylakanye le, tɔn sɔn uɔ gunmɛ bo va kpe-e. Dahwe oxwe xin lɛye bo nɔ wa danu gbɔn wɛ hwekenu na ye tɔn le yɔ gun lɔ mɛ, ɛmɛti hɔn mɔ kpewu gbɔ́m o mɔ xin lɔ ji. ²⁹ I we ye je axwa dido ji bo lɔ nɔ tun:« Mawuvi, unnɛ o jlo na wa kpomi ? o va na do vivɛ sise na mi gbɔxwe vivɛsise we ogan lɔ a va xo wɛɛ ?» ³⁰ Le madɛn mɛ gbɔɔn de, o ha susu gbagbagba tɔn bo ɖisa nɔ do ɖu onu nɔ. ³¹ Gbigbɔ nylaka lɛye bo de kuku na yesu lɔ nɔ byo : «Na o na nya mi, sɔ ɖodan oha xinye mɛ». ³² Yesu bo lɔ na te tun byo : «Mi yi» gbigbɔ nylakan leye bi bɛ we dun gbligbligbli gbɔɔn bo ve ku do otɔ mɛ. ³³ Ɛme ke nɔ kpɔn ohalɛye ji, bo si bo ve jla oxo lɛye bi gbɔn oto lɔ mɛ tŋutɔn anuke jɔ do dahwe owe keye me na gbigbɔ nylakan le lɛye ji, ye lɔ bisese. ³⁴ I wɛ oto lɔ mɛ tɔye bisesetɔn bo ve kpe yesy. Hwekenu na ye kpe -e ye bo ɖe kuku ni-i tun ni mɔ le le kansin hyetɔn mɛ.