¹ Mi ká mɔ ɖɔ ɛhwɛ na ɛmɛɖe can hɔn ba do dɔ ɛhwɛ na mi. ² Ɖo ke mi nɔ ɖɔ ɛwhɛ na ɛmɛye ɖo, emɔg=ha ke wɛ Mawu na va ɖɔ ɛhwɛ na miye canɖo, kpodo ojlɛ gban ke mi do jlɛ na ɛmɛye, ojlɛ gban xin lɔ ha ke Mawu ba di jlɛ na mi. ³ ŋunejɔ o do kpɔn agbe ywɛvi le ŋukunsin ji na nɔvwe nɔ, vɔ o ko kpɔn otinkpo ɖaxo ke na le ŋukunsin lɔ tɔwe ji nɔ ? ⁴ Naɖe o na wa a do lɔ ba nɔvwe byi : tre na na ma ɖe ogbeywe ke le ŋukunsi ji na we vɔ lɔ tété, otinkpo ɖaxi bo le ŋukunsu ji na we ? ⁵ Ɛyemɛnu watɔ ! ɖe otinkpo ɖaxo tɔwe tɛ le ŋukun sin tɔwe ji, i wɛ o na kpɔn onu nɔ ceke ceke a bo do ɖe ogbeywɛ tɛ le ŋukunsin ji na nɔvwe agbá. ⁶ Mi ká mɔ nɔ sɔ onu mimɛ na ovuye a bo ka mɔ nɔ sɔ owlɔ miatɔn sɔ na ohaye a bo ka mɔ nyi emɔ ye na kutwi le afɔnu a bo lɛkɔ kpaŋukɔn wu mi, a do vunvun wu mi kinkan-kinkan. ⁷ Mi byɔ ye na na mi; mi kan mi na kpɔn mi xuxu agbo ye na hun-i na mi. ⁸ Ɖo ɛmɛɖɛkpokpwe ke byɔ, nɔ yi ɛmɛɖekpokpwɛ ke kan na kpɔn ; ⁹ ɛmɛɖe kpokpwe ke na xuxu agbo ye na hun-i ni-i. Ɛmɛ ne ha le mia mɛ. Ɛmɛ ke ovyɔ byɔ kpɔnnɔ wu-i , e mɔ sɔ ɛkpɛn ni-i ? ¹⁰ alo na e byɔ ohwe wu-i, e mɔ sɔ odan sɔ ni-i. ¹¹ Na e nyi tun byo, miye ɛmɛ nyinnyalaye, mi nyɔ onu nywɛ nina vikpɛ miatɔnye, naɖe ha Mawu miatɔ́ ke le sɛxwe hɔn na na onunywe wu ɛmɛke ye nɔ byɔ - ɛ nɔ ye ɖo ? ¹² I weɛ dɔn onuɖe kpokpwe ke mi jlo tun ɛmɛyɛ a mɔ wasi na miye, miye watyɛn ni wasi-i na ye, do osɛn Mawutɔn kpo oxolɔ ɖ'onyi oxolɔ d'onyitɔye tɔn we ɖo emɔha ¹³ Mi gbɔn agbo ovii lɔ nu ? Ɖo ofike ye nɔ gbɔn nɔ di ve crɔn agbo etɔn le vaaa omɔ etɔ bo vo gbajaa, ɛmɛ susuye wɛ mɔnɔ gbɔn blʒ lɔ. ¹⁴ Vɔ ofike ye nɔ gbɔn a do yi ɛgbɛmavɔ-mavɔ lɔ mɛ agbo ovii ɖe wɛ yi wɛ omɔ etɔn bo le lwii ɖe, ɛmɛ ovii ɖe wɛ mɔ nɔ kpɔn-ɛ. ¹⁵ Mi cɔ́ miaɖe do oxolɔ ɖ'onyi ṭɔ ojokantɔye wu, agbovi setonu we ninɔmɛ wɛ ye nɔ ɖo a do va miakɔn, vɔ ohla danuwatɔye we ye nyi le oji yetɔnye mɛ. ¹⁶ Okun sinsyɛn yetɔn ye mɛ wɛ mi ba nyɔ ye le ye nɔ gbɛn hlɛzɛn le oxɛhin ji wɛ ? Alo ye nɔ gbɛn figi le ɛnuja mɛ wɛ ? ¹⁷ E o, otin nywɛ ɖekpokpwe nɔ syɛn okun nywɛ otin nyinyla bo nɔ syɛn okun nyinyla. ¹⁸ otin nywɛ ti hɔn nɔ kpewu syɛn okun nyiyla otin nyinyla ti kpewu na syɛn okun nywɛ. ¹⁹ Otin ɖekpokpwe ke hɔn syen okun nywɛ nɔ na nyi gbigbo a sɔ o flɛn do ozo mɛ. ²⁰ Emɔha ke, mi na nyɔ ye gbɔn okun sinsyen te tɔn ye mɛ. ²¹ E hɔn nyi ɛmɛ ke ye nɔ yɔ-ɔ tun "Xwetɔ, Xwetɔ nɔ ye bi hwɛn na ɖye sɛxwetomɛ o, vɔ ɛmɛ keye wasi do ojlo Mawu ke na le sɛxwe lɔ tɔn ji ye ɖo ɖyo wɛ na yi-i. ²² Ɛmɛ susuye na va lɔ na nɔ le ɛhwɛɖɔzan lɔ gb€ tun byo, xwetɔ, xwetɔ, e hɔn nyi nyikɔ tɔwe mɛ hwɛn mi lɔ oxoɖ'onyi le wɛɛ ? Ehɔn nyi nyikɔ tɔwe mɛ hwɛn mi nya gbigbɔ nyinylayi le wɛɛ ? Nyikɔ tɔwe mɛ hwɛn mi nya gbigbɔ nyinyka ye le wɛɛ ? ²³ I wɛ ko na lɔ na ye nɔ agbanugba tun byo : "ko hɔn nyɔ mi le fiti kpɔ ! Mi tɛyi le wye, mi onunyinyla watɔye ! ²⁴ I wɛ dɔn, ɛmɛɖekpokpwe ke se oxotɛye kye bo wasi do yeji, na le ɖi dahwe onunyɔtɔ ke wa ooxɔ etɔn do ɛkpenji ha. ²⁵ Oju ja, otɔ bo gɔ jehɔn sinsyɛnxuye xo do oxɔ xin lɔ ji vɔ e hɔn mu, do ye tun oxɔ lɔ do ɛkpɛnji. ²⁶ Vɔ ɛmɛɖɛkpokpwɛ ke se oxotɛye ye le nu ye e ko zɔn do eji le ɖi onumanyɔtɔ ke gba oxo etɔn di kɔguduji ha. ²⁷ Oju ja, otɔ gɔ jɛhɔn xo oxɔ lɔ bo hɔ bo gudu bi sese. ²⁸ kena yesu lɔ oxo xin lɛye vɔ onukpinkplan etɔn lɔ bo hunu do ɛmɛle ye, ²⁹ ɖo e o kplan onu wu ye nɔ kpo ɛcɛkpikpa kpo e ko le ɖi osɛnkplan-ɛmɛtɔye tɔn ha.