¹ Cɔ̀ ɖiwe ká mɔ nɔ ɖe Mawusinsɛn tɔwe a sɔ xle ɛmɛye agbaŋugba na ɛmɛye a alo kpɔn mi nɔ o. Na e hɔn nyi emɔha, hɔn mɔ ɖo ale le Didawe Mawu ke le sɛxwe lɔ si nɔ. ² E nyi na o na onu wy ayanɔ nɔ ka xuxu oagankokwe le ŋukɔn na ɖiwe, ɖi kena ɛmɛnuwatɔye nɔ wasi ɖo le okplityɔnye kpo omɔye ji ɖo ha, na gbɛtɔye a do kpa adan na mi le xojɔxo mɛ , ko lɔ na mi nɔ ye o yi axɔtu yetɔŋu xoxoxo. ³ E le emɔha, hwekenu na mi o na onu wu ayanɔ aɖusilɔ miatɔn ni ka nyɔ onuke amyɔlɔ na. ⁴ Na onunina, miatɔn a do nɔ bibɛnu : I wɛ miatɔ Mawu ke nɔ kpɔn onubisese le bitbɛtyɔn na tu axɔ́ wu mi. ⁵ Le hwekenu na mi o xo ɛɖɛ nɔ, mi ka mɔ le ɖi ɛyɛmɛnu watɔye ha, ɖo ye yi owan na ɛdɛ xixo le otè-otè le okplityɔnye kpo omɔto-omɔtoye a di ɖe ye ɖe xlɛ ɛmeye, le xojɔxomɛ ye o yi axɔtu yetɔnye. ⁶ Vɔ, na mi ka xo ɛdɛ nɔ, mi dyɛ oxɔgbo miatɔnmɛ a bo tù ohɔn miatɔn, a bo xo ɛɖɛ miatɔ Mawu ke le bibɛtyɔn lɔ ; e mɔha miatɔ Mawu ke nɔ kpɔn onu bi sese le bibɛtyɔn lɔ na tu axɔ̀ na mi. ⁷ Le hwekenu na mi o xoɛɖe nɔ, mi ka mɔ gblɔn jɛ oxo vloye ji nɔ ɖi ɛmɛ mayi stɔye ha ɖo ye nɔ bwitun na hye o lɔ oxosusu nɔ mɛ Mawu mɔ na do se ɛɖegbe hiye tɔn ha. ⁸ Exin wu, mi ká mɔ le ɖi ye ha, ɖo miatɔ Mawu nyɔ onuke hu do mi gbɔxwe do byɔ-ɛ nɔ. ⁹ Ele emɔha, kena mina xo ɛɖɛ ɖo xen : «Miatɔ ke le sexwe, nyikɔ tɔwe ni nyi mimɛ , ¹⁰ xɔluɖuɖu tɔwe ni va, na ojlo tɔwe ni nyi wiwa le nyidanji ɖi sɛxwe ha.» ¹¹ Na mi egbe mia we onuɖuɖu nyihɔngbe nyihɔngbe. ¹² Sɔ ɛhwe huhu miatɔnye sɔ kɛmi ɖi kena miye can nɔ sɔ kɛ ɛmɛke jɛa agɔ le mia wu ye ha. ¹³ ka lɔn na mia jɛ tintɛnkpɔn mɛ o. Vɔ, hwlɛnmigan le awovi lɔ si. Ɖo tɔwe wɛ nyi xɔluɖuɖu, hɔnblɔn, kpodo gigo gbɔɔn do yi mavɔ mavɔ mɛ Ami ¹⁴ Ɖo na mi sɔ ɛhwɛ sɔ kɛ ɛmɛkɛ jɛ agɔ do miye, Miatɔ Mawu can na sɔ ɛhwɛ miatɔn ye kɛ̀ mi. ¹⁵ vɔ na mi hɔnsɔ ɛhwɛ kɛ ye, Mawu xwetɔ lɔ hɔn sɔ miatɔnye kɛ mi nɔ agbáa ¹⁶ Mɔ doyi oji, na mi o bla onu nɔ, mi ka nɔ nɔ ɖo dɔŋuɖunu we ŋume ɖi ɛyɛmewatɔye ha bla onu nɔ le oxojɔxomɛ ko o lɔ na mi nɔ ye o yi axɔtu yetɔn xoxo. ¹⁷ Vɔ miye hwekenu na mi o bla onu nɔ, mi fun ŋumɛ o bo jla ota miatɔn ɖo, ¹⁸ na e hɔn na do nyi o ɖexlɛ ɛmɛye nɔ tun he mɔ bla onu nɔ vɔ ni nyi miatɔ Mawu ke bibɛtyɔn lɔ abo tu axɔ wu mi ¹⁹ Mi ka kpli dɔkun nu miatɔnye ďonyi do nyidan ji na okɔye a va ɖu, e mɔ va jɛhwɛ alo ajotɔye a vagba mi a fin 0 o. ²⁰ Vɔ mi kpli dɔkun miatɔnye d'onyi do sɛxwe le ohwɛ hɔn ɖu onu le, ajotɔye hɔn nɔ gbanu a do fin onu le. ²¹ Do ofike dɔkun tɔwe le, blɛ lɔ ke wɛ oji tɔwe na le. ²² Nukunsi we nyi gbaza we zogbɛn. Na ŋukunsin tɔwe le nywɛɖe, be gbaza tɔwe lɔ bisese na le zogbɛn nu, ²³ vɔ, na ŋukunsin tɔwe hɔn le nywɛɖe bɛ gbaza tɔwe lɔ bisese can le vuvlumɛ na zogbɛn ke le mɛwe va nyi vuvlu, kpɔn kena vuvlu lɔ na wi ɖo, ²⁴ Ɛmɛti hɔn kpewu na sɔ odán na xwetɔ owe o. Do e ,a yi owán na ɛmɛ ɖokpo a bo mɔ gbɛ wan na ɛmɛ owe gɔ lɔ, alo e na té do ɛmɛ ɖokpo nu a bo ɖe eɖe ɖ'ovo le ɛmɛ owegɔ lɔ wu. Mi hɔn kpewu na sɛn Mawu nɔ, a bo mɔ sɛn oho can no ɔ. ²⁵ I wɛ dɔn ko lɔ̀ na mi nɔ, tun mi ka mɔ si jikan nɔ do ɛgbɛ mitɔnta, do onuke mi na ɖu alo onuke mi na do na gbaza miatɔn wu). Ɛgbɛ ninɔ hɔn le vivɛɖe sɔ hui onuɖuɖu wɛɛ kpo gbaza hɔn hugan onudido wɛɛ ?. ²⁶ Mi kpɔn oxɛ keye o dɔn gbɔn jihwe nɔ ye ye hɔn nɔ xwa onu, ye ko nɔ ɖe onu, ye ko nɔ bɛ onu do ava mɛ, vɔ miattɔn ke le sɛxwe mɔ nɔ na ye onuɖuɖu. Miye mi hɔ hugan hu oxɛ xin lɛye zɔnnɛmu-nɛmu ɖe wɛɛ ²⁷ Ɛme enɛha lɛ le miamɛ, a bo do ganxixo viɖe wu ɛgbɛzan etɔn ji do gbɔn onubibla etɔnye me ji ? ²⁸ ŋunɛjɔ mi do butamɛnɔ do onu didoye wu ? Mikpɔn kena otinsɛye nɔ wù ɖo, ye hɔn nɔ wa odan ti, ye ko nɔ lɔn avɔ o. ²⁹ Co ganke, ko lɔ na mi nɔ tun byo, gbɔɔn do jɛ salumɔ kpo gigo etɔn bisese ji mɛ, hɔn ɖo acɔ ɖe kpɔn ɖi oxɛ xlɛnye we ɖokpo ha.. ³⁰ Na Mawu va ɖo acɔ na ogbeye d'emɔ le glegbeye ke le blɛ egbe, le swɛ ye mɔ gboye a sɔ flɛn ozomɛ, unnɛjɔ ehɔn na ɖo acɔ́ na mi, miye Mawusentɔ afanye. ³¹ Mi ka mɔ butamɛ nɔ a bo lɔ nɔ tun : «Unnɛlɛ mi na ɖu » alo «unnɛlɛ mi na nu alo unne lɛ mi na sɔ ɖo acɔ̀ ?» ³² Onu xin lɛye, ɛmɛ maxɔse tɔye we nɔ ba nɔ; miatɔ sexwetɔn nyɔ hùdo miatɔnye bisese. ³³ Jɛ ŋukɔn, mi kan Mawu e xɔluɖuxwe kpo do ji jwɛ nyi-nyi etɔn; i wɛ e na sɔ onugbokpwe ke drɔnye a sɔ kpe na mi. ³⁴ Mi kà mɔ si ji kan do swɛ ke gbɔn nɔ wu, Ɖo swɛ ke gbɔnnɔ tete na butamɛ do eɖe onyi hin hɔn ɖokpo-ɖokpo we tagba o nɔ kpe na onyi hinhɔn xin lɔ.