¹ Yesu bo mɔ do olo ke na ye tun: ² « Xɔluɖudu Mawutɔn lɔ ci ɖi xɔlu ɖe ke jlo na wle alɔ na ovi etɔn ŋusunglo nɔ ha. ³ Xɔlu lɔ ɖo odansɔvi etɔnye ɖodan tun ye ni mɔɔ ve yɔ mɛ ke na ye da do alɔwiwle lɔ we tɛnxo ye do va, vɔ ɛmɛ lɛye ko jlo na va. ⁴ Xɔlu lɔ, mɔ ɖo odansɔvi lɛye buye ɖodan ke, tun: "Mi lɔ na ye lɔ byo:« Mi kpɔn, ko o hu nyibu , kpodo nyibu osu ojunɔ lɛye, onuɖuɖu lɛye bo bi, nu bisese bo le gbesisɔ. Mi va alɔwiwle lɔ we tɛnxo syɛ ɖoo.»" ⁵ Vɔ ɛmɛ lɛye, hɔn sɔ oxo xin lɔ do yɔ xojɔxo. Mɛɖeye sin ogle etɔngbe, mɛɖeye can bo sin odan yetɔnye gbe. ⁶ Ɛmɛ gbokpweye bo wle odansɔvi kena xɔlu lɔ ɖo ɖodanye lɛye, bo xɔ yee gbɔɔn bo hu yee. ⁷ Aɖi bo wle xɔlu lɔ; e bo sɔ ahwanfutɔ etɔnye ɖodan ye bo ve hu ɛmɛhutɔ xin lɛye bo do ozo wu toxo mɛ xin lɛye tɔn e bo fyɔ. ⁸ I wɛ e lɔ na odansɔvi etɔn lɛye tun lɔ byo: "Alɔwiwle we agɔɖuɖu lɔ, o sɔgbe, vɔ ɛmɛ ke na ko yɔ lɛye hɔn jɛ na do ɖu agɔ lɔ. ⁹ Mi gbɔjwɛ yi omɔklannuye a bo yɔ ɛmɛ dekpokpwe ke mi na kpɔn do va na agɔɖuɖu lɔ." ¹⁰ Odansɔvi xin lɛye yi bo gbɔn omɔye ji bo kple ɛmɛ kena ye kpɔn ye, ɛmɛ nyinylaye wɛ, ɛmɛnywɛye wɛ, i wɛ, agɔɖutyɔn lɔ gɔ kpo jonɔye kɛɖɛ. ¹¹ Ke xɔlu lɔ ɖyɛ agɔɖutyɔn lɔ a do kpɔn jonɔ lɛye, e kpɔn dahwe ɖe, e ko do agɔɖuɖu lɔ we awu. ¹² E bo lɔ ni-i lɔ byp: " Hadwe tɛye, naɖe o wa do ɖyɛ bwɛ agɔɖuɖu lɔ we awu ma do?" Dahwe lɔ ko kɛnu. ¹³ I wɛ, xɔlu lɔ lɔ na odansɔvi etɔnye lɔ byo: "Mi bla alɔye kpo afɔye ni-i, a bo sɔ-ɛ sɔ flɛn do vuvlumɛ le gaji le fi kena aviye le kpo aɖukunkun ɖuɖuye na le." ¹⁴ Ɖo, mɛ susu wɛ ye yɔ, vɔ, ɛmɛ viɖe wɛ ye can. ^{15 16 17} Falizitɔye ve wasi okpli a do kan ayixa, ado ɖo omɔ na yesu le oxolilɔ eytɔn mɛ. Ye dɔn onukplanvi yetɔnye kpodo ɛmɛ ke le EElodu wz ogbɛ mɛ ɖeye ɖodan, ye bo ve lɔ na yeu tunn byo : « Onukplanɛmɛtɔ mi nyɔ-ɛ tun o nɔ lɔ xojɔxo, bo nɔ kplan onuwa ɛme do Mawu we omɔ́ lɔ wu le xojo mɛ, hɔn nɔvɔ ɛmɛɖe, o ko nɔ́ nɔ́ ɛmɛɖe ji Osɛn miatɔn ɖe omɔ na mi tun miye mɔɔ tu takwɛ na seza? Mi ɖo na tu wɛɛ alo hɔn tu nɔ? Lɔ-ɛna mi?» ¹⁸ Vɔ, yesu kpɔn onuƒɛ ayixa yetɔn nyiyla yetɔn wu, bo lɔ na ye tin byo : « ɛ yɛmɛnuwatɔye! ŋunɛjɔ mi dó ɖó omɔ naa nɔ? ¹⁹ Mi sɔ ohogan ɖe ke ye nɔ do tú takwɛ sɔ xlɛ-ɔ». ye bo sɔ ɖokpo do va, ²⁰ Yesu bo kan ye se byo : « Oyɛ kpo nyikɔ emɛ enɛtɔn lɛ le eji?». ²¹ ye bo ɖ'ewu byo : « Sezatɔn wɛ.» wɛ e lɔ na byo : « Bɛ mi sɔ onu ke nyi Sezatɔn a sɔ na Seza, a bo sɔ onu ke nyi Mawu tɔn, a sɔ na Mawu.» ²² ke y se oxo xin lɛye, e kpaca do ye, ye bo jo-e do bo sɔn sadusitoye kàn oxo yesu se do finfɔn sɔn oki wu. ²³ Azan xin lɔ gbe, sadusitɔ ɖeye ke nɔ lɔ tun finfɔn sɔn okú mɔ hɔn le, ye tɛkpɔ yesu bo kan-ɛ se nɔ byo : ²⁴ « xwetɔ, Mɔyizi lɔ byo " na ɛmɛ ɖe ɖe nyonu, e kóji ovi ti bo ku, nɔvyɔ ŋusunglo na sɔ okposyu lɔ sɔ de, a bo do ji ovi na nɔvyɔ ke ku lɔ" ²⁵ Nɔvinɔ ŋusunglo acowe ɖeye le. Ɛmɛ tantɛn ɖe nyɔnu ovimaji. ²⁶ Ɛmɛ kena bɔ do ewu bo sɔ nyɔnu lɔ do sɔ okpo, i can gba mɔ ku ovimaji, ɛmɛ atɔngɔ can, gbɔɔn ye mɛ nɔvinɔ acowe lɛye bo vɔ. ²⁷ Le ye ɛmɛbi we oku we godo nyɔnu xin lɔ can va ku . ²⁸ Le finfɔn sɔn oku we azangbe mɛ tɔn lɛ nyɔnu lɔ na nyi le ɛmɛ acowe lɛ ye mɛ. Ɖo ye mɛ bi wɛ do ɖe nyɔnu?» ²⁹ Yesu ɖewu na ye byo mi o blɛ mia ɖe ɖu nɔ ɖo mi hɔn nyɔ Mawu we hɔnhlɔn can. ³⁰ Le oxojɔxomɛ le fin fɔn sɔn oku we azangbe ɛmɛ hɔn mɔ ɖe osu nɔ gbɔn do ɖe nyɔnu nɔ can vɔ ye na le ɖi Mawu we ɛwɛndatɔ ke le sɛxwe ye ha. ³¹ Ke nyi ɛmɛkuku ye na fɔn sɔn oku tɔn mi hɔn xlɛ hɔn xlɛ oxo kena Mawu lɔ na mi le oxo etɔn mɛ wɛɛ. ³² E lɔ ɔ nɔ byo ko nyi Mawu ablawamutɔn Mawa izakitɔn kpo Mawu jakɔbutɔn Mawu hɔn nyi ɛmɛ kuku ye we Mawu vɔ ɛmɛ ɛgbɛgbyo ye we Mawu wɛ e nyi. ³³ Kena ɛmɛ lɛye se onukpinkplan etɔ e kpaca do ye taŋ yesu lɔ oxo do osɛn ke xo ota na osɛn bi sese wu. ³⁴ Kena falizitɔye sze tun yesu mɔ na na sadusitɔye we onu mɔ tɛ ye ve kpli. ³⁵ Ɛmɛ ɖokpo le yemɛ bo nyi osɛnkplan ɛmɛtɔ bo kan oxo ke wu yesu se a do ɖo omɔ nii. ³⁶ E kan se byo onukplan ɛmɛ tɔ osɛn enɛ lɛ xota n,a osɛn zɛtɛye . ³⁷ Yesu ɖ"ewu nii tun byo o na yi owan na xwetɔ Mawu tɔWe kpodo oji tɔwe bisese okla tɔwe bisese kpodo ayixa tɔwe bisese . ³⁸ Osɛn tantyɛn ke xota na osɛnn zɛtɛye xɛn xin. ³⁹ Owegɔ ke mɔ le vivɛɖe ɖi tantyɛn lɔ ha xɛn o na yi owan na hawetɔ ɖi yi tete ŋutɔ ha. ⁴⁰ Osɛn owe xin lɛye ji wɛ mɔyi zi we osɛn lɔ kpo onuwinwlan Mawu we xolɔɖonyi tɔ ye tɔn xin nɛ nyi do. yesu lɔ oxo do nyikɔ Davidi vyɔ ke ye nɔ yɔ ɔ ni i wo. Ke na falizitɔye kpli yesu kan ye se oxo eke. ⁴¹ Kena Falizitɔye gbɛ le okple ji, Yesu kan oxo wu ye se. ⁴² E lɔ tun: « Ŋune lɛ mi nɔ lin do Klisu lɔ wu? Mɛ we vi lɛ enyi?» Ye bo yi gbe ni-i tun: « Ovi Davidi tɔn.» ⁴³ Yesu lɔ na ye byo: « Naɖe wa na Davidi, le hwekenu na gbigbɔ o zɛn-ɛ nɔ, yɔ-ɛ tun Xwetɔ, le hwekenu na e byo: " ⁴⁴ Xwetɔ lɔ lɔ na Xwetɔ tɛye tun: "Xinnɔ onyi le aɖusi mɛ na gbɔɔn do jɛ ganke mɛ na ko na sɔ kɛntɔ tɔweye do wasi fɔxomɛ tutunu"?» ⁴⁵ Na Davidi o yɔ Klisi lɔ nɔ tun "Xwetɔ", naɖe e na wa a do nyi Davidi we ovi?» ⁴⁶ Ɛmɛti ko mɔ ɖo hɔnhlɔn a do kan oxo ti wu-i se. Iwɛ sɔn gbexingbe, ɛmɛti ko mɔ nɔ ɖo agbɔ a do kan oxo ti wu-i se.