¹ le oxojɔxo mɛ onu kena sɛxwe we xɔluɖuɖu lɔ ɖi xɛn: vɛngletɔ ɖe tɔn le kɛklɛnu dɛɛn a do va yi kan odanwatɔye na vɛngle etɔn. ² Axɔ ke e na tu odanwatɔ lɛye e lɔ kpo ye do ohogan ɖokpo le gbeɖokpo na ɛmɛ ɖokpo e bo sɔ ye ɖodan vɛngle etɔn lɔ mɛ. ³ le ogan acɛnnɛ mɛ emɔha, e mɔ tɔn, bo kpɔn ɛmɛ buye le dogbaji ye ko wa odan ɖe nɔ, ⁴ e lɔ naye tu byo:« miye can mi va wa odan le vɛngle tɛye mɛ na ma tu axɔ ke jɛ na mi. ^{5 6 7} Yee can bo yi ogle lɔ gbe. Le ogan weve mɛ ha, ogletɔ lɔ mɔ tɔn, exin godo le ogan atɔn mɛ emɔ ha, e mɔ tɔn bo mɔ wasi onu ɖokpo lɛye ke. Le ogan atun mɛ ha le hwedo e mɔ tɔn ke, bo mɔ kpɔn ɛmɛ buye le dogba lɔ ji. E bo lɔ na ye tun byo:« ŋunɛ jɔ na mi do ci bwɛ odan ɖe ma wa le onyihinhɔn blebu lɔ mɛ?» Ye ɖo ewu ni-i ⁸ Le hwedo etɔn, gletɔ lɔ lɔ na oglejikpɔntɔ lɔ tun: « Yɔ odanwatɔ lɛye a bo tu odan ke ye wa lɛye we axɔ na ye, sɔn ɛmɛ tantɛn ji gbɔɔn do yi ɛmɛ kpotwi lɔ ji.» ⁹ Hwekenu na odanwatɔ ke va le ganxixo weɖokpogɔ lɔ mɛ yee va, ye na ohogan ɖokpo-ɖokpo wu yee. ¹⁰ I wɛ kena odanwatɔ tantɛn lɛye va va, ye bu-i nɔ tun, hiye mɔ na yi onu hugan hu ɛmɛ xin lɛye wɛ ha vɔ oho gbesisɔ lɔ ke wɛ yee can va yi. ¹¹ Hwekenu na ye yi xɔtu na odan ke ye wa lɛye vɔ, ye jɛ ɛhwɛ dido ji na xwetɔ lɔ. ¹² Yee bo lɔ nɔ tun lɔ: « Odanwatɔ xin lɛye ganxixo ɖokpo gee jan wɛ yee wa odan na ganke o bo tu axɔ ɖokpo ŋumyɔ lɛye wu mi mɛ bisese, miy ke se vivɛ nɔ le ohwe nu sɔn kɛklɛnu gbɔɔn.» ¹³ Vɔ xwetɔ lɔ bo va ɖ'ewu na mɛ ɖokpo le yee mɛ tun: « Hadwe, ko hɔ wa onu nyinyla ti do we. E hɔn nyi oho xin lɔ ji hwɛn bo kpo miye kpo gbo do wɛɛ?» ¹⁴ Mi yi onu ke nyi miatɔn kpoŋu a bo sɔn; blɔ tete wɛ jlo do tu axɔ ɖokpo lɛye wu mi. ¹⁵ Ko hɔn ɖo acɛ na do wasi onu ke jlo kpo dɔkun tɛyee wɛɛ? Alo dɔmɛnywɛ tɛye wɛ dɔn na o do kpɔn-ɔ nɔ kpo ŋukunsin nyinyla? ¹⁶ Emɔha ke wɛ ɛmɛ kpotwiye na va nyi ɛmɛ tantɛnye, ɛmɛtantɛnye bo na va nyi ɛmɛ kpotwi. Onu nywɛyee nɔ ɖo zinzin do onu xixoye ji: « Ɛmɛ susu wɛ ye yɔ, vɔ vitweɖe jan wɛ ye na can le ye mɛ.» ¹⁷ Ɖi kena Yesu o sin Jeluzalɛmu nɔ, e yɔ onukplanvi weve etɔnye do ovo le mɔ ji. Bo lɔ na ye tun lɔ byo: ¹⁸ « Mi kpɔn, mí yi Jeluzalɛmu nɔ, i wɛ ́ye na sɔ Gbɛtɔ we Ovi lɔ sɔ jo na avɔsantɔ ɖaxoye kpo osɛnkplan-ɛmɛtɔye. Ye na gbo oku we ɛhwɛ ni-i, ¹⁹ a bo sɔ-ɛ sɔ jo na mɛ ke hɔn nyi Jwifuye, na ye do ko-e, a bo xo-e kpo lanba, a bo kan-ɛ do otinsogaji. Vɔ nyatɔngɔgbe etɔn, e na fɔn sɔn oku.» ²⁰ Exin we godo, Zebede we vikpɛye ye nɔ tɛkpɔ Yesu, i kpo vikpɛ etɔnye. Yenɔ lɔ jɛ klita le ŋukɔn na Yesu bo ba na byɔ-ɛ onu ɖe. ²¹ Yesu bo lɔ ni-i lɔ byo: « Ŋunɛ kan nɔ?» E bo ɖ'ewu tun lɔ byo: « Vikpɛ tɛye owe ke o kpɔnnɔ kiye, ɖe omɔ na ɛmɛɖe a xinnɔnyi le aɖusi mɛ na we, ɛmɛɖe mɔ xinnɛnyi le amyɔ mɛ na we le hwekenu na o na va ɖu xɔlu.» ²² Vɔ Yesu bo ɖo ewu na ye lɔ byo: « Hɔn nyɔ onu kena o byɔ nɔ. Vivɛsise we kɔfɔ ke ko ba nu nɔ lɔ, mi na kpewu na nu-i?» Ye bo ɖ'ewu ni-i tun lɔ byo: « Mí kpewu.» ²³ E bo lɔ na ye tun lɔ byo: « Ɛɛn, mi na va nu vivɛsise we kɔfo tɛye lɔ. Vɔ ke nyi a xinnɛnyi le aɖusi mɛ na-a tɔn, bo hwɛn na ɖe omɔ etɔn na ɛmɛ, mɛ ke Didaye jla do ɖ'enyi na yee tɔn wɛ.» ²⁴ Ke onukplanvi owo gbokpwe lɛye se oxo lɔ, yee do aɖi do nɔvi-nɔvi owe xin lɛye. ²⁵ Vɔ, Yesu yɔ yee bo lɔ na ye tun lɔ byo: « Mi nyɔ-ɛ byo otogaye nɔ kpa na togun yetɔnye gannu-gannu, ɛmɛ ɖaxo-ɖaxoye bo nɔ kpacɛ do yee ji. ²⁶ Ni ko nyi emɔha le miye mia mɛ, vɔ, mɛ ɖekpokpwe ke jlo na nyi ɛmɛ ɖaxo le mia mɛ, ni nyi odansɔvi miatɔn. ²⁷ I wɛ dɔn na mɛɖe jlo na nyi ɛmɛ tantɛn le mia mɛ ni nyi ɛmɛ xixɔ miatɔn, ²⁸ emɔha ke, gbɛtɔ we Ovi lɔ hɔn va na ye a do sɔ odan ni-i, vɔ e va na do sɔ odan na ɛmɛye a bo do sɔ ɛgbɛ etɔn a do tu axɔ do ota na ɛmɛ susu.» ²⁹ Hwekenu na Yesu kpodo onukplanvi etɔnye o tɔn le Jeliko nɔ, ɛmɛ susu ɖeye xodoye. ³⁰ Ŋuvanɔ owe ɖeye xinnɔ onyi le omɔto, ke ye se tun Yesu mɛ mɔ din va sɔn nɔ, ye xwi axwa dido tun lɔ byo: « Xwetɔ, Davidi we vi, kpɔn dɔŋuunu na mí.» ³¹ Ɛmɛ lɛye bo do axwa do ota na ye nɔ, na yee a do bɔnu, vɔ ye bo mɔ do axwa d(eji taŋu tun lɔ byo: « Xwetɔ Davidi we vi, kpɔn dɔŋuɖunu na mí.» ³² I wɛ Yesu tre bo yɔ yee, bo kan ye se tun lɔ byo: « Ŋunɛ mi jlo tun ma wasi na mi?» ³³ Ye bo ɖo ewu na Yesu tun: « Xwetɔ, na na ŋukunsin miatɔnye a hun.» ³⁴ Yesu bo kpɔn dɔŋuɖunu na yee, bo ɖo alɔ ŋukunsi ji na ye, i wɛ zɔnɖokpo, ŋukunsin hun na ye mɛ owe lɛye, ye bo xodo Yesu lɔ.