¹ Kena yesu kplan onu xin lɛye vɔ, e le le Galilé, bo va Yde we kansinmɛ, le Judɛn we otɔsisa lɔ godo. ² Ɛmɛ susu gbagba gba bo xo do-e, e bo gɔ adɔn na adɔn nɔye le blɛ lɔ. ³ Falizitɔ ɖe ye xodo-e a do ɖo omɔ ni-i, ye bo kan-e be byo! « Osɛn miatɔn na ogbè na ŋusunglo tun ni mɔ gbɛ osyɔ do onuɖekpokpwe wu kpoŋu. ⁴ Yesu ɖ'ewu tun byo: « Mihɔn xlɛ tun: " Le titɔ eji, Mawu ɛgbɛɖotɔ lɔ ɖo ŋusunglo kpo nyɔnusi wɛɛ?". ⁵ E bo lɔ tun byo: iwɛ dɔ́n , ŋusunglo na lɛ le otɔ́kpo onɔ̀ kpo kɔn, a bo ve tɛ do osyɔ wu, ye ɛmɛ owe lɛye mɔtrɔ zun gbaza ɖokpo gee. ⁶ Kena ele emɔha; ye hɔn mɔ nyi ɛmɛ owe nɔ, vɔ ye nyi gbaza ɖokpo gee. Bɛ gbɛtɔ ni bo ká klan onu ke Mawu ca». ⁷ Ye mɔɔ wlan nyɔnu gbigbɛ we wema sɔ do asi ni-i, mɔɔ nya-ɛ». ⁸ I wɛ Yesu ɖ'ewu ni-i byo: otó tritri miatɔn wɛ dɔn na Mɔyizi do ɖegbe na mi tún miye mɔɔ gbɛ mia syɔye, vɔ le ɛgbɛ lɔ we titɔ eji, e hɔn le ɖ'emɔha. ⁹ Ko o lɔ na mi nɔ byo: na nyɔnu ɖe hɔn do aƒɔgbe, vɔ oswɔ bo gbɛ-ɛ bo ve ɖe bu, osulɔ do aƒɔgbe.» ¹⁰ Onukplanvi etɔn ye bo lɔ ni-i byo: « Na emɔ ha jan wɛ nyɔnu ɖiɖe we oxo lɔ le na ŋusunglo bɛ yegbɔ-jwe jo nyɔnu ɖeɖe do, e nyɔ hu». ¹¹ Yesu ɖ'ewu na ye byo: « ɛmɛ bi hwɛn nɔ kpewu yi ogbe na oxo kelɔ, vɔ ɛmɛ ke na Mawu ɖe omɔ na ye , ján wɛ nɔ yi ogbe ni-i. ¹² Ɖo, ɛmɛ ɖeye nyi ŋusunglo tita ke ye ji ɖ'emɔha, ɖee mɔ le ɛmɛye wɛtaye búye bo sɔ yeɖe do ɖo ɖi ŋusunglo tita ha do sɛxwe we xɔluɖuɖu lɔ wu. Ɛmɛke na kpewu se oxo ke tɔ we gɔnmɛ, ni see gɔnmɛ.» ¹³ Yesu ɖe ogbe, ye bo kplɔ vikpɛye va e kɔn iwe ɛmɛye hɛn vikpɛye do na ye, nia do alɔ ota na ye, a mɔ doxo ɛɖɛ na ye, vɔ onukplanvi etɔnye bo gbɛ na ye nɔ kpo hɔnhlɔn kpo. ¹⁴ Iwe Yesu lɔ na ye byo: « Mi jo vikpɛlɛye do na yɛ a va kɔnye, mi ká mɔ tú omɔ do ye o, ɖo ɛmɛ ke le ɖi vikpɛ kiye ha tɔn wɛ nyi sɛxwe we xɔluɖuɖu lɔ». ¹⁵ Kena e ɖo alɔ́ ota na ye vɔ, e bo lɛ le blɛ lɔ. ¹⁶ Ye va kán oxo Yesu se sɔn ɛgɛ Mavɔ-mavɔ wu iwe dahwe ɖokpo ɖe va Yesu kɔn bo lɔ ni-i tun byo: « Xwetɔ́, odan nywe ha ko nawa a do ɖo ɛgbɛ mavɔ?» ¹⁷ Yesu bo ɖo ewu ni-i tun byo: « ŋunɛjɔ oɖo kan oxo wu se nɔ do onu ke nyɔ wu? ɛmɛ ɖolpo gee wɛ nyɔ vɔ na o jlo ɖyɛ ɛgbɛ mavɔ mɛ, b hɛn osɛn lɛye wu.» ¹⁸ Dahwe lɔ bo lɔ ni-i byo: Osɛn enɛ ye?» Yesu bo byo: « Ká mɔ hu ɛmɛ, ká do ; gigbe, ká ƒin ɛƒin, ká mɔ ɖe kunu agɔ. ¹⁹ Ou didawe kpo nawe kpo, yi owan na hawetɔ ɖi yi tete ha» ²⁰ Hwanjɛ vi lɔ bo lɔ ni-i byo: ko o zɔn gbɔn osɛn xlɛn ye wɛtɛbi ji. Ŋunɛ lɛ mɔ wu do-o Yesu ɖ'ewu ni-i byo: ²¹ « Na o jlo na nyi ɛmɛ jijwɛ, bɛ va sɔn a bo ve sa onuke o ɖoye bi sese a bo sɔ oho lɔ ma na ayatɔnɔ ye. Omɔ do ɖo ɖɔkun do sɛxwe, e xin godo o mɔ va a bo xodo-o». ²² Vɔ hwekenu na hwanjɛvi lɔ se oxó ke Yesu lɔ́ lɔ́lɔ́, e bo wɔn xwii bo sɔn, ɖo dɔkun susu le esi. ²³ Yesu lɔ na onukplanvi etɔnye tun: « Le oxo jɔ mɛ ko olɔ́ na mi nɔ, e na syɛnxu taŋu na ɛmɛ ohotɔ́ na do ɖyɛ sɛxwe we xɔ ɖuɖu lɔ mɛ. ²⁴ E mɔke, ko mɔ lɔ na mi nɔ, e na le ƒɛ́ɛ na nyibu kpotɔ nɔ na do gbɔn winnyɛ we otro mɛ , hugan hu ɛmɛ ofotɔ́ a do ɖyɛ sɛxwe we xɔluɖuɖu tó Mawu tɔn lɔ́ mɛ.» ²⁵ Hwekenu na Yesu we onukplanviye se emɔha, e kpaca ye taŋu wɛ ye lɔ byo: « ɛmɛ enɛha lɛ na va kpɔn hwlɛngan?». ²⁶ Yesu bo kpɔn ye bo byo: « Exin lɔ syɛnxu na gbɛtɔye. vɔ kpodo Mawu onubisese le wiwasi mɛ». ²⁷ Iwe Piyɛ nyi gbe ni-i bo lɔ byo: « Kpɔn, mi jo onu miatɔnye bi do bo xodo we, ŋunɛ lɛ na va nyi miatɔn hin?». ²⁸ Yesu lɔ naye byo: « Le oxojɔxomɛ ko lɔ na mi nɔ, mi ɛmɛ ke xo do-o ye, le xoluɖuɖu ke gbɔn nɔ we hwenu, le hweken na gbɛtɔ we ovi lɔ na va le onyi xin nɔ le gigo zinkpwe etɔn ji, miye cán mi na le onyixin nɔ le zinpwe weve lɛye ji, a do ɖɔ ɛhwɛ na akɔta we Izrayɛlitɔnye nɔ». ²⁹ Ɛmɛɖekpokpwe ke jo oxwe yetɔn ye do, nɔyɔye, otɔ́, onɔ́ vikpɛ etɔn ye, alo nyidan etɔn do nyikɔ tɛye wu, na kpɔn donu kanweko etɔ́n a bo mɔ ɖo ale le ɛgɛmavɔ lɔ mɛ. ³⁰ Vɔ ɛmɛ susu ye ke nyi tantyɛn egbeye na va nyi kpotwiye, kpo ɛmɛ ke nyi kpotwiye na va nhyi tantyɛnye.