¹ Gbexin lɔ gbe yesu tɔn le oxwegbe bo ve xin nɛ nyi le otɔ to. ² Ɛmɛ susu gbagbagba va bo trɔ do e wɛ e ve xin n'ɔnyi le tɔjihun ɖe mɛ wɛ ɛmɛ ɛɛtɛ bi ye le ote otɔ lɔ to . ³ Wɛ jezu lɔ oxo susu na ye bo do do olo na ye e lɔ tun mi kpɔnƥ onuxwatɔ ɖokpo tɔn na ve xwa onu. ⁴ Hwekenu na e xwa onu lɔ nɔ onukun ɖeye bo flɛ jɛ omɔ to nɔ na oxɛ ye nɔ va can a ɖu. ⁵ Onukun bu ɖeye bo xlɛ jɛ ɛkpɛn nyidan ji. onukun ke ye xwa lɛye nɔ wu vɔ nyidan susu ko le ɛkpɛn lɔ ji bo yi odo na ɛjinukun lɔ na do kpɔn hɔnlɔn . ⁶ Hwe kenu ohwe zɛɛ ɛji nukun lɛ ye nɔ fyɔ ɖo ɛkyɔn ye tɔn hɔn yi o do susu. ⁷ Ɖeye mɔ nɔ flɛ jɛ ɛŋumɛ ɛŋu ye nɔ hwɛn a bo bla ota na ye. ⁸ Ɛjinukun ɖeye nɔ jɛ nyidan nywɛ ji a bo syɛn okun susu ɖeye nɔ syɛn kanweko ɖeye kande ko ɖeye ogban. ⁹ Na ɛmɛ ke ɖo oto ni se onu. ¹⁰ Yesu we onukplan,vi ye va ekɔn bo lɔ ni i tun by ŋu nɛ jɔ onɔ do do olo a do lɔ oxo na otogun lɔ. ¹¹ Yesu ɖ'éwu na ye tun byo Mawu ɖe omɔ na mi ye na mia do nyɔ sɛxwe we xɔluɖuɖu we onumakpɔn de ye vɔ e hɔn ɖe omɔ lɔ na ɛmɛ xin ye . ¹² Ɖo ɛmɛ ke si na onu le ye ma nɔ ni i do eji e mɔ ɖo susu gbagba. Vɔ ɛmɛ ke hɔn ɖo ɖe ye ma mɔ yi ovii ke le esi lɔ. ¹³ I wɛ dɔn na ko do lɔ oxo na ye nɔ gbɔn olo di do mɔ ɖo ŋukunsin le otè na ye co ganké ye ko kpɔn onu nɔ ye ɖo oto nɔ ganke ye ke se onu ti nɔ gbɔɔn do se onuɖe gɔn mɛ nɔ. ¹⁴ Exin oxo le Mawu lɔ gbɔn xolɔ ɖ'onyitɔ e zayi ji mɔ ji mɔ do cɛ do ye ji. e lɔ na ye tun byo ni na se onu nɔ ɔ ganji vɔ mi hɔn se e gɔn mɛ nɔ ŋukunsi na le ote na mi ganji vɔ mi hɔn kpɔn onu nɔ. ¹⁵ Ɖo oto gun ke we ayixa ku ye tu oto yetɔn ye bo nyɔ ŋukun sin yetɔn ye na ŋukunsi yetɔnye ko mɔ do kpɔn onu nɔ oto yetɔn ye ko mɔ do se onuɖe gɔnmɛ nɔ ye na gba va trɔ jimɛ ko mɔ do va gɔ adɔn na . ¹⁶ Nyɔ na nɔ wɛ mi ye nyi ɖo ŋukunsin mia tɔn o kpɔn onu nɔ oto mia tɔn ye bo se nu nɔ. ¹⁷ Le oxojɔ xo mɛ ko lɔ na mi nɔ oxo lɔɖ'onyitɔ susu kpodo ɛmɛ ke sɔ gbe ye jlo na kpɔn onu ke mi o kpɔn nɔ xin lɛ ye vɔ ye ko kpɔn ye bo jlo na se onu ke mi o se nɔ xin lɛ ye vɔ ko se ye. ¹⁸ Yesu ɖe onuxwatɔ we olodido lɔ gɔn mɛ mi ye mi ɖo to onuxwatɔ we olo dido. ¹⁹ Hwekenu na ɛmɛɖe se Mawu we oxo lɔ e ko e gɔn mɛ bɛ kɛntɔ lɔ va bo fin oxo ke e se ye bisese le oji mɛ ni i onukun

ke flɛ jɛ omɔ damɛ we olo lɔ xɛn xin .

²⁰ Onukun ke jɛ ɛkpɛn nyidan i wɛ nyi ɛmɛ ke se oxo lɔ oxo lɔ bo wa odan le emɛ zɔn ɖokpo. ²¹ Onukun lɔ hɔn do ɛkyɔn do susu na enɔ ɛgbɛ na ganxixo ovii ɖe na vivɛsise ɖe ba e nɔ jɛ nyi le xɔ se mɛ zɔn ɖokpo . ²² Onu kun ke jɛ ɛŋuja mɛ ye wɛ nyi ɛmɛ ke nɔ se oxo lɔ vɔ na ɛgbɛmɛ we tamɛbubu ye mi ye tete we ohyan ye onu ma su ɛmɛ si we awa kan mɛ ku na ɛmɛ ye nɔ va nyi ɛŋuŋ ja a bo ke kwin hyɛn na oxo lɔ. ²³ Onukun ke fɛ nyi dan nywɛ ji wɛ nyi ɛmɛ ke se oxo lɔ bo yi i bo jo e ɖe do nii wɛ oxo lɔ nɔ trɔ ɛgbɛ etɔn ɖo onywɛ e mɔ syɛn kun ɖeye kanweko ɖeye kanɖeko ɖo ŋumɛ na ye bo lɔƥ byo sɛxwe we xɔ luɖuto lɔ ye sɔ jlɛ ɛ do dahwe ɖokpo ke xwa onukun nywɛ do ogle etɔn gbe. ²⁴ Yesu mɔ sɔ olo dido bu sɔ ɖo ŋumɛ na ye bo lɔ byo sɛxwe we xɔ luɖuto lɔ ye sɔ jlɛ ɛ do dahwe ɖokpo ke xwa onukun nywɛ do ogle etɔngbe . ²⁵ Le hwekenu na ɛmɛye o d'ɔwlɔn nɔ kɛntɔ etɔn ɖe va bo xwa onukun nyinyla do onukun nywɛ etɔn ke e xwa lɔ mɛ bo sɔn . ²⁶ Hwekenu onukun lɛye wu u ganji bo syɛn kun etɔnye nɔ wɛ onukun nyinyla lɛ ye can va ze le onukun nywɛ nywɛ lɛ ye mɛ agb ²⁷ Ogbe tɔ lɔ we dan wa vi ye va lɔ ni i hun byo xwetɔ e hɔn nyi ɛjinukun nywɛ hwɛn o xwa do ogle tɔwe gbe wɛ fye lɛ ogbe nyinyla xin ye gbɔn do ve tɔn le emɛ . ²⁸ E bo ɖ'ewu ni ye tun byo kɛntɔ ɖe jan wɛ wasi onu xin lɔ odan sɔ vi lɛ ye lɔ ni i tun byo o jlo tun mia ve hɔn ye tɛ wɛɛ . ²⁹ E ɖewu na ye tun byo oo Ɖo na mi ve hɔn ye nɔ syɛ mi na gbɛ vehɔn ɛjinu kun nywɛ lɔ can . ³⁰ Mi jo ye do na ɖokpo ɖokpo yetɔn ye a hwɛn gbɔɔ do yi onuɖiɖe hwenu le hwexin lɔ nu lɔ ko na lɔ na ɛjinukun ɖe tɔ ye tun byo mi hɔn ogbe nyinyla lɛye gbɔ xwe a bo bla ɛ ɖo okpɔ susu ji na ye a do ozo wu ye vɔ mi kpli ɛjinukun nywɛ lɔ a bo ɛ do aava mɛ na a ³¹ Yesu jlɛ sɛxwe we xɔ lu ɖuɖu lɔ do otinkun ke te kete kpodo kpɔnnɔ tin kɛn wu. yesu mɔ do olo bu na ye tun byo sɛxwe we xɔlu ɖuɖu lɔ e le ɖi otinkunvi kete kete ɖe kena dahwe ɖe sɔ be ve xwa e do ogle etɔn gbe ha. ³² Otinkun xin lɔ wɛ kete hu ɛi nukun bi sese vɔ ke na e wu e hugan hu otin ke le ɛjikpa lɔ mɛ ye bi seŋu bo trɔ zun otin ɖaxo oxɛ ke nɔ dɔn gbɔn lɛŋumɛ ye bo nɔ ve ɖo a dɔ yetɔn ye do aba mɛɛ ni in . ³³ Yesu mɔ do olo bu na ye tun byo sɛxwe we xɔ luɖuɖu lɔ le ɖi kpɔnnɔtinkɛn ke nyɔnu ɖe kɔn do yɛ vo wɔ nyinya susu mɛ ha owɔ nyinya lɔ bisese bo fɔn jekee. ³⁴ Yesu lɔ onu xin ye bi na ye gbɔn o lo dido mɛ na ɛmɛ susu lɛ ye e hɔn nɔ lɔ oxo ti na ye olo ma do. ³⁵ Exin oxo ke Mawu lɔ gbɔn oxolɔ ɖonyitɔ etɔn ji mɔ do cɛ e lɔ tun byo. ³⁶ Yesu ɖe ɛjinukun nywɛ we olodido lɔ we gɔn mɛ i wɛ yesu lɛ le ɛmɛ lɛye kɔn bo sin xwegbe onukplanvi etɔn ye bɔ d'éwu bo lɔ nii tun byo ogbe nyinyla ake le ogle gbe na we lɔ ɖe egɔn mɛ na mi. ³⁷ E ɖe wu na ye tun byo ɛmɛ ke xwa ɛjinu kun nywɛ lɔ wɛ nyi ɛgbɛtɔ we ovi lɔ . ³⁸ Ogle lɔ wɛ nyi ɛgbɛ lɔ ɛji nukun nywɛ lɔ wɛ nyi Mawu we xɔlu ɖuɖu lɔ vikpɛ ye ogbe nyinyla lɔ wɛ nyi awovi lɔ vikpɛ ye . ³⁹ Kɛntɔn ke do ogbe nyi nyla lɔ wɛ nyi lɛgba onukun ɖiɖe hwenu lɔ wɛ nyi ɛgbɛ lɔ we vivɔ

nu ɛji nukunɖetɔ lɛye wɛ nyi Mawu we ɛwɛn do tɔ ye .

⁴⁰ Kena ye nɔ hɔn ogbe nyinyla ye a bo tɔ ozo ye ɖo emɔha wɛ e na va nyi ɖo le ɛgbɛ lɔ we vivɔ nu. ⁴¹ Ɛgbɛtɔ we ovi lɔ na dɔn ɛwɛndotɔ etɔn ye ɖodan ye mɔ na bɛ ɛmɛ ɖekpokpwe ke nɔ dɔn ɛmɛ do onu nyinyla wiwa mɛ kpodo onunyinylawatɔye tɛ le xɔ luɖuɖu etɔn mɛ . ⁴² A bo sɔ ye flɛn do ozokpo hɛhɛ lɔ mɛ blɛ lɔ wɛ avi vivi kpodo aɖukun ɖuɖu ye na le. ⁴³ Vɔ le hwekenu ɛmɛ ji jwɛye na klɛn nɔ ɖi ohwe na le yetɔ we xɔluɖuɖu mɛ ɛmɛ ke ɖo oto ni se onu . ⁴⁴ Yesu jlɛ sɛxwe we xɔluɖuɖu lɔ do dɔkun kpodo oylɔ wu sɛxwe we xɔluɖuɖu lɔ mɔ le ɖi dɔ kun ke ye sɔ hlwa do ogle ɖe gbe ha dahwe ke ve kpɔn ɛ bo mɔ sɔ ɛ sɔ hwla ke i wɛ le jijwɛ kpinkpɔn etɔn mɛ ve sa onu ke e ɖo zɛtɛbi bo do xɔ agle lɔ . ⁴⁵ Sɛxwe we xɔluɖuɖu lɔ mɔ le ɖi ajɔ dotɔ ke

kan oylɔ nywɛ nywɛ ye nɔ ha .

⁴⁶ Ke na e ve kpɔn oylɔ oho vivɛ tɔn ɖe e ve sa u un ke e ɖe ye bi sese bo do xɔ ɛ. ⁴⁷ Yesu xɛxwe we xɔluɖuɖu lɔ de oɖɔ wu sɛxwe we xɔluɖuɖu lɔ mɔ le ɖi oɖɔ ke ye da do otɔ mɛ ha e mɔ do bɛ ohwe hamɛ hamɛ ye . ⁴⁸ Na e gɔ ye nɔ dɔ nɛ va asa nu a bo xin nɔ nyi a bo can le ohwe lɛye mɛ ye nɔ bɛ nywɛ nywɛ ye do jaxwi mɛ a bo sɔ nyinyla lɛ ye sɔ flɛn . ⁴⁹ Emɔha ke wɛ e na va nyi le ɛgbɛ lɔ we vivɔnu ɛwɛn dotɔ ye na va a bo ɖe ɛmɛ nyinylan ye ɖo ovo na ɛmɛ ji jwɛ ye. ⁵⁰ Ye na sɔ danuwa tɔ ye do ozokpo hɛhɛ lɔ mɛ blɛ lɔ wɛ avi vivi kpodo aɖukun ɖuɖuye n,a le . yesu lɔ oxo do onu yɔyɔ ye kpo onu xixoye wu . ⁵¹ Mi kpɔn onu jɛ onu xin lɛye bi sese wu onukplan vi lɛye bo ɖewu ni i tun . ⁵² Ɛɛn mi kpɔn onu jɛ ewu i wɛ yesu mɔ lɔ na ye tun osɛnkplan ɛmɛtɔ ɖekpokpwe ke va trɔ zun sɛxwe we xɔluɖuɖu lɔ we onukplanvi e le ɖi xwetɔ ɖe ke ɖe onu yɔyɔye kpo do onu xixoye tɔnɛ nɔ le dɔkunnu etɔnye mɛha . ⁵³ Ye hɔn kan do yesu ji le oto etɔn mɛ kena yesu lɔ oxo xin lɛye vɔ e lɛ le blɛ . ⁵⁴ Exin godo ye va sin oto etɔn mɛ bo kplan onu wu ɛmɛye nɔ le okpityɔn yetɔn e kpaca ye taŋu wɛ ye lɔ tun byo fye lɛ e nɔ kpɔn onu nyi nywɛ xin lɔ le na ɖe lɛ ŋudan donu xinye nɔ wa a do jɔ gbɔn alɔ etɔn mɛ. ⁵⁵ I lɔ hwɛn nyi oxɔgbatɔ lɔ we vi wɛɛ maliya we ovi hwɛn wɛɛ nɔvyɔ ŋŋusun glo hwɛn nyi jaki jozɛ fu simɔ kpo do judi wɛɛ. ⁵⁶ Nɔvyɔ nyɔnusi ye zɛtɛ bi hɔn le mia mɛ wɛɛ fye lɛ e nɔ kpɔn onu xin lɛ ye le . ⁵⁷ Exin lɔ bo dɔn na ye hɔn do kan do eji i wɛ yesu lɔ na ye tun byo Mawu we oxolɔ ɖ'onyitɔ, oto etɔn mɛ kpodo oxwe etɔnn gbe jan wɛ ye hɔn nɔ do bubu e wu le. ⁵⁸ Nudan donu oviiɖe jan wɛ e wasi le blɛ lɔ ɖo ye hɔn kan do eji.