1 Le hwekenu yesu gbɔn ɛjinukun we ogle ɖe mɛ va yi nɔ le jwifuye we ogle ɖe mɛ va yi nɔ le jwifuye we gbɔjwezan ɖe gbe, Xovɛ ci onukplanvi etɔnye, ye bo jɛ ɛjinukunye kinkan ji bo fle ɖu nɔ. 2 Kena Falizitɔye kpɔn d'emɔha, ye lɔna yesu tun byo : «kpɔn , onukplanvi tɔweye o wasi onu ke osɛn gbɛ tu ye mɔɔ ka wasi le gbɔjwezangbe nɔ.» 3 Vɔ Yesu lɔ na ye tun : Bɛ mi hɔn xlɛ onu kena Davidi wasi le hwekenu na xovɛ ci ikpoda ɛmɛ ke xodo-eye wɛɛ? 4 Davidi ɖyɛ do sanvɔ na Mawu, vɔ kpɔnnɔ xin lɔ, e lɔ lɔ kpo ke xo do-e ye ti hɔn ɖo acɛ na do ɖu, zɛgbɔn avɔsantɔ Mawutɔnye wu. 5 Alo mi hɔn xlɛ Mɔyizi we osɛn lɔ me tun, le gbɔjwezangbe, Mawu we avɔsantɔye ke nɔ gba gbɔjwezan we osɛn lɔ cò ganke ye ko nɔ do ɛhwɛ na ye wɛɛ ? 6 Ma lɔ-ɛ na mi, onu ke hugan Mawu we oxwe lɔ wɛ le bwɛ! 7 ye wlan do Mawu we osɛn lɔ mɛ tun byo "Dɔŋuɖunu kpinkpɔn na ɛmɛ we ko kan nɔ, k'ɔn kan avɔsinsan nɔ" Na mi do se oxo xin lɔ gɔn mɛ wɛ, mi hɔn do ɛhwɛ ti na ɛmɛ ke hɔn hu ɛhwɛ ɖe ye nɔ. 8 Ɖo Gbɛtɔ we Ovi lɔ, wɛ ɖo ɛcɛ do gbɔjwezan lɔ ji. 9 Yesu lɛ le blɛ bo ɖyeokplitɔn yetɔn. 10 I wɛ dahwe ɖe le ofyɔ, alɔ etɔn de bo ku. A do do ɛhwɛ na yesu lɔ Falizitɔye kan-ɛ se tun byo : «Osɛn miatɔn na ogbe tun ye mɔɔ gɔ adɔn na ɛmɛ le gbɔjwezangbe wɛ?» 11 E ɖo ewu na ye tun byo : «ɛmɛ enɛlɛ le miamɛ, bo ɖo lɛngbɔ ɖokpo gee, lɛngbɔ lɔ bo flɛ je ogun ɖe mɛ le gbɔjwezangbe, ɛmɛ lɔ ko na yi ve ɖetɔn- ɛ ? 12 Gbɛtɔ hugan lɛngbɔ zɔn nɛmu-nɛmu ɖe ! Be, dogbɔn osɛn miatɔn mɛ, ye na wa onywɛ le gbɔjwɛzangbe» 13 I wɛ, yesu lɔ na dahwe lɔ tun byo : «Drɛn alɔ tɔwe» Dahwe lɔ bo drɛn alɔ etɔn, alɔ lo bo gbɔn va e tenxo ɖi owegɔ lɔ ha. 14 Falizitɔ lɛye tɔn le opkplityɔn lɔ, bo yi okpli ďewu, a do kan ayixa ke ye ba do hu- i. 15 Kena yesu se tun ye mɔ bla ogbe do he wuye, e lɛ le blɛ lɔ, ɛmɛsusu gbagbagba bo xodo-e e bo gɔ adɔm na ye mɛbi sese. 16 E bo do osɛn na ye titeŋugbe tun ye mɔɔ ka na na ɛmɛɖe a mɔ nyɔ -ɛ O. 17 Exin oxo ke Mawu lɔ gbɔn oxolɔ d'onyitɔ Ezayi j mɔ do cɛ. E lɔ na ye tun byo : 18 Odansɔvi tɛye kena ko can xɛn, ɛmɛ vɛna-vɛna tɛye ke wu na ko nɔ kpɔn jijwɛ do ko na sɔ gbigbɔ tɛye sɔ d'eme, R na jla ɛhwɛ jijwe ɖiɖɔ tɛye na otogunye, 21 E hɔn do aɖikan kpodo ɛmɛti nɔ, ɛ hɔn do axwe nɔ, 20 ɛ hɔn wɛn okɔn ke ye xa nɔ, E hɔn ci ozo kena o lo ci nɔ, gbɔɔn do yi hwekenu na onu jijwɛ wiwasi na xo ota na onubi sese. 19 Otogun zetebi sese bo na do omɔkpinkpɔn do eji» 22 Exin godo, ye hɛn ɛmɛ ke mɛ na gbigbɔ nylakan le ɖe va na yesu, ɛmɛ lɔ bo vaŋu, bo mɔ nyi onumakɛnɔ. Yesu gɔ adɔn ni-i, e bo jɛ oxo lilɔ ji, bo mɔkpɔn onu nɔ. 23 E Kpaca ɛmɛ susu lɛye bi seŋu, ye bo lɔ ni-i tun byo : E hɔn nyi Davidi vyɔ hwɛn nyi exin wɛɛ ?» 24 Kena Falizitɔye se, ye lɔ tun byo ; « Dahwe xin Bɛlizebulu gbigbɔ nylakanye le.» 25 Vɔ Yesu nyɔ susu yetɔnye, i wɛ e lɔ na ye tun byo : «Xɔluɖuto ɖekpokpwe ke mɛ na otovi lɛye tɔn ahwan ye niɔ ye ke, gba wɛ e nɔ va gba, na toxo ɖe alo oxwe ɖe we ɛmɛye site do yenɔniɔ ye wu, e hɔn kpewu na nɔ ote. 26 fNa satana o nya satana nɔ etɔn ahwan yi tete, naɖe lɛ xɔluɖuto etɔn na waa a donɔ ote ? 27 Na e nyi tun Bɛlizebulu wɛ na blɔ ɛcɛ na ko do nya gbigbɔ nylakanye nɔ, ɛmɛ nɛ lɛ na ɛcɛ onukplanye nɔ ? Onukplanvi miatɔn lɛye tete ŋutɔ wɛ na ɖɔ ɛhwɛ na mi » 28 Vɔ, na e nyi tun dogbɔn Mawu we gbigbɔ ji wɛ ko nya gbigbɔ nykanye le nɔ, bɛ Mawu we xɔluɖuɖu lɔ va kaka miakɔn. 29 Nade lɛ emɛɖe na wa a do yi ŋusunglo glegbenu ɖe we xwegbe a do bɛ onu etɔnye na e hɔn bla kanlinsu lɔ ɖ'onyi gbɔxwe Na e bla-ɛ vɔ, e na bɛ onu ke le oxwe etɔn gbeye 30 Na ɛmɛɖɛ hɔn le ahwan tɛye mɛ, be e bo site do wu ye. Na ɛmɛ ɖe hɔn kpli ɛmɛyokpogo nɔ, bɛ e bo nya ye do ogbe nɔ 31 I wɛ dɔn ko do lɔ na mi nɔ tun byo : ye na sɔ onu nyinyla alo acɔn ɖekppokpwe ke ye na kɔn do Mawu wu a sɔ ke ɛgbɛtɔye vɔ ɛmɛ ɖekpokpwe ke na kɔn, acɔn do gbigbɔ kinkwɛn wu, ye hɔn sɔ ke-ɛ nɔ. 32 Ɛmɛɖe kpokpwe ke na lɔ oxo nyinyla ɖo do ɛgbɛtowe ovi lɔ wu, ye na sɔ kɛ-ɛ. Vɔ ɛmɛ ɖekpokpwo ke na lɔ oxo nyinyla do gbigbɔ kinkwɛn wu, ye hɔn sɔ k-ɛ nɔ le ɛgbɛ ke mɛ nɔ gbɔna do sɔ kɛ-ɛ le ɛgbɛ ke na gbɔnnɔ lɔmɛ can» 33 «Na otin ɖe nyɔhwɛn, sinsyɛn etɔn nɔ nyɔ na otin ɖe nyla, sinsyɛn etɔn nɔ nyla, ɖo sinsyɛn wɛ ye nɔ kpɔn a do nyɔ otin lɔ. 34 Zakkpata we okunkanye, ɛmɛ nyinylayye wɛ mi nyi, mi na kpewu na lɔ oxo nywɛ doo ? Ɖo onu kena gɔ oji mɛ wɛ onu nɔ lɔ. 35 Ɛmɛ nywɛ, onu nywɛ wɛ enɔ ɖe tɔn-ɛ le oji etɔn ke gɔ kpodo onu nywɛ mɛ, vɔ ɛmɛ nyinyla mɔ ɖe onu nyinyla tɔn-ɛ sɔn oji etɔn kena gɔ kpodo onu nyinyla mɛ» 36 Ko lɔ na mi nɔ tun byo : le ɛhwɛdɔzangbe oxovlo bisese kana gbɛtɔye lɔ ye, ye ɖo na jo kɔŋuta yetɔnye. 37 Ɖo oxo ke o lɔ ye wɛ na ɖexlɛ tun yi mɔ dɔn na ye na do do ɛhwɛ na we 38 I wɛ osɛnkplan-ɛmɛtɔ ɖeye kpo Falizitɔye lɔ na yesu tun byo : «Onukplan-ɛmɛtɔ, ɖe josi ɖe xlɛ gbɔn ŋudandonu wiwasi mɛ, na mia kpɔn. » 39 Yesu ɖ'ewu na ye tun «jijimɛvi egbetɔn kena nyi ɛmɛ nyinyla ye kpodo ogbeji manɔtɔye o kan jesi ɖe nɔ, vɔ, oxolɔ d'onyitɔ Jonasi we josi ɖodyo jan wɛ ye na kpɔn. 40 Ɖo ke ha na Jonasi nɔ ohwe ɖaxo we dɔ mɛ ɖo na okle atɔn ozan atɔn ɖo, emɔha ke we gbɛtɔ we ovi lɔ na nɔ nyidan gɔ na okle atɔn ozan atɔn ɖo xɛn xin» 41 Le ɛhwɛɖɔzangbe, Ninivutɔye na site kpanŋukɔn jijimɛ vi kye, a bo do ɛhwɛ na ye ɖo kena ye se Mawu we oxo ke Jonasi lɔ ye ɖɔli jijɔ. Vɔ, ɛmɛ ke le bwɛ hugan wu Jonasi 42 Le ɛhwɛɖɔzangbe, nyɔny kena ɖu xɔlu saa le saba we kansinmɛ, na site kpan ŋukɔn jijimɛvi kye a bo do ɛhwɛ na ye ɖo kansin dindyɔnye mɛ wɛ e sɔn bo do va se onunyinywɛ we oxo salumɔtɔn. Vɔ ɛmɛ kena le bwɛ hugan wu Salumɔ. 43 Na gbigbɔ nylakan tɔn le ɛmɛ ɖe mɛ, e nɔ ve dan gbɔn zogbeye ji nɔ, a do ba ofi kena e na kpɔn gbɔjwɛ le, e hɔn nɔ kpɔn. 44 i wɛ nɔ lɔ tyb byo : "ko na lɛkɔ sin oxwɛ tɛye gbe, ofi ke ko lɛ le". Na e lɛkɔ va e nɔ kpɔn oxwé lɔ le tótó, e mɔ le ziza, onu zɛtɛbi mɔ nɔ le tito ľemɛ. 45 Na e kpɔn-e ɖ'emɔha, e nɔ ve kplɔ gbigbɔ nylakan a cowe ke ye mɔ nyla hugan hu-i a mɔ bɔ d'ewu ye mɔ ɖye oxwe lɔ gbe, a bo jɛ agban do ble. Vivɔnu etɔn, ɛmɛxin lɔ we ninɔmɛ mɔ nɔ va nyla hugan xixo saatɔn. Emɔha ke wɛ ena nyi na jijimɛvi nyinyla egbe tɔn kye» 46 Hwekenu na yesu gbɛ lɔ oxo na ɛmɛsusu lɛye nɔ onɔ kpodo nɔvyɔ ye va, bo le ganji bo kan nɔ na lɔ oxo ni-i. 47 I wɛ ɛmɖe lɔ na yesutun byo : «kpɔn,, nawe kpo nɔvwe ye kpo le gaji bo ba lɔ oxo na wɛ nɔ» 48 Vɔ yesu lɔ na ɛmɛ ke lɔ oxo lɔ ni-i tun byo : «Ɛme enɛlɛ nyi naye, ɛmɛ enɛlɛ nyi nɔvyee» 49 I wɛ e drɛn alɔ̀ do onukplanvi etɔnye ji botɔ tun byo : «Naye kpodo nɔvyee xɛn. 50 Ɛmɛ ɖekpo kwe ke wasi Didaye ke le sexwe we ojlo we nyi nɔvye ŋusunglo, bo nyi nɔvye nyɔnusi, bo nyi naye»