¹ Hwekenu na xɔlu Tibɛ Seza o wasi oxwe fɔtɔn nɔ le xɔlu zinkpwe ji, Pɔnsu Pilati bo do ɖu oga nɔ le Jude, Elodu bo ɖu oga nɔ le Galile, Elodu nɔvyɔ ke ye nɔ yɔ tun Filipu bo ɖu oga nɔ le Itule kpodo Trakoniti, Lysanyasi bo ɖu oga le Abilɛnu, ² Ana kpodo Kayifu bo nyi avɔsantɔ ɖaxo ye we oga, ganxin mɛ wɛ Mawu lɔ oxo na Jan le zogbe ji. ³ Jan bo dan gbɔn kansin ke lɛdo judɛn we otɔ lɔ bisese mɛ nɔ, bo lɔ na ɛmɛye nɔ tun ye mɔ lɛ Mawu we ɛsin ke lɛvɔjɔ tɔ lɔ a mɔ do kpɔ sisɔkɛ le ɛhwɛ ye tɔn ye mɛ. ⁴ Oxo kena Mawuxolɔɖenyitɔ Ezayi wlan do wema etɔn mɛ wɛ o jɔ nɔ.²E wlan tun:« Dahwe ɖe mɔ do axwa nɔ le zogbeji bo lɔ tun: " Mi jla Xwetɔ we omɔ ɖo, Afɔ etɔnye ni jɔ nywɛɖe! ⁵ Ye na tu ogun bisese, oso ɖekpokpwe kpodo osovi ɖekpokpwe bo nyi gbigba, ye bo na jɔ ofi ke na omɔ lɔ glɔ do ye, ye bo na jla yue ɖo bi, ⁶ e xin gbɛtɔye bisese mɔ kpɔn hlwɛngan Mawutɔn."» ⁷ Ɛmɛ susu bo va Jan kɔ na do va lɛ Mawu we ɛsin lɔ. E bo lɔ na ye nɔ tun:« zakpata kunkanye mi, mɛ nɛ lɛ lɔ na mi tun miye mɔɔ si na kojo ɖiɖo Mawutɔn lɔ? ⁸ Mi ɖo na ɖexlɛ gbɔn jijɔ miatɔn ye mɛ tun mi mɔ ɖɔli. Mi ka mɔ lɔ le miaɖe mɛ tun "Ablaxamyu mɛ mɔ nyi hiye dagbwɔ," ɖo ko lɔ na mi tun Mawu hɛn e na sɔ ɛkpen klɛye a do wasi vikpɛye na Ablaxamu. ⁹ Ye o jla ovɛ lɔ ɖo a do gbo aɖɔ na otin lɛye. Hun otin ɖekpokpwe ke hɔn na sinsɛn ti nɔ ye na gbo-e tɛ a bo do ozo wi. ¹⁰ Ɛmɛye bo kan Jan se tun:« syɛ ŋunɛ mi na wa?» ¹¹ E bo ɖo e wu na ye tun:« ɛmɛ ke ɖo awu owe, ɖo na sɔ ɖokpo sɔ na ɛmɛ ke hɔn ɖo ti, ɛmɛ ke ɖo onuɖuɖu na na viɖe wu ɛmɛ ke hɔn ɖo ɖe.» ¹² Takwɛjɔtɔye bo va Jan kɔn, a do lɛ Mawu we ɛsin, ye can bo kan-ɛ se tun:« Cica, ŋunɛ mi ɖo na wa?» ¹³ E bo ɖewu na ye tun lɔ byɔ:« Mi ka byɔ oho hu ke na mi na yi le ɛmɛye si.» ¹⁴ Sɔja ye can bo kan Jan se lɔ byo:« miye ɖe, ŋunɛ mi na wasi?» E b o ɖo ewu na ye tun:« Mi ka yi oho le ɛmɛ ɖe si kpo akpa sisyɛn kpo alo dogbɔn ojo kinkan mɛ. Oho ke na ye nɔ tu mi ni nɔ kpe mi.» ¹⁵ Otogun lɔ bo kpɔn omɔ na onu ke na va jɔ nɔ lɔ, ye mɛ bisese bo kan yeɖe se nɔ tun:« Vɔ ɖe Jan wɛ nyi Klisu lɔ?» ¹⁶ Jan bo ɖo e wu na ye tun:« Blɔ Mawu we ɛsin jaan wɛ ko lɛ na mi nɔ, vɔ ɛmɛ ɖe gbɔnɔ, e bo ɖo hɔnhlɔn hugan wu blɔ. Ko hɔn jɛ na do tun afakpa kan etɔnye le afɔ ni-i can. E lɔ, Gbigbɔ Kinkwɛn kpo ozo wɛ e na do lɛ Mawu we ɛsin na mi. ¹⁷ Onu tanu le alɔ mɛ ni, e mɔ do ɖe onukun lɛye do ovo na nuywɛ lɛye, a bo do bɛ onukun lɛ ye do ava mɛ. Vɔ, e na va tɔ ozo wu nuywɛ lɛye le ozo ke hɔn nɔ ci gbede me. ^{18 19 20} Jan jla ɛwɛn nywɛ lɔ na togun lɔ do gbɔn onu kpinkplan susu buye mɛ. Oga Elodu ke na kpa ɛcɛ le Galile we kansin mɛ, va yi nɔvyɔ syɔ ke ye nɔ yɔ tun Elodyadi; sɔ bɔ do onu nyinyla susu ke wasin ye, e mɔ va wa e ke : e wle Jan do Gankpa mɛ. ²¹ Kme ye vɔ, e na Jan lɛ Mawu we ɛsin na ɛmɛ susu ke na le blɛ lɔ vɔ, e le Mawu we ɛsin na Yesu can. Vɔ gankemɛ na Yesu o xo ɛɖɛ nɔ, sɛxwe hun, ²² i wɛ Gbigbɔ Kinkwɛn jɛte do eji bo do hɔnnɛ we gbaza. Ogbe ɖe bo ɖi sɔn sɛxwe bo lɔ tun:« lɔ wɛ nyi ovi ke ko yi wan na, ko bo nɔ kpɔn jijwɛ do wu we.» ²³ Oxwe ogban emɔha wɛ Yesu ɖo gbɔxwe do jɛ odan etɔn waji. Ye bo nɔ bu-i tun Jan we vi mɛ e mɔ nyi ha. Jozɛfu lɔ bo nyi Heli we vi, ²⁴ Heli bo nyi Matati we vi, Matati bo nyi Lewi we vi, Lewi bo nyi Mɛliki we vi, Mɛliki bo nyi Yanyi we v, Yanayi bo nyi Jozɛfu we vi. ²⁵ Jozɛfu bo nyi Matatya we vi, Matatya bo nyi Amosu we vi, Amosu bo nyi Nawumu we vi, Nawumu bo nyi Ɛsili we vi, Ɛsili bo nyi Nagayi we vi, ²⁶ Nagayi bo nyi Mati we vi, Mati bo nyi Matatyasi we vi, Matatyasi bo nyi Seneyinu we vi, Seneyinu bo nyi Yozɛki we vi, Yozɛki bo nyi Yoda we vi, ²⁷ Yoda bo nyi Yowana we vi, Yowana bo nyi Hleza we vi, Hleza bo nyi Zorobabɛli we vi, Zorobabɛli bo nyi Salatiyɛli we vi, Salatiyɛli bo nyi Neli we vi, ²⁸ Neli bo nyi, Mɛliki we vi, Mɛliki bo nyi Adi we vi Adi bo nyi Kosamu we vi, Kosamu bo nyi Ɛlumadamu we vi, Ɛlumadamu bo nyi Ɛli we vi, ²⁹ Ɛli bo nyi Yesu we vi, Yesu bo nyi, Elyezɛ we vi, Elyezɛ bo nyi Yolimu we vi, Yolimu bo nyi Matati we vi, Matati bo nyi Levi we vi. ³⁰ Levi bo nyi Simeyɔn we vi, Simeyɔn bo nyi Juda we vi, Juda bo nyi Jozɛfu we vi, Jozɛfu bo nyi Yonamu we vi, Yonamu bo nyi Elyakimu we vi, ³¹ Elyakimu bo nyi Meleya we vi, Meleya bo nyi Mɛna we vi, Mɛna bo nyi Matata we vi, Matata bo nyi Natamu we vi, Natamu bo nyi Davidi we vi, ³² Davidi bo nyi, Jɛse we vi, Jɛse bo nyi Yobɛdi we vi, Yobɛdi bo nyi Bowazi we vi, Bowazi we vi, Bowazi bo nyi Sala we vi, Sala bo nyi Naasɔn we vi, ³³ Naasɔn bo nyi Aminadabu we vi, Aminadabu bo nyi Adimɛn we vi, Adimɛ bo nyi Arini we vi, Arini bo nyi Ɛsilɔn we vi Ɛsilɔn bvo nyi Pele we vi , Pele bo nyi Juda we vi, ³⁴ Juda bo nyi Jakɔbu we vi, Jakɔbu bo nyi Izaki we vi, Izaki bo nyi, Ablaxamu we vi, Ablaxamu bo nyi Tela we vi, Tela bo nyi Naxɔ we vi, ³⁵ Naxɔ bo nyi Selugu we vi, Selugu bo nyi hle we vi, Hle bo nyi Pelegu we vi, Pelegu bo nyi Ebɛ we vi, Ebɛ bo nyi Cela we vi, ³⁶ Cela bo nyi Kayina we vi, Kayina bo nyi Alufasadi we vi, Alufasadi bo nyi Semu we vi, Semu bo nyi Nɔwe we vi, Nɔwe bo nyi Lamɛki we vi, ³⁷ Lamɛki bo nyi Matusalɛmu we vi, Matisalɛmu bo nyi Enɔku we vi, Enɔku bo nyi Yalɛti we vi, Yalɛti bo nyi Maxaleleyɛli we vi, Maxaleleyɛli bo nyi Kayina we vi, ³⁸ Kayina bo nyi Enɔsu we vi, Enɔsu bo nyi Sɛti we vi, Sɛti bo nyi Adamu we vi, Adamu bo nyi Mawu we vi.