¹ E bo va do olo ɖokpo na ye do ke na ye na xo ɛɖɛ awakanmɛ ko na ku ye ɖo na ye. ² E lɔ tun:« Toxo ɖe le wɛ, ɛhwɛɖɔtɔ ɖe le e ko nɔ vɔ na Mawu gbɔɔn nɔ do ɖo sisi na mɛɖe can. ³ Nahwe kposyu ɖe can bo le otolɔ mɛ, ganmɛ-ganmɛ, kposyu lɔ nɔ va ɛhwɛɖɔtɔ lɔ kɔn, a bo lɔ ni-i tun: " Gbo ɛhwɛ jijɔ na a do kpan ŋukɔ kɛntɔ tɛye." ⁴ Ɖo sɔn gbeɖegbe gbɔn e hɔn jlo na gɔ alɔ na nahwe lɔ, vɔ le ganxixo ɖe mɛ e va lɔ le eɖe mɛ tun: "E nyi tun ko hɔn mɔ nɔ ɖo sisi na Mawu can gbɔɔn a do ɖo sisi na gbɛtɔye can, ⁵ ke na nahwe ke o do tagba na nɔ ɖo, ko na gɔ alɔ ni-i na ni a do ɖo ɛhwɛ jijɔ; na ni ka mɔ do va do tagba ti na. ⁶ Xwetɔ lɔ bo lɔ ni-i tun:« Mi se oxo kena ɛhwɛɖɔtɔ nyinyla ke lɔ. ⁷ Mawu hɔn na gbo ɛhwɛ jijɔ na ɛmɛ cincan etɔnye ke nɔ do axwa nɔ, bo nɔ do byɔ alɔgɔ nɔ le okle kpo ozan kpo nɔ wɛɛ? E hɔn yawu kpɔn yekɔn nɔ wɛ? ⁸ Ko lɔ na mi nɔ tun: bleŋu wɛ e na gbo ɛhwɛ na ye. Vɔ hwekenu na gbɛtɔ we ovi lɔ na va, e na kpɔn ɛmɛɖe le nyidan lɔ ji e bo na ɖo xɔse doo?» ⁹ E bo mɔ va do olo ke na ɛmɛ ɖe ye ke nɔ yɔ ye ɖe ye tun ɛhwɛjijɔ nɔ ye a bo do ovwɛ na ɛmɛ gbokpweye nɔ: ¹⁰ « Ɛmɛ pwe yi ɛɖɛ xo gbe le Mawu we xwegbe (Falizitɔ ɖokpo kpo takwɛjɔtɔ ɖokpo.» ¹¹ Falizitɔ lɔ bo le ote bo lɔ le eɖe mɛ nɔ tun: "Mawu, ko do ɛkpɛ na we ɖo ko ko hɔn va ci ɖi ɛmɛ gbokpweye ke nyi ajotɔye, onu nyinylawatɔ, afɔdogbetɔye, alo bo va ci ɖi takwɛjɔtɔ ke ha. ¹² Ko nɔ bla onu zɔn owe le kɔsida ɖokpo mɛ bo nɔ na maɖo owo onu ke le sye bisese tɔn." ¹³ Vɔ takwɛjɔtɔ lɔ, bo jɛ ovo daan, o ko kpewu na kɔ okɔ tete a do kpɔn jiŋukunsin, vɔ e nɔ xɔ akɔnnu etɔn a bo lɔ tun: "Mawu, kpɔn dɔŋuɖunu na, onu nyinylwatɔ wɛ ko nyi. ¹⁴ Ko lɔ na mi nɔ tun, takwɛjɔtɔ lɔ e kpɔn sɔ kɛ na ɛhwɛ ke e hu ye gbɔxwe do sin xwegbe, vɔ Falizitɔ lɔ, ɛhwɛ etɔnye ci okɔ ni-i, ye hɔn sɔ ɛhwɛ etɔnye bo sɔ kɛɛ can, ɖo mɛɖekpokpwe ke ba na kɔ eɖe do oji, ye na zin-in do odo, vɔ mɛ ke na sɔ eɖe a sɔ hwe ye na va kɔ-ɛ do oji.» ¹⁵ Ɛmɛye bo va hɛn vikpɛvyu ye can va Yesu de nɔ na ni a do ɖo alɔ ye wu, vɔ onukplanvi etɔnye bo va gbɛ na ɛmɛ lɛye nɔ kpo adan kpo. ¹⁶ Vɔ Yesu bo va na ogbe wu ye bo lɔ na ye nɔ tun:« Mi jo vikpɛvyuye do na ye a va kɔnye, ɖo xɔluɖuɖu Mawutɔn lɔ, ɛmɛ ke ci ɖi vikpɛvi ha ye tɔn wɛ e nyi. ¹⁷ Ko lɔ na mi nɔ le xojɔxo nɔ tun, mɛɖekpokpwe ke na hɔn va yi xɔluɖuɖu Mawutɔn lɔ ɖi vikpɛvi ha, e hɔn ɖyɛ e mɛ nɔ kpɔn gbeɖe gbɔn do yi mavɔmavɔ.» ¹⁸ Jwifuye we oga ɖe va kan Yesu se tun:« Cica onywɛ, ŋunɛ lɛ ko na wasi a do kpɔn ɛgbɛ mavɔmavɔ lɔ?» ¹⁹ Yesu bo lɔ ni-i tun: « Ŋunɛ jɔ o do yɔ tun ɛmɛ nywɛ? Mɛ ti hɔn nyi ɛmɛ nywɛ na e hɔn nyi Mawu kɛɖe. ²⁰ O nyɔ Mɔyizi we osɛn lɛye: ka do afɔgbe, ka hu ɛmɛ, ka jɛ ajo, ka ɖe kunu agɔ do mɛɖe wu, ɖo owi ta na didawe kpodo nawe kpo.» ²¹ Wɛ oga lɔ va lɔ na Yesu tun:« ko o se tonu bo zɔn gbɔn osɛn xin lɛye ji sɔn hwanjɛvi mɛ tɛye gbɔn.» ²² Ke Yesu se oxo etɔn vɔ, e va lɔ ni-i tun:« E hwe onu ɖokpo na we. O ɖo na sa dɔkunnu ke o ɖo ye bisese a bo ma oho lɔ na ayanɔ ye, o bo na va ɖo dɔkun ɖe le sɛxwe ( o mɔ va xodo.)» ²³ Kena dɔkunnɔ lɔ se oxo xin lɔ, e ci ɛwubla mɛ, ɖo e ɖo dɔkunnu di-in. ²⁴ Ke Yesu va kpɔn-ɛ tun e mɔ ci ɛwubibla mɛ, e lɔ ni-i tun:« E na vɛ wu na dɔkunnɔye na ye na do ɖyɛ xɔluɖuɖu Mawutɔn mɛ! ²⁵ Ɖo e na fa na osɔkpotɔnɔ na do gbɔn winnyɛ we otro mɛ tun dɔkunnɔ na do ɖyɛ xɔluduɖu Mawutɔn mɛ.» ²⁶ Mɛ ke o ɖo oto wi nɔ ye bo lɔ ni-i nɔ tun:« Syɛ, mɛnɛ lɛ na kpɔn hwɛngan?» ²⁷ Yesu bo ɖo e wu na ye tun: « Onu ke glo wiwasi na gbɛtɔye hɔn glo wiwa na Mawu.» ²⁸ Piyɛ bo lɔ tun:« E nyɔ, miye mi jo onu ke nyi miatɔnye do bo xo do we.» ²⁹ Yesu bo va lɔ na ye tun:« Le xojɔxo mɛ ma lɔ na mi tun mɛ tri hɔn le kpewu na jo oxwe etɔn, alo osyɔ, alo nɔvyɔye, alo ɛmɛjitɔ etɔnye, alo vikpɛ etɔnye do do xɔluɖuɖu Mawutɔn wu, ³⁰ Mawu ko na va ni-i onu ke e jo do xin lɛye we donu nɛmu ɖe le ɛgbe me bwɛ, le ɛgbɛ ke gbɔnnɔ lɔ mɛ kpo egbɛ mavɔmavɔ kpo.» ³¹ Hwekenu na Yesu va yɔ onukplanvi etɔn weve lɛye do axa, e va lɔ na ye tun:« Mi kpɔn, Jeluzalɛmu xin mi si-in nɔ ke, onu bisese ke na oxolɔɖenyitɔye o wlan do gbetɔ we vi lɔ wu bi na jɔ. ³² Ɖo ye na va sɔ-ɛ sɔ jo na mɛ ke hɔn nyi Jwifuye, ye bo na va ko-e, a bo do aya ni-i a bo va tun otan do e wu. ³³ Hwekenu na ye va xo-e vɔ, ye na hu-i, wɛ ŋukɔnɖiɖe atɔn gɔ gbe, e bo na va fɔ sɔn oku.» ³⁴ Ye ko va nyɔ onu ti le oxo xin lɔ ke Yesu lɔ na ye mɛ can, ye ko va nyɔ gɔnmɛ na onu onu ke xo e lɔ leye ti. ³⁵ Ke Yesu va tɛkpɔ Jeliko, ŋuvanɔ ɖe xinnɔnyi le omɔto, bo byɔ onu nɔ, ³⁶ wɛ ke e va se gbɛtɔye o din va yi nɔ, e va kan ye se nɔ tun ŋune o jɔ nɔ ja. ³⁷ Ye bo va lɔ ni-i tun Yesu Nazalɛtitɔn wɛ gbɔn bwɛ va yi nɔ. ³⁸ Wɛ ŋuvanɔ lɔ va do axwa, bo lɔ tun:« Yesu, Davidi we vi, kpɔn dɔŋuɖunu naa.» ³⁹ Mɛ ke zɔn kpo Yesu lɛye bo gbɛ na ŋuvanɔ lɔ nɔ tun ni mɔ bɔnu. Vɔ e mɔ va do axwa sinsyɔn bo mɔ lɔ ke tun:« Davidi we vi, kpɔn dɔŋuɖunu naa.» ⁴⁰ Yesu bo va nɔte bo lɔ tun ye mɔ kplɔ dahwe lɔ va na he. Wɛ hwekenu na ŋuvanɔ lɔ tɛkpɔ Yesu, Yesu kan-ɛ se tun: ⁴¹ « Ŋunɛ o jlo tun ma wasi na we?» E bo lɔ tun:« Xwetɔ, ko jlo tun ŋukunsin tɛyɛ ni hun na ma jɛ onu kpinkpɔn ji.» ⁴² Yesu bo lɔ ni-i tun:« Kpɔn onu. Xɔse tɔwe gɔ adɔn na we.» ⁴³ Zɔnɖokpo kpoŋu, e bo jɛ onu kpɔn ji, bo xodo Yesu, bo kanfu Mawu nɔ. Ke togun lɔ mɔ kpɔn onu ke jɔ lɔ, mɛ bisese bo jɛ Mawu kanfu ji.