¹ Iwɛ yesu sin oso ke ji na olivutɔ ye le lɔ. ² Vɔ, le kɛklɛ nu dɛɛn, e mɔ trɔ va Mawu we oxwe lɔ gbe, otogun lɔ zɛtɛ ye bo va ekɔn nɔ, ebo xin nɔ nyi bo kplan onu wu ye nɔ ³ osɛnkplan-ɛmɛtɔ ye kpo Falizitɔye, hɛn nyɔnu ɖe va, bo sɔ-ɛ sɔ do agun, mɛ. Nyɔnu xin lɔ, afɔ wɛ e o do ogbe nɔ, ye bo gbo-e do ⁴ Ye bo lɔ na yesu tun byo:" onukplan ɛmɛtɔ, nyɔnu ke afɔ wɛ e o do gbe nɔ, mi bo ve tu-i do. ⁵ Mɔyizi lɔ le osɛn lɔ mɛ tun miye mɔɔ tɔ ohwan nyɔnusi emɔhatɔn gbɔɔn a mɔ hu-i. Vọ lɔ ɖe naɖe o o lɔ do ewu nɔ?" ⁶ ye lɔ emɔha a do trɛ omɔ ni-i, a bo do kpɔn oxo ɖe a do ɛhwɛ ni-i. Vɔ yesu bo xwi, bo jɛ onu winwlan do nyidan mɛ ji, kpo alɔvi. ⁷ Ke ye gbɛ kan oxo wu-i se nɔ, e ɖekɔ bo lɔ na ye byo:" ɛmɛ ke le mia mɛ, e ko wa onu nyiyla ti kpɔn gbeɖe, ni tɔ ɛkpɛ wu-i tantyɛn " ⁸ E bo mɔ xwi bu, bo mɔ jɛ onu winwlan do nyidan mɛ ji. ⁹ Kena ɛmɛ ke kplɔ nyɔnu lɔ do va ye se emɔha, ye jɛ sinsɔn ji ɖokpo-ɖokpo, bɛ sɔn ɛmɛhynye ji, ebo va drɔn Yesu kpo nyɔnu lɔ ɖoɖyo le ŋukɔn ni-i ¹⁰ iwɛ yesu jlɔ bo kan-ɛ se tun byo: " nyɔnu fye lɛ ɛmɛ lɛye le? Bɛ ye ɛmɛɖe hɔn do ɛhwɛ na wewɛɛ?" ¹¹ Nyɔ nu lɔ bo ɖo ewu byo:" Mɛɖaxo, ɛmɛti hɔn do ɛhwɛ na-a!" Yesu bo lɔ ni tun byo:" Bo can ko hɔn do ɛhwɛ na we, va sɔn, bɛ sɔn syɛ, bo ka mɔ wa onu nyinyla ɖe o" ¹² yesu mɔ lɔ oxo na togun lɔ ke, byo:" Bo wɛ kin klɛn ɛgbɛ lɔ tɔn, ɛmɛ ke xodo-o hɔn mɔ zɔn vuvlu nɔ, vɔ, e na ɖo kinklɛn ke nɔ na ɛgbɛ." ¹³ iwɛ Falizitɔ ye lɔ ni-i byo:" O o ɖe kunnu na ɖiwe nɔ, kunnu ɖiɖe tɔwe hɔn sɔ gbe." ¹⁴ Yesu bo ɖo ewu nɔ byo:" ɛɛn, xojɔ xo ko o ɖe kunnu na bo tete ŋutɔ nɔ, vɔ kunnu ɖiɖe tɛye bo nyi oxojɔxo. Ɖo ko nyɔ Ofi ke ko sɔn, bo nyɔ Ofi ke ko yi nɔ, vɔ miye, mi hɔn nyɔ Ofi ke ko sɔn gbɔɔn do nyɔ ofi ke ko yi nɔ can. ¹⁵ Miye, mi nɔ ɖɔ ɛhwɛ na ɛmɛ ɖi ke gbɛtɔye nɔ wasi ɖo ha, vɔ blɔ ko hɔn nɔ ɖɔ ɛhwɛ na ɛmɛ ti. ¹⁶ Vɔ, na ko mɔ do ɖɔ ɛhwɛ na ɛmɛ can, ɛhwɛ ɖiɖɔ tɛye nɔ zɔn gbɔn xojɔ-xoj. Ɖo bo ɖokpo gee hwɛn le, vɔ, Didaye ke ɖo-o ɖodan le kpo-o ¹⁷ Ye wlan do osɛn mitɔn mɛ tun, na ɛmɛ owe ɖe kunnu ɖokpo ŋumyɔ ye, bɛ kunnu ɖiɖe xin lɔ bo sɔgbe. ¹⁸ Blɔ ko ɖe kunnu na ɖiye nɔ, ɖidaye ke sɔ-ɔ ɖo dan can, bo mɔ ɖe kunnu na-a nɔ" ¹⁹ Ye bo kan-ɛ se tun byo:"fye lɛ Didawe lɔ le?" Yesu bo ɖo ewu na tun byo: " Miye, mi hɔn nyɔ-ɔ gbɔɔn do nyɔ didaye can; na mi do nyɔ-ɔ wɛɛ, bɛ mi na nyɔ Didzye lɔ can. ²⁰ Yesu lɔ oxo xin, le hwekenu na e le Mawu ohwe lɔ gbe, le ofi ke ɖeka ke mɛ na ye nɔ sɔ onunina sɔ do, le. Ɛmɛti we alo hɔn jɛ e wu, ɖo ogan etɔn hɔn xo hɔn ɖe. ²¹ Yesu mɔ lɔ na byo:" Blɔ, ko o lo sɔn nɔ, mi na va kan-a, mi, na ku do o nu nyi nyla wiwa mitɔnye mɛ, Ofi ke ko yi nɔ mi hɔn kpewu na yi" ²² iwe Jwifuye lɔ tun byo:" hu wɛ e ba hu eɖe nɔ, bo do lɔ nɔ tun ofi ke he mɔ yi nɔ, miye mɔɔ hɔn kpewu na yi ? ²³ Yesu bo ɖo ewu na ye byo: " Miye, nyidan ji tɔn wɛ mi nyi. Blɔ, jiŋukunsin wɛ ko sɔn, miye, ɛgbɛ mɛ bwɛ tɔn. ²⁴ Iwɛ dɔn ko do lɔ na mi tun miye mɔ na ku do onu nyinyla wiwa miatɔnye mɛ . Ɖo, na mi hɔn kan do eji tun ko mɔ nyi ɛwɛ ke ko nyi, mi na ku do onu nyinyla wiwa miatɔnye mɛ" ²⁵ iwɛ ye kan-ɛ se tun byo:" ɛwɛ nɛ onyi? " yesu bo ɖo ewu na byo: "ɛwɛ kena ko lɔ na mi tun ko mɔ nyi sɔn doyɛ gbɔɔn lɔ. jan wɛ ko nyi. ²⁶ Ko ɖo oxo susu bo na lɔ ɔ kpo ɛhwɛ susu mɔ na ɖɔ sɔn mia wu. Vɔ, ɛmɛ ke ɖo-o ɖodan oxojɔxototɔ wɛ e nyi. Oxo ke ko se le ekɔn bɛ ko o lɔ na ɛgbɛ lɔ sese nɔ." ²⁷ Ye hɔn kpɔn onu jɛ ewu tun otɔ lɔ we oxo wɛ e o lɔ na ye nɔ. ²⁸ Iwɛ Yesu lɔ na ye tun:" hwekenu na mi na kɔ ɛgbɛtɔ we ovilɔ do yi nyi, e xin, mi na kpɔn onu jɛ ewu tun ko mɔ hɔn wa onu ti le ɛcɛ bwe te ŋutɔ tɔn mɛ nɔ, ɖo, onu ke otɔ lɔ kplan-a jan wɛ ko ²⁹ ɛme ke ɖo o ɖodan, e le kpo-o, e hɔn jo-o do akogo, ɖo onu ke nɔ jɛŋu ni-i jan wɛ ko nɔ wasi" ³⁰ Kena yesu lɔ oxo do emɔha nɔ, ɛwɛ susu kan do eji ³¹ Yesu lɔ na jwifu ke kan do e ji lɛye nɔ byo: " Na mi nɔ ogbeji na oxo tɛye, bɛ mi bo nyi onu. Kplanvi tɛyee xojɔxo. Mi ³² nanyɔ oxojɔxo lɔ xojɔxo lɔ bo na na na, mi na vo" ³³ ye bo ɖo ewu ni-i tun byo:" Ablaxamu we jijiwɛ viye wɛ mi nyi, mi hɔn nyi ɛmɛ xixɔ na ɛmɛ ɖe kpɔn. Naɖe e nyi ɖo, na lɔ o na do va lɔ na mi nɔ tun miye mɔ na jɛ miaɖe si? ³⁴ Yesu ɖo ewu na ye byo: " xojɔxo kpatakli xɛn ko o lɔ na mi nɔ, ɛmɛ ɖe kpp kpwe ke wa onu nyinyla nɔ, e nyi ɛmɛ xixɔ na onu nyinyla ³⁵ Vɔ, ɛmɛ ke nyi ɛmɛ xixɔ, e hɔn nɔ nɔ oxwegbe gbɔɔn do yi oxwevi nɔ nɔ oxwegbe gbɔɔn do yi. ³⁶ Na Ovi lɔ na na mi va, mi na vo le xojɔ xo mɛ. ³⁷ Ko nyɔ-ɛ tun Ablaxamu we jijimɛviye wɛ mi nyi. Vɔ, mi bo kan-a nɔ a hu-u, ɖo mi hnɛ oxo tɛyee. ³⁸ Blɔ, onu ke ko kpɔn le Didaye kɔn, we oxo wɛ koolɔ nɔ, vɔ miye, onu ke miatɔ lɔ na mi wɛ mi o wasi nɔ." ³⁹ ye bo lɔ ni-i tun byo:" Ablaxamu wɛ nyi miatɔ." iwɛ yesu lɔ na ye tun byo:" na mi do nyi Ablaxamu vikpɛye wɛ, mi na nɔ wa onu ɖi elɔ ha. ⁴⁰ Vɔ syɛ, mi kan ba-a hu-u nɔ, bo ke olɔ oxojɔxo ke ko se le Mawu de na mi nɔ Ablaxamu hɔn wasi onu emɔha ɖe! ⁴¹ Miye, miatɔ we Odan wɛ mi o wasi nɔ." ye bo ɖo e wu ni-i tun byo: Mi hɔn nyi vikpɛ ke na wasi kpaco doji ye mɔ! Mawu ɖokpo gee wɛ nyi Otɔ ke mi ɖo! " ⁴² Yesu bo lɔ na ye tun byo:" Na Mawu do nyi mitɔ wɛ, bɛ mi na yi owan na-a, ɖo Mawu mɛ ko jɔ sɔn, e kɔn bɛ ko sɔn. Ko hɔn va le bo tete we ɛcɛ mɛ, vɔ elɔ lɔ wɛ ɖo-o ɖodan. ⁴³ Ŋunɛ jɔ mi hɔn do kpɔn onu jɛ oxoke ko lɔ na mi nɔ wu? Ɖo, mi hɔn kpewu na se oxo tɛye. ⁴⁴ Lɛgba wɛ nyi miatɔ, onu kena miatɔ lɔ jlo wɛ mi ba wasi nɔ. E o nyi ɛmɛhutɔ sɔn dojɛ gbɔn. E hɔn nɔ nɔ xojɔ xo ji, ɖo, xojɔxo ti hɔn le onu mɛ ni-i na e o kan ojo nɔ, onu ke e nyi le ote lɔ xɛn xin ojokantɔ wɛ e nyi, mɔ nyi otɔ na ojokinkan. ⁴⁵ Vɔ blɔ, xojɔ ke ko o lɔ nɔ, wɛ dɔn na mi hɔn kan do ji ye. ⁴⁶ Ɛmɛ nɛ lɛ le mia mɛ, mɔ na ɖ xlɛ tun bo mɔ hu ɛhwɛ? Syɛ, kena eny tun byo xojɔxo wɛ ko lɔ nɔ, ŋunɛ jɔ miye, mi hɔn do kan do ji ye? ⁴⁷ Ɛmɛ ke nyi Mawutɔn, Mawu we oxo wɛ e nɔ ɖo oto. Vɔ, ke mi ḥɔn nyi Mawu tɔn, iwɛ dɔn na mi hɔn do ɖo oto wu nɔ" ⁴⁸ Jwifuye bo ɖo ewu ni-i byo: " ke na mi lɔ tun samalitɔ mɛ yi mɔ nyi, gbi gbɔ nylakan mɛ mɔ le lɔ mɛ, ɛhwɛ hɔn jɔ na mi wɛɛ? ⁴⁹ Yesu bo gbo do ewu na ye byo: " Gbi gbɔ nylakan tihɔn le mɛ ye, Didaye wɛ ko ɖo dudu na nɔ, vɔ miye mi ko ɖo bubu na-a nɔ ⁵⁰ Blɔ, kohɔn nɔ kan tun ye a kan fu-wu, vɔ ɛmɛ ɖokpo le, bo o kan kanfu lɔ na-a nɔ, e bo nɔ ɖo kojo. ⁵¹ Xojɔxo kpatakli xɛn ko lɔ na mi nɔ, na ɛmɛ ɖe wasi do oxo tɛye ji, e hɔn ku nɔ kpɔn gbeɖe" ⁵² Jwifuye bo lɔ ni-i tun byo: " Syɛ, mi kan do eji tun gbigbɔ nylakan mɔ le mɛ wɛ, Ablaxamu ku, Mawu we xolɔ ɖonyitɔ can bo ku, vɔ lɔ bo lɔ nɔ tun ɛmɛ ke wasi do oxo hetɛye ji ye, mɔ hɔn ku nɔ gbeɖe. ⁵³ Ablaxamu mia dagbwɔ ke ku lɔ, lɔ, o hugan hu-u wɛɛ? Oxolɔɖonyitɔ can ku. Ɛmɛ enɛ lɛ o sɔ ɖiwe do kpɔn lɔ?" ⁵⁴ yesu bo ɖo ewu na ye byo:" Na blɔ tete o kanfu ɖiye nɔ, kanfu tɛye hɔn nyi onu ti. Didaye wɛ nɔ kanfu-wu-u, elɔ ke mi o yɔ nɔ tun Mawu miatɔn lɔ. ⁵⁵ Mi ko nyɔ-ɛ can, vɔ, blɔ ko nyɔ-ɛ, ko nyi ojokantɔ ɖi miye ha. ko nyɔ-ɛ bo nɔ wasi do oxo etɔn ye ji. ⁵⁶ Ablaxamu mia dagbwɔ, ke e susu-i tun he mɔ na kpɔn azan tɛye, jijwɛ ṣaxo ɖe wɛ e nyi ni-i. E bo kpɔn-ɛ, bo kpɔn ji jiwɛ." ^{57 58 59} Jwifu lɛye bo lɔ ni-i byo:" Lɔ ɔ, o hɔn ka ɖo oxwe kanwe owo bɔnɖe, o bu kpɔn Ablaxamu?" Yesu bo ɖo ewu na ye tun byo:" xojɔxo kpatakli xɛn ko o lɔ na mi nɔ, gbɔxwe Ablaxamu blɔ ko o le" iwɛ ye can ɛkpɛnye, bo ba tɔ-ɛ nɔ, vɔ, e bo bɛ, bo tɔn le Mawu we oxwe lɔ gbe.