¹ Exin go do, yesu gbɔn oto ke le Galile we kansinwɛ ye, ɖo Jwefuye we ogaye, jlo na hu-i. ² Vɔ, Jwefuye we oxwe ke ye nɔ ɖu le avɔxo mɛ wɛ tɛkpɔ nɔ. ³ Nɔ vyɔye bo lɔ ni-i byo: " lɛ le bwɛ, a bo sin yude, na onukplanvi tɔweye can a do kpɔn odan kena o wasi nɔ ye. ⁴ Ɖo, ɛmɛ ɖekpokpwe ke jlo tun ye a nyɔ he, e hɔn nɔ nɔ bi bɛ mɛ.Kena o wasi onu xin ye nɔ, bo ɖe ɖiwe sɔ xlɛ ɛgblɛ lɔ!" ⁵ Ɖo, nɔvyɔ tete ŋutɔ hɔn kan do eji. ⁶ Yesu bo ɖo ewu na ye byo:" Ogan tɛye hɔn xo hɔnɖyo. Miye, ogan ɖekpokpwe mɛ wɛ nyɔ na mi. ⁷ Gbɛtɔye hɔn kpewu na gbɛ owan na mi vɔ blɔ, ye gbɛ owan na-a, ɖo, ko ɖe kunnu nɔ tun onuwiwa yetɔn ye bo nyla ⁸ Miye, mi yi oxwe lɔ ɖu gbe. Vɔ, blɔ ko hɔn yi nɔ, ɖo ogan tɛye hɔn xo hɔnɖe" ⁹ Kena e le emɔha vɔ, e ci Galile we kan. Sin lɔ mɛ. ¹⁰ Ke nɔvyɔ lɛye yi oxwe lɔ ɖu gbe, Yesu tete can mɛ, mɔ yi oxwe lɔ ɖu gbe, ɛmɛti ko kpɔn-ɛ ¹¹ we Jwifu ye we otogaye kan-ɛ nɔ le oxwe lɔ ɖuɖu hwenu, bo kan se tun byo:" fye lɛ e le ?" ¹² ɛwɛ susu leye bo lɔ oxo etɔn nɔ taŋu ɛmɛ ɖeye lɔ byo:" oo! Eblɛ ɛmɛye ɖu nɔ wɛ!" ¹³ vɔ, ɛmɛti hɔn kɔ ogbe yi oji, bo do lɔ oxo ɖo ewunɔ ɖo ye vɔ jwifuye we otogaye nɔ. ¹⁴ eKena ye ɖu oxwe lɔ nɔ gbɔɔn bo jɛ mamɛ na azan lɛye, Yesu yi Mawu we oxwegbe, bo jɛ onukpinkplan ɛmɛye ji. ¹⁵ E kpaca do Jwifuye we otogaye, ye bo lɔ tun byo:" E hɔn yi okplan le osɛnkplan-ɛmɛtɔ ɖe kɔn kpɔn, naɖe lɛ e wa bo do nyɔ winwlan lɛye ɖo emɔha lɛ e wa bo do nyɔ winwlan lɛye ɖo emɔha? " ¹⁶ Yesu bo ɖo ewu na ye tun byo:" onukplanvi tɛye hɔn sɔn kɔn ye, vɔ ɛmɛ ke ɖo ɖo dan-kɔn wɛ e sɔn ¹⁷ Na e nyi tun onukplanvi tɛye Mawu de wɛ esɔn, alo blɔ tete we ɛcɛ mɛ ko lɔ oxo le nɔ, ɛmɛ ke jlo na wasi mawu we ojlonu, na nyɔ- ɛ ¹⁸ ɛmɛ ke lɔ oxo le elɔ tete we kanfu nɔ, vɔ, ɛmɛ ke wa odan nɔ a do kanfu ɛmɛ ke ɖo-e ɖodan, elɔ xojɔxo nɔ, oxo etɔn ti ko nɔ nyi ojo ¹⁹ Moyizi na mi osɛn alo? Vɔ, ɛmɛ ti ko le mia mɛ , bo zɔn do osɛn lɔ ji nɔ. ŋunɛ dɔn mi do kan-a nɔ na hu-u? ²⁰ ɛmɛ susu lɛye bo ɖo ewu ni-i byo: " gbigbɔ nylakan wɛ le mia mɛ! ɛmɛ enɛlɛ kan we ba hu nɔ?" ²¹ Yesu ɖo ewu byo: " odan ɖokpo jan wɛ ko wasi, e bo lo kpaca do mi nɔ ɖo emɔ ²² Mɔyizi hɛn adagbigbo we osɛn do va. E ko nyi mɔyizi lɔ ji hwɛn e bɛ sɔn, dagbo-dagbo miatɔnye ji wɛ. Gbɔjwɛzangbe can, mi mɔ nɔ gbo ada na ɛmɛ. ²³ Mi nɔ gbo ada na ɛmɛ le gbɔjwɛzangbe, mi ko mɔ do da le mɔyizi we osɛn lɔ ji nɔ, ŋu nɛ jɔ mi do do a ɖi nɔ, do blɔ kena gɔ adɔn na gbɛtɔ lɔ gbebu le gbɔjwɛzangbe? ²⁴ Mi ka mɔ kpɔn ŋumɛ na ɛmɛ a do ɖo kojo, vɔ mi ɖo kojo do osɛn nu" ²⁵ Jeluzalɛmutɔ ɖeye bo kan se nɔ byo: " ɛmɛ ke ye kan nɔ na hu lɔ hwɛn nyi exin wɛɛ? ²⁶ Mi kpɔn, xɛn lɔ oxo nɔ le agbaŋugba, vɔ ye kolɔ oxo ti ni-i nɔ! Alo oga miatɔnye va kpɔn onu jɛ ewu xojɔxo tun yi mɛ mɔ nyi klisu lɔ wɛɛ ? ²⁷ Ɛmɛ ke, mi nyɔ ofi ke e sɔn, co ganke, hwekenu na klisu lɔ na va, ɛmɛ ti hɔn nyɔ ofi ke e sɔn nɔ" ²⁸ hwekenu na yesu o kplan anu lɔ wu ɛmɛye nɔ bo lɔ tun byo:" Bɛ mi nyɔ ɛmɛ kena ko nyi, bo nyɔ ofi ke ko sɔn ? kanke, ²⁹ blɔ tete we ɛcɛ mɛ hwɛn ko va le, vɔ ɛmɛ ke ɖo-o ɖodan, oxojɔxototɔ wɛ e nyi, elɔ, miye mi hɔn nyɔ-ɛ. Blɔ, ko nyɔ-ɛ, ɖo e kɔn wɛ ko sɔn, elɔ lɔ bɛ ɖo-o ɖodan" ³⁰ iwɛ ye kan nɔ na wle-e, vɔ ɛmɛ ti we alɔ hɔn ɖyo. ³¹ Le ɛmɛ lɛye mɛ, ɛwɛ susu kan do eji. Ye bo lɔ nɔ-byo : "na klisu lɔ va va ɖe, e na wasi ŋudandanuye hugan ke ɛmɛ ke o wasi nɔ ye wɛɛ? " ³² Falizitɔ ɖeye se oxo ke ɛmɛ susu lɛ ye o lɔ do odo nɔ, do yesu lɔ wu.! wɛ avɔsantɔ ɖaxoye kp falizitɔ lɛye, ɖo mawu we oxwe lɔ cɔtɔye ɖodan, na ye a do ve wle-e. ³³ Yesu bo lɔ na ye byo: " ko kpɔtɔ le miakɔn na azan viɖe, exin godo, ko na sin ɛmɛ ke ɖo-o ɖodan kɔn. ³⁴ Mi na va kan-a, mi ko kpɔn-ɔ nɔ, ɖo, ofi ke blɔ ko na le lɔ, miye, mi hɔn kpewu na ofi lɔ" ³⁵ Jwifuye we otogaye bo jɛ lilɔ ji le yeɖemɛ tun byo:" fye lɛ e na yi gbɔɔn mi ko do kpɔn-ɛ nɔ? Jwifuye ke gbakpe gbɔn ɛmɛ ke hɔn nyi jwifuye mɛ, kɔn wɛ e ba ve ci nɔ, a bo do kplan onu wu ɛwɛ ke hɔn nyi jwifuye? ³⁶ Oxo ke e lɔ bo lɔ tun: " Mi na kan-a, vɔ, ko kpɔn-ɔ nɔ, ɖo mi hɔn kpewu na va ofi ke kona le lɔ we gɔnmɛ ɖe." ³⁷ le gbe ke gbe ke oxwe ɖu ɖu lɔ na vɔ, kena mɔ nyi azan kpatakli ɖe, yesu nɔ ote, bo axwa tun byo: " na kɔ myɔ ɛmɛɖe nɔ, ni va kɔn ye, a bo nu ɛsin. ³⁸ Ɖi kena winwlan lɔ lɔ ɖo ha, ɛmɛ ke kan do ji ye, otɔsisa ke nɔ na ɛgbɛ wu ɛmɛ, na tɔn sɔn emɛ " ³⁹ Gbigbɔ kinkwɛn ke ɛmɛ ke na kan do eji ye na va yi, we oxo wɛ e o lɔ nɔ. Le hwexin lɔ nu, Mawu hɔn na gbigbɔ kinkwɛn lɔ hɔnɖyo, ɖo Mawu hɔn do gigo yesu wu hɔnɖyo ⁴⁰ kena ye se oxo xin lɔ vɔ, ɛmɛ ɖeye le ɛmɛ lɛye mɛ, bo lɔ tun byo:"Dahwe ke, Mawu we xolɔɖonyitɔ ke mi tre kpɔn nɔ lɔ wɛ xɔjɔxo !?" ⁴¹ Ɖeye bo lɔ tun: iwɛ nyi klisu lɔ! " vɔ ɛmɛ buye mɔ lɔ byo:" Glile wɛ klisu lɔ ɖo na sɔn? ⁴² Winwlan lɔ hɔn lɔ tun klisu lɔ, Davidi we we okunkan mɛ e mɔ na tɔn sɔn, a bo sɔn bɛtɛlɛxɛmu, otota ke mɛ e mɔ na Davidi sɔn wɛɛ? " ⁴³ E xin lɔ hwɛn mima va ɛmɛ lɛye mɛ do yesu wu. ⁴⁴ Ɛmɛ ɖeye le ye mɛ, bo jlo na wle-e, vɔ, ɛmɛti hɔn ɖo alɔ e wu ⁴⁵ Wɛ, Mawu we oxwe lɔ cɔtɔye lɛkɔ va avɔsantɔ ɖaxo lɛye kpo Falizitɔ lɛye kɔn. ye bo lɔ na ye tun byo: " Ŋunɛjɔ mi hɔn do hɛn-ɛ do va?" ⁴⁶ oxwe lɔ cɔtɔye bo ɖo ewu na ye byo: Ɛmɛti hɔn lɔ oxo ɖi ɛmɛ xim lɔ ha kpɔn" ⁴⁷ Falizitɔ lɛye bo mɔ kan-ye se tun byo: " Bɛ miye can mi jo miaɖe do, e b, blɛ mi ɖu wɛɛ?. ⁴⁸ Mi kpɔn oga miatɔn ɖe, alo Falizitɔ ɖe ke kan do eji wɛɛ? ⁴⁹ vɔ, ɛmɛ susu kena kan do eji ye, ye ko nyɔ osɛn lɛye, nudo nɔ ye wɛ ye nyi" ⁵⁰ Nikodɛmu ke ve kpɔn yesu saa, nyi ɛmɛ ɖokpo le ye mɛ. E lɔ na ye byo: " ⁵¹ Osɛn miatɔn hɔn nɔ do ɛhwɛ na ɛmɛɖe, na ye hɔn kan oxo wu ɛmɛ lɔ se, bo nyo onu ke e wasi keŋu gbɔxwe" ⁵² ye bo ɖo ewu ni-i tun byo:"Galile wɛ lɔ can o sɔn? Gbeje winwlan lɔ kpɔn nywɛɖe, o na kpɔn tun Mawu we xolɔ ɖonyitɔ ɖe hɔn nɔ tɔn sɔn Galile we kansinmɛ." ⁵³ E xin godo, ye ɛmɛ zɛtɛye bo lɛ kɔ sin oxwe yetɔnye gbe.