¹ Exin godo, jesu sin galile we otɔ lɔ godo,ye mɔ nɔ yɔ otɔ lɔ tun tibelyadi ² ɛmɛ susu gbagbagba bo kpɔ-ɛ do, ɖo ye kpɔn adɔngigɔ we ŋudandonu ke e wasi nɔ ye ³ we jesu xɛ otɔ lɔ ji, bo xin nɔ nyi le blɛ, kpo onukplanvi etɔn ye ⁴ wifuye we oxwe ke nyi vivayiwe oxwe, bo o lo kpo nɔ ⁵ ke yesu ɖe okɔ bo kɔnye nɔ, e lɔ na filipu byo:"fye mi na xɔ kpɔnnɔ le a do na ɛmɛ ahwankpɔ ke ye a ɖu? " ⁶ E lɔ emɔha na filipu a do-e kpɔn ɖo e o nyɔ onu ke e ba wa nɔ, ⁷ filipu bo ewu ni-i byo:" na mi nɔɔ do sɔ ohogan sandi owe bo do xɔ kpɔnnɔ lɔ can, e hɔn kpe nɔ gbɔɔn na ɛmɛɖokpo-ɖokpo na do kpɔn oviiɖe a bo ɖu can" ⁸ onukpanvi etɔn ɖokpo ke ye nɔ yɔ tun Andle, simɔ piyɛ nɔvyɔ lɔ na yesu byo:" ⁹ hwanjɛvi ɖokpo le bwɛ, kpɔnnɔ atun ke ye sɔ ɔji do wasi, kpo ohwe owe, vɔ fye lɛ exin lɔ na gbɛtɔ ahwankpɔ ke ye ?" ¹⁰ yesu bo lɔ tun ye mɔ na na ɛmɛbi a mɔ xin nɔ nyi " ye bo xin nɔ nyi, ŋusugblo ke le ye mɛ na yi akpo atun ha. Ogbe wɛyɛ-weye susu bo le ofi lɔ ¹¹ we yesu yi kpɔnnɔ lɔ, ke e do ɛkpɛ na Mawu vɔ, e na na ye ma-ɛ na ɛmɛ ke xinnɔ nyi lɛye. Ye mɔ ma ohwe lɛye can ɛmɛ ɖokpo-bo yi ɖi ke e jlo ɖo ha. ¹² ke gomi gɔ ɛmɛye vɔ, yesu lɔ na onukpanvi etɔnye byo:" mi bɛ gbokpwe ke ye hɔn ɖu ye, na ɖe hɔn ma do gu." ¹³ Le kpɔnnɔ atun lɛye mɛ, ye ɖu, mɔ dɛ gbokpwe ke ye hɔn ɖu lɛye gbɔɔn jaxwi weve bo gɔ ¹⁴ ke ɛmɛye kpɔn ŋudandonu kena e wasi, ye lɔ tun byo: " ɛmɛ ke we nyi Mawu oxolɔ ɖo nyi tɔ ke ɖo na va ɛgbɛ lɔ mɛ xojɔ xo " ¹⁵ ɛmɛ ye jlo na va kɔ yesu kpodo hɔnhlɔn a do sɔ. Ɛ do ve ɖo xɔlu, kena e kpɔn onu jɛ ewu, e mɔ lɛ le mɛ ke i ɖokpo gee bo sin osɔ ji ¹⁶ ke hwedo do, ye we onukplanviye jɛ ote va galile we otɔ lɔ to ¹⁷ yesu bo ɖyɛ otɔjihun ɖe mɛ, bo kpanŋukɔn kapɛnawumu, le ada ɖela mɛ. Ozan o do nɔ, vɔ yesu ko va ye kɔn hɔnɖyo ¹⁸ jɛhɔn ɖaxo ɖe bo xo nɔ, otɔ lɔ bo le adanji ¹⁹ Onukplanvi lɛye kun otɔjihun lɔ, boowasi ɖi kpɛntin atun atun alo atrekpo ha kpoŋu, bo kpɔn yesu ɖodan, e bo zɔnzɔnlin le otɔ lɔ, bo tɛkpɔ tɔjihun lɔ nɔ, iwɛ vivɔ jɛ ye ji ²⁰ vɔ, yesu bo lɔ na ye tun byo:" bo we! mi ka vɔ o" ²¹ Onukplanvilɛye jlo na kɔ-ɛ do tɔjihun lɔ mɛ, iwɛ trolo kpoŋu, ohun lɔ bo va gli do asa nu, le ofi ke ye yi nɔ lɔ. ²² Le onyihinhɔngbe etɔn, ɛmɛ susu ke ci otɔ lɔ godo ye, flin tun otɔji hun lɔ ɖokpo gee mɛ mɔ le otɔ lɔ tɔ saa ye bo nyɔ-ɛ tun yesu otɔ lɔ tɔ saa, ye bo nyɔ-ɛ tun yesu mɔ hɔn ɖyɛ otɔjihun xin lɔ mɛ kpo onukplanvi etɔn lɛye, yee ɖoɖyo mɛ mɔ ɖyɛ e mɛ mɔ do sɔn ²³ vɔ, otɔjihun buye sɔn tibe lyadi, bo va gli do ofi xe ye ɖu kpɔnnɔ ke xwetɔ lɔ do ɛkpɛ na Mawu do eji lɔ le, we a xa. ²⁴ Ke ɛmɛ ye kpɔntun yesu kpo onukplanvi etɔnye mɔ hɔn mɔ le blɛ, ye ɖyɛ otɔjihun xin lɔ mɛ, bo mlɛ kapɛnawu mu , a do ve kan ve yesu lɔ. ²⁵ Ɛmɛ lɛye ve kpɔn yesu le otɔ lɔ godo, bo lɔ ni-i tun byo: " hlabi; hwe nɛ nu lɛ nu lɛ o va bwɛ? " ²⁶ Yesu bo ɖo ewu na ye tun byo: " Oxojɔtakli xɛn ko o lɔ na mi nɔ, e hɔn nyi ŋudandanu lɛye we gɔnmɛ hwɛn mi se bo do kan-a nɔ, vɔ, kpɔnnɔ ke mi ɖu, e bo kpe mi ɖu, e bo kpe mi wɛ dɔn. ²⁷ Mi ka mɔ jɛ tagba do onu ɖuɖu ke na gu we tamɛ, vɔ, mi nɔ jɛ tagba do tamɛ na onuɖuɖu ke nɔ nɔnyi tɛgbɛ gbɔɔn do yi ɛgbɛmavɔmavɔ ke gbɛtɔ we ovi lɔ na mi, ɖo Mawu Otɔ lɔ, ɖo ɛkpɛn ɛcɛ kpikpa etɔn ji" ²⁸ we ye kan-ɛ se tun byo sin:" Mi naɖe mi na hɛn ɖo a do wa Mawu we odan lɛ ye ? ²⁹ Yesu ɖo ewu na ye tun byo: " Mi kpɔn Mawu we odan lɔ xɛn: we nyi tun mi na kan do ɛmɛ ke e sɔ ɖodan mi lɔ ji." ³⁰ Ye bo kan-ɛ se tun byo sin:" ŋudandonu enɛha lɔɔ o na wasi na mia kpɔn na mia do kan do ji we? O dan nɛha lɛ o na wasi ? ³¹ Mia dagbwɔ ye ɖu mana le zogbe ji ɖi ke ye wlan-ɛ ɖo ha byo:" E na ye kpɔnnɔ ke sɔn jiŋukunsin, ye bo ɖu" ³² Yesu bo yi ogbe na ye byo: le xojɔxo-xojɔxo mɛ, ehɔn nyi mɔyizi hwe na mi kpɔnnɔ jiŋukunsn tɔn hwɛn xin, vɔ didaye bɛ na kpɔnnɔ tete lɔ wu mi sin ³³ :"Ɖo kpɔnnɔ Mawu tɔn ɛwɛ ke ote sɔn Mawu de bo hɛn ɛgbɛ do va na ɛgbɛtɔ ye bi sese " ³⁴ iwe ye lɔ ni-i byo:" xwetɔ, nɔ na mi kpɔnnɔ xin lɔ hwebi nu". ³⁵ Ye bo ɖoewu na ye tun " bo we nyi ɛgbɛ we kpɔnnɔ lɔ, ɛmɛ ke va diye, kɔmyɔ hɔn mɔ ci nɔ gbeɖe o, ³⁶ hweɖekpo kpwe nu, ko o lɔ na mi:" Mi o kpɔn-ɔ vɔ mi ko kan do ji ye ³⁷ ɛmɛ ɖekpokpwe ke didaye sɔ do alɔ xo mɛ na-a, na va dye ɛwɛ ɖekpo kpwe ke na va kɔn ye ko hɔn jo-e do nɔ kpɔn. ³⁸ Ɖo jiŋukunsin wɛ ko jɛte sɔn, ko ko jɛte a do va wasi ojlo tɛye, vɔ na ma do wasi ojlo Ɖidaye ke sɔ sɔ ɖodan tɔ. ³⁹ Mi kpɔn ojlo ɛwɛ-ke sɔ ɖodan tɔn xɛn; na ko hɔn na bu ɛmɛti le ɛmɛ ke e sɔ na ye wu, vɔ na bo mɔ fɔn ye sɔn oku le azan kpotwi lɔ gbe." ⁴⁰ ojlo didaye tɔn we nyi tun ɛmɛ ke kpɔn ovi tɔ, bo kan do eji ena kpɔn ɛgbɛmavɔmavɔ, blɔ ko mɔ fɔnɛ dɔn oku le azan kpotwi lɔ gbe" ⁴¹ Jwifuye bo jɛ hunhlun do onu mɛ ji do yesu wu, ɖo e lɔ byo:" Bo wɛ nyi nyi kpɔnnɔ ke jɛ ote sɔn jiŋukunsin lɔ." ⁴² Ye bo lɔ ni-i byo:" E hɔn nyi yesu, jozɛfu we vyɔ, ke mi nyɔ kpodo onɔ kpo ganji lɔ hwɛn nyi xin wɛɛ? ⁴³ Yesu yi oxo bo lɔ na ye byo:" Mi ka mɔ hlun do onu mɛ le maɖe mɛ ! ⁴⁴ ɛmɛ ti hɔn kpewu na va kɔn ye, na otɔ ke ɖo dodan lɔ hɔn dɔn-ɛ do va, blɔ, ko bo na fɔn-ɛ sɔn oku le azan kpotwi lɔ gbe. ⁴⁵ Ye wlan le Mawu we oxolɔ ɖonyitɔ we wema mɛ tun byo:" Mawu we na kplan onu wu ye ɛmɛ bi ". Ɛmɛ ɖekpokpwe ke se Otɔ lɔ we ogbe, bo yi onu-kpinkplan etɔn, na va kɔn ye. ⁴⁶ ɛmɛɖe hɔn kpɔn otɔ lɔ kpɔn, zɛgbɔn ɛmɛ ke sɔn Mawu kɔn lɔ wu, elɔ kpɔn otɔ lɔ ⁴⁷ xojɔxo kpatakli xɛn ko lɔ na mi nɔ, ɛmɛ ke kan do ji ye, e kpɔ ɛgbɛmavɔ-mavɔ. ⁴⁸ Bo wɛ nyi kpɔnnɔ ke nɔ na ɛgbɛ wu ɛmɛ ⁴⁹ Le zogbeji, mia dagbwɔ ye ɖu mana, ganke bo ku ⁵⁰ Eke lɔ wɛ nyi kpɔnnɔ ke jɛ ote sɔn jiŋukunsin, na ye a do ɖu-i, ye ko mɔ do ku nɔ. ⁵¹ Bo we nyi kpɔnnɔ ɛgbɛ-ɛgbɛ ke jɛ ote sɔn jiŋukun sin ɛwɛ ke na du kpɔnnɔ ke, na nɔ ɛgbɛ do yi mavɔmavɔ mɛ- na gbgbɛtɔ zɛtɛye a do kpɔn ɛgbɛ" ⁵² zɔnɖokpo, jwifuye jɛ onudindɔn ji taŋu le yenɔniɔye mɛ, bo tun:" naɖe dahwe ke, na sɔ gbeza etɔn na mi tun miye mɔɔ ɖu ɖo ?" ⁵³ Yesu bo lɔ na ye tun: " oxojɔxo kpata kli xɛn ko o lɔ na mi nɔ, na mi hɔn ɖu ɛgbɛtɔ we ovi lɔ we gbaza, mi ko nu ɛhun etɔn , ɛgbɛ hɔn nɔ mia mɛ nɔ. ⁵⁴ Ɛmɛ ke ɖu gbaza tɛye, bo nu ɛhun tɛye, e ɖo ɛgbɛ Mavɔ mavɔ ko mɔ na fɔn-ɛ sɔn oku le azan kpotwi lɔ gbe. ⁵⁵ Ɖo gbaza teye, onuɖuɖu tete wɛ enyi, ɛhun tɛye bo nyi onununu tete. ⁵⁶ Ɛmɛ ke ɖu gbaza tɛye, bo nu ɛhun tɛye, ele mɛ ye, bo can bo le emɛ ⁵⁷ Didaye le ɛgbɛ, ke enyi elɔ wɛ sɔ-ɔ sɔ ɖodan, bo can mɔ le dogbɔn elɔ lɔ ji, emɔ ha ke wɛ ɛwɛ ke na ɖu-u, e na nɔ ɛgbɛ dogbɔn blɔ ji ye. ⁵⁸ E ke lɔ wɛ nyi kpɔnnɔ ke jɛ ote sɔn jiŋukunsin, e hɔn le ɖi kena mia dagbwɔ ye ɖu, ganke mɔ ku ha vɔ, ɛmɛ ke ɖu kpɔnnɔ ke lɔ, na nɔ ɛgbɛ do yi mavɔmavɔ mɛ" ⁵⁹ Onu ke Yesu kplan ɛmɛye le jwifuye we okplityɔn le kapɛnawumu, xɛn nyi xin. ⁶⁰ Kena ye se Yesu we oxo vɔ, onukplanvi etɔn susu lɔ tun byo:" Oxo ke syɛnxu taŋu, ɛmɛ na kpewu yi ogbe na oxo xin ha?" ⁶¹ kena yesu kpɔn tun onu kplanvi etɔn tɛyeno hlun do onu mɛ nɔ, elɔ na ye byo: " E nyi afɔklɛnnu na xɔse miatɔn wɛɛ? ⁶² Na mi va kpɔn ɛgbɛtɔ we ovi lɔ sin jihwe le ofi ke e o le saa ɖe? ⁶³ Mawu we gbigbɔ we nɔ na ɛgbɛ wu ɛmɛ.Gɛtɔ ɖo ɖyo hɔn hɔn kpe,onuɖe wu. Oxo ke ko o lɔ na. Mi ye gbigbɔ lɔ mɛ e sɔn, bo nɔ na ɛgbɛ wu ɛmɛ ⁶⁴ vɔ, le mia mɛ, ɛmɛ ɖeye hɔn kan do jiye." Ɖo sɔn dojɛ gbɔɔn wɛ yesu o nyɔ ɛmɛ ke kan do eji ye, kpo ɛmɛ ke na va sɔ-ɛ jo. ⁶⁵ E bo mɔ lɔ na ye byo:" E xin lɔ wɛ dɔn na ko lɔ na mi nɔ tun, na Didaye hɔn na ogbe, ɛ mɛti hɔn kpewu na va kɔn ye" ⁶⁶ Sɔn hwexin lɔ nu, onukplanvi etɔn susu gblɔn le ɛtɛ ni-i, ye ko mɔ nɔ zɔn kpɔkpɔ kpo-e ⁶⁷ iwe yesu kan ye ɛmɛ weve lɛye tun byo:" Miye ɖe, mi hɔn jlo na sɔn wɛɛ?" ⁶⁸ Simɔ piyɛ bo ɖo ewu ni-i, byo:" xwetɔ, ɛmɛ nɛ de lɛ mi na sin ? Lɔ siwe wɛ ɛgbɛmavɔmavɔ we oxo lɔ le miye, ⁶⁹ miye, mi kan do ji we, mi bo nyɔ-ɛ tun yi mɛ mɔ nyi ɛmɛ kinkwɛn ke sɔn Mawu kɔn:" yesu mɔ ɖo ewu na ye byo: " ⁷⁰ Yesu mɔ ɖo ewu na ye byo:" E hɔn nyi blɔ hwɛn can lɛye wɛɛ? Ganke ɛmɛ ɖokpo le mia mɛ, bo nyi lɛgba! " ⁷¹ yuda, ke nyi simɔ isakalytu vyɔ we oxo wɛ e o lɔ nɔ Ɖo e le onukplanvi weve lɛye mɛ ganke, bona va sɔ-ɛ sɔ jo.