¹ E xin godo jwifu ba ɖu sinsɛn yetɔn we oxwe ɖe nɔ iwɛ yesu yi jeluzalɛmu. ² Le toxo xin lɔ mɛ le lɛngbɔye we agbo lɔ nu kalogun ɖe le ye mɔ nɔ yɔ ɛ le heble gbe mɛ tun bɛtizata ye bo gba gbadɔ gaga vovwe atɔn bo lɛto do e . ³ A dɔn nɔ susu gbagbagba hlɔn nyi le blɛlɔ ŋuvanɔye wɛ tɛkunɔye wɛ ɛmɛke kpli bɔ ye wɛ ye o tre kpɔn ɛsin lɔ we huhlu de wu nɔ. ⁴ Ɖo ɛwɛndotɔ xwetɔ lɔ tɔn ɖe nɔ jɛ ote le ogan ɖee mɛ do ɛsin xin lɔ mɛ a bo hlu i do ewu adɔn nɔ ke na dɔn jɛ ɛsin lɔ mɛ tantyɛn e mɔ do nyi adɔn ɖekpokpwe wɛ le ewu can e nɔ kpɔn adɔngiga. ⁵ Dahwe ɖe le ofi lɔ bo jɛ a dɔn nɔ sɔn oxwe ogbantun ŋukun atɔn gbɔn. ⁶ Yesu kpɔn ɛ le onyihinhlɔn xe na e nyɔ ɛ tun dahwe lɔ mɔ le ni nɔ mɛ xin lɔ mɛ e mɔ dɛn e kan ɛ se byo o jlo na kpɔn adɔn gigɔ . ⁷ Adɔnnɔ lɔ bo yi ogbe ni i byo mɛ ɖaxo ko hɔn ɖo ɛmɛ ti ke na kɔ ɔ do kalogun lɔ mɛ le hwekenu na ye hlu ɛsin lɔ do ewu na ko tun ma ɖyɛ emɛ ɛmɛbu nɔ jɛ ŋukɔn na a. ⁸ Yesu bo lɔ ni i tun byo site sɔ okpɔn tɔwe a bo zɔn zɔnlin. ⁹ I wɛ zɔnɖokpo dahwe lɔ kpɔn adɔn gigɔ bo sɔ okpɔn etɔn bo jɛ zɔnlin zinzɔn ji vɔ jwifuye we gbɔjwɛzan gbɛ bɛ nyi gbe xin lɔ gbe. ¹⁰ Iwɛ jwifuye lɔ na ɛmɛ ke kpɔn adɔn gigɔye tun mɔ egbe wɛ nyi gbɔjwɛzan o hɔn ɖo ɛcɛ na do kɔ okpɔn tɔ we. ¹¹ E bo ɖo ewu na ye tun ɛmɛ ke gɔ adɔn na a lɔ lɔ na a tun bo mɔɔ kɔ okpɔn tɛye mɔɔ zɔn zɔnlin. ¹² Ye bo kan ɛ se byo ɛmɛ nɛ ha lɛ nyi mɛke na lɔ na we tun i mɔɔ kɔ okpɔn tɔwe a bo zɔn zɔnlin lɔ. ¹³ Vɔ dahwe ke adɔn gɔ na lɔ ko nyɔ ɛmɛ lɔ ɖo yesu o hlu do ɛmɛ ye mɛ susu gbagbagba bɛ le ofi lɔ. ¹⁴ E xin godo yesu va kpe e le Mawu we oxwegbe bo lɔ ni i tun byo lɔ xɛn jɛ ote syɛ ka mɔ wa nyinyla ke na e hɔn nyi emɔha onu ke hugan emɔha wɛ na vɔ jɔ do ji we. ¹⁵ Dahwe lɔ sɔn bo ve lɔ ɔ na jwifuye we ogaye tun yesu mɛ mɔ nyi ɛmɛ ke mɔ gɔ adɔn na he lɔ. ¹⁶ Ɖo e xin lɔ wu jwifuye we ogaye jɛ yesu we ogbe nyi nya ji ɖo e nɔ wa onu emɔhatɔnye le gbɔjwɛzangbe. ¹⁷ Vɔ yesu bo lɔ na ye tun byo didaye owa odan nɔ tɛgbɛ bo can mɔ wa odan nɔ. ¹⁸ Ɖo oxo xin ke yesu lɔ nɔ wu jwifuye ogaye nɔ kan nɔ vivɛɖe tun hiye a mɔ hu i nyi gbɔjwɛ zan we osu ke eɖu lɔ ɖo ɖyo hwɛn dɔn vɔ e mɔ tun Mawu mɔ nyi he didaye bo sɔ eɖe ɖii ɛmɛ ke sɔgbe kpo Mawu ha. ¹⁹ Yesu y oxo bo lɔ tun byo xo jɔ xo kpata kli xɛn ko lɔ na mi nɔ ovi hɔn kpewu na wa onuti i tete ŋutɔ vɔ onu ke otɔ wasi ovi lɔ can nɔ wasi. ²⁰ Ɖo otɔ lɔ yi owan na ovi lɔ bo nɔ xlɛ ɛ onu zɛtɛbi ke e wasi nɔ e na mɔ xlɛ ɛ odanwiwa ke hugan hu eke ha ye e mɔ na kpaca do mi . ²¹ Ɖo ɖi ke otɔ lɔ nɔ fɔn ɛmɛ kuku ye a bo na na ye a nɔ ɛgbɛ emɔha ke wɛ ovi lɔ can nɔ na na ɛmɛ ke jlo e nɔ nɔ ɛgbɛ ɖo. ²² Mɔ bɔ do ewu otɔ lɔ hɔn nɔ ɖo kojo na ɛmɛ ti vɔ e sɔ ɛcɛ zɛtɛye sɔ na ovi lɔ nia do ɖo kojo . ²³ Na ɛmɛ zɛtɛye a do ɖo bubu na ovi lɔ ɖike ye nɔ ɖobubu na otɔ lɔ ɖo ha ɛmɛ ke hɔn ɖo bubu na ovi lɔ e hɔn ɖo bubu na otɔ ke dɔn ɛ ɖo dan lɔ can. ²⁴ Xojɔxo kpatakli xɛn ko o lɔ na mi nɔ ɛmɛ ke se oxo tɛye bo kan do ɛmɛ ke dɔn - ɔ ɖodan ji ekpɔn ɛgbɛ Mawɔ mavɔ ye hɔn mɔ do ɛhwɛ ni i nɔ e o tɔn le oku mɛ bo ɖyɛ ɛgbɛ mɛ. ²⁵ Xojɔxo kpatakli xɛn ko o lɔ na mi nɔ ogan xixo ɖe lo gbɔn nɔ ogan lɔ mɛ bɛ xɛn na ɛmɛ kuku ke na se ye na nu ɛgbɛ . ²⁶ Ɖo ɖi kena ɛgbɛ le otɔ lɔ mɛ ɖo emɔha ke wɛ e na na ɛgbɛɛ le ovi lɔ mɛ ɖo. ²⁷ Otɔ lɔ ni i ɛcɛ tun ni mɔɔ do ɖo kojo ɖo e nyi ɛgbɛtɔ we ovi. ²⁸ Onu kiye ni ko kpaca do mi ɖo oganxixo ɖe o gbɔn nɔ na ɛmɛ ke le xɔ gun mɛ zɛtɛ ye na se ogbe etɔn. ²⁹ Ye mɔ tɔn le yɔ gun yetɔn ye mɛ ɛmɛ ke na wasi onu nywɛ ye na fɔndɔ yi ɛgbɛ vɔ ɛmɛ ke wasi onu nyi nyla ye na fɔn na ye a do do ɛhwɛ na ye. ³⁰ Ko hɔn kpewu na wasi onuti le bo tete ŋutɔ we ɛcɛ mɛ oxo ke Mawu lɔ na a wɛ nɔ xo du a bo do ɖo kojo na ɛmɛ kojo ɖi ɖo tɛye bo le osɛn nu ɖo ko hɔn kan nɔ ɔna wasi onu ke jlo o ojlo ɛmɛ ke ɖo o ɖodan tɔn wɛ ko na wa si. ³¹ Na ko do ɖe kunnu na bo tete nɔ wɛ bɛ kunnu ɖiɖe tɛye hɔn sɔ gbe. ³² Ɛmɛ bu wɛ ɖe kunnu na a nɔ ko mɔ nyɔ-ɛ tun kunnu ke eɖe do wu ye nɔ mɔ nyi xo jɔ xo. ³³ Mi sɔ ɛwɛndotɔ ɖɖeye ɖodan jan e bo ɖɖe kunnu do xo jɔxo lɔɔ wu. ³⁴ Blɔ hɔn nyan kunnu ɖiɖe gbɛtɔtɔn vɔ ko lɔ oxo ke na ma do kpɔnhwlɛngan . ³⁵ Jan le ɖi zogbɛn ke ye ta ebo klɛn nɔ mi bo jlo na kpɔn jijwɛ na oganxixo oviiɖe le kinklɛn etɔn lɔ nu . ³⁶ Vɔ kunnu ɖiɖe le na a bo hugan hu kena jan ɖe na a iwɛ nyi odan ke di da ye dɔn ɔ na ma wasi ko bo o wasi ye nɔ odan xin lɛye wɛ ɖe kunnu na a nɔ tun otɔ lɔ mɛ mɔ ɖo o ɖodan . ³⁷ Didaye xe dɔn ɔ ɖodan lɔ can i tete ŋutɔ ɖe kunnu na a vɔ mi hɔn se ogbe etɔn kpɔn mi ko kpɔn ɛ kpɔn. ³⁸ Oxo etɔn hɔn le mia mɛ; ɖo mi hɔn kan do ɛmɛ ke e ɖodan lɔ ji. ³⁹ Mi nɔ gbeje winwlan lɛye kpɔn ɖo susu miatɔn wɛ nyi tun ye wɛ mi na kpɔn ɛgbɛmavɔ le. ⁴⁰ Mi ko kan nɔ na va kɔnye a do kpɔn ɛgbɛ. ⁴¹ Vɔ ko nyɔ mi le oji miatɔn mɛ mi hɔn ɖo wan yiyiti na Mawu. ⁴² Blɔ ko va le didaye we nyikɔ mɛ vɔ mi ko yi u na ɛmɛ bu va va le i tete we nyikɔ mɛ mi mɔ yi i . ⁴³ Blɔ ko va le didaye we nyikɔ mɛ vɔ mi ko yi u na ɛmɛ bu va va le i tete we nyikɔ mɛ mi mɔ yi i. ⁴⁴ A kanfu wu mi a nɔ niɔ ye nɔ wɛ mi nɔ yi owan na. mi ko nɔ kanfu wu ɛmɛ ke sɔn Mawu ɖokpo gee lɔ de naɖe lɛ mi na wa a do kan do oxo tɛyee ji. ⁴⁵ Mi ka bu i ko na jɛ ɛhwɛ do mia wu le otɔ lɔ we ŋukɔn ɛmɛ kena jɛ ɛhwɛ do mia wu lɔ moyizi wɛ elɔ ke ji na mi sɔ omɔ kpinkpɔn miatɔnye sɔ ɖo. ⁴⁶ Ɖo na mi do kan do Mɔyizi lɔ ji xojɔ xo wɛ mi na kan do ji ye Ɖo onu kena e wlan blo wuye wɛ e lɔ oxo do. ⁴⁷ Vɔ ke mi hɔn kan do onu kee wlan lɛ ye ji na ɖe lɛ mi na wa a do kan do oxo ke ko o lɔ nɔ ye ji.