¹ Ke yesu nyɔ ɛ tun falizitɔ ye mɔ se tun e mɔ na na ɛmɛsusu mɔ trɔ zun onukplanviye nɔ sɔ hugan jan e mɔ Mawu we ɛsin na ɛmɛye nɔ hugan hu-i . ² Vɔ le xojɔxo mɛ i tete hwɛn lɛ ɛsin lɔ na ɛmɛye nɔ onukplanvi etɔnye wɛ. ³ Iwɛ e lɛ le yude we kansinmɛ bo sin galile. ⁴ Vɔ e ɖo na gbɔn samali. ⁵ E ve jɛ samali we toxo ɖe mɛ ke ye nɔ yɔ tun sicaa e ko dɛn le nyidan ke jakɔbu xɔ na ovyɔ jozɛfu saa wu. ⁶ Blɛ lɔ wɛ jakɔbu we dotɔ le kena omɔ zinzɔn o kpe agbɔ na yesu e gbɔjwɛ xinnɔ nyi le dotɔ lɔ we axa ganweve emɔha wɛ xɔ nɔ hwe lɔ nu. ⁷ Nyɔnu samalitɔ ɖe va ɛsin ɖun gbe iwɛ yesu lɔ ni i tun byo na ɛsin ma nu. ⁸ Le hwexinlɔnu onukplanvi etɔnye bo yi toxo lɔ mɛ a do ve xɔ onuɖuɖu do va. ⁹ Nyɔnu samalitɔlɔ bo kan yesu se tun byo naɖe lɛ lɔ ke nyi jwifu na va byɔ ɛsin nunu wu blɔ ke nyi samalitɔ ɖo Ɖo jwifuye kpo samalitɔ lɛye hɔn jɛ okpo. ¹⁰ Yesu bo ɖo ewu ni i tun byo na o do nyɔ onunina Mawutɔn bo nyɔ ɛmɛ ke lɔ na we nɔ tun na a ɛsin ma vu wɛ i watyɛn wɛ na byɔ ɛ ɛsin e mɔ na we ɛsin ke nɔ na ɛgbɛ. ¹¹ Nyɔnu lɔ bo ɖ'ewu na yesu tun byo mɛɖaxo hɔn tɔka na do dun ɛsin dotɔ lɔ mɔ tito syɛ fye lɛ o na kpɔn ɛsin ke nɔ na ɛgbɛ lɔ le. ¹² Mia dagbwɔ jakɔbu wɛ kun dotɔ ke na mi te saa tete bo nu ɛsin etɔn vikpɛ etɔnye kpo kanlin etɔnye can bo nu ɛsin ke lɔ syɛ lɔɔ o hugan wu mia dagbwɔ jakɔbu lɔ wɛɛ . ¹³ Yesu mɔ ɖewu ni i byo ɛmɛ ɖekpokpwe ke nu ɛsin xin kɔmyɔ ma ci i . ¹⁴ Vɔ ɛmɛ ke na nu ɛsin ke ko na ni i kɔmyɔ hɔn mɔ ci i nɔ kpɔn gbeɖe ɛsin ke ko na ni i lɔ na trɔ zun otɔ jɔ tyɔn le emɛ otɔjɔ tyɔn xin lɔ mɛ wɛ ɛgbɛmawɔ mavɔ nɔ tɔn sɔn. ¹⁵ Nyɔnu lɔ bo lɔ ni i byo mɛɖaxo bɛɛ bo na ɛsin xin lɔ wu na kɔmyɔ ko mɔ do ci u nɔ ke exin ko ko mɔ do va dun ɛsin le bwɛ nɔ ɖe. ¹⁶ Yesu lɔ ni i byo ve yɔ suwe na mia va bwɛ . ¹⁷ Nyɔnu lɔ bo ewa tun byo ko hɔn ɖo osu mɔ iwɛ yesu lɔ ni i tun byo ɛhwɛ tɔwe jɔ na o da lɔ tun he mɔ hɔn ɖo osu. ¹⁸ Ɖo o ɖe osu atun va yi ŋusun glo ke we xɔmɛ na o le syɛ ko mɔ nyi suwe oxo xin ke o lɔ xin oxojɔxo wɛ . ¹⁹ Nyɔnu lɔ bo lɔ ni i byo mɛɖaxo ko nyɔ ɛ tun Mawu we oxo lɔ ɖ'onyitɔ wɛ o nyi. ²⁰ Mia dagbwɔye sɛn Mawu le osɔ ke ji vɔ mi mɛ jwifuye mi bo nɔ lɔ tun ofi ke ye na sɛn Mawu le mɛ mɔ nyi jeluzalɛmu. ²¹ Yesu bo ɖo ewu tun byo kan do ji ye nyɔnu ke ganxixo tun byo kan do ji ye nyɔnu ke ganxixo ɖe o gbɔnnɔ na e hɔn mɔ nyi oso ke ji alo jeluzalɛmu hwɛn mi na nɔ va sɛn Mawu otɔ lɔ le. ²² Mi ɛmɛ samalitɔye mi hɔn nyɔ ɛmɛ ke mi o sɛn nɔ vɔ mi ɛmɛ jwifuye mi nyɔ ɛmɛ ke mi o sɛn nɔ do jwifuye ji wɛ hwlɛngan gbɔn do bo va . ²³ V, ganxixo ɖe o gbɔn nɔ ogan lɔ bo oxa na Mawu sɛntɔ adodwe ye sɛn otɔ lɔ le gbigbɔ mɛ kpodo xojɔ xo mɛ ɖo Mawusɛntɔ xin ye ha wɛ otɔ lɔ o kan nɔ . ²⁴ Mawu gbigbɔ wɛ e nyi iwɛ dɔn na ɛmɛ ke nɔ sɛn ye ɖo na sɛn ɛ le gbigbɔ kpo xojɔxo mɛ. ²⁵ Nyɔnu lɔ bo ɖo ewu ni byo ko nyɔ ɛ tun mɛsiya lɔ na va va ɛmɛ ke ye nɔ yɔ tun klisu lɔ na e o va va e na onubi na mi . ²⁶ Yesu bo ɖo ewu ni yun byo blɔ ɛmɛ ke nyi mɛsiya lɔ xɛn o lɔ oxo na wwe nɔ . ²⁷ Hwexin lɔ nu wɛ yesu we onukplanvi ye trɔ va e bo kpaca do ye tun yesu olɔ oxo kpodo nyɔɔnusi nɔ co ganke ye ɛmɛti ko kan ɛ e tun byo ŋunɛ o kan nɔ alo oxo e nɛ lɛ o lɔ kpo e nɔ. ²⁸ Iwɛ nyɔ nu lɔ jo gbagbwevi etɔn do blɛ bo yi to xo lɔ mɛ bo ve lɔ na ɛmɛ ye byo. ²⁹ Mi va kpɔn dahwe ɖe xɛn e lɔ onu ke ko wa ye bi na a e hɔn nyi klisu lɔ hwɛn nyi ke wɛɛ. ³⁰ Ɛmɛye tɔn le toxo lɔ mɛ bo gbɔn nɔ yesu kɔn nɔ. ³¹ Le hwexilɔ nu onukplanvi etɔn ye bo ɖe kuku ni i nɔ tun i mɔ ɖu onu ye nɔ lɔ tun byo hlabi ma ɖu onu o . ³² Vɔ e lɔ bo ɖo ewu na ye tun byo blo ko ɖo onu ɖuɖu ɖe bo na ɖu vɔ onuɖuɖu xin lɔ miye mi hɔn nyɔ ɛ . ³³ Onukplanvilɛye jɛ ye nɔniɔye kinkanse ji yun byo alo ɛmɛ ɖe hɛn onuɖuɖu do va ni i wɛɛ. ³⁴ Yesu bo ɖo ewu na ye tun byo onu ɖuɖu tɛ ye wɛɛ nyi tun ma wa si ɛmɛ ke dɔn ɔ odan we ojlo a bo wa odan etɔn do yi vivɔ nu. ³⁵ Suzan ɛmɛ jan wɛ drɔn ye na do ɖe ɛjinukun emɔha wɛ mi ye mi nɔ lɔ vɔ blɔ ko o lɔ na mi nɔ tun mi ɖe okɔ a bo kpɔn ogle lɛye ɛjinukun lɛye o bya bo xu na ɖiɖe. ³⁶ Ɛmɛ ke ɖe ɛjinukun nɔ e o yi axɔtu etɔn nɔ o kpli onukun xwatɔ kpo onukunɖetɔ mɔ do kpɔn jijwɛ kpɔkpɔ. ³⁷ Iwɛ ye nɔ do do o lo ɖe byo ɛmɛbu xwa ɛmɛbu bo va ɖe oxojɔxo wɛ ye lɔ. ³⁸ Ko sɔ mi ɖodan na mia ve ɖe ɛjinukun ke we ota na mi hɔn ɖu aya ti do ɛmɛ buye ɖu aya bo wa odan miye bo va ɖu odan we ale. ³⁹ Samali we toxo mɛ tɔ susu kan do yesu ji do oxo ke nyɔnu lɔ lɔ wu. Ɖo e ɖe kunnu nɔ byo e lɔ onu ke ko nɔ wa ye zɛtɛye na a. ⁴⁰ I wɛ dɔn kena samalitɔye va yesu kɔn ye ɖe kuku ni i tun ni mɔɔ nɔ hiye kɔn e bo nɔ blɛ na onyihinhɔn owe. ⁴¹ Ɛmɛ susu gbagbagba buye can mɔ do yesu ji do itete ŋutɔ we oxo ke e lɔ nɔ wu. ⁴² Ye bo lɔ na nyɔnu lɔ tun byo syɛ e hɔn mɔ nyi oxo ke o va lɔ na mi ɖo ɖyo hwɛn dɔn na mi do kan do e ji mi ye tete ŋutɔ mi se oxo etɔn mi bo nyɔ ɛ tun imɛ mɔ nyi hw lɛngantɔ ɛgbɛ lɔ tɔn xonugbo. ⁴³ Ke yesu nɔ blɛ lɔ na onyihinhɔn owe lɛye vɔ e lɛ bo sin galile. ⁴⁴ I tete ŋutɔ bo o ɖe kunnu nɔ tun byo ye hɔn nɔ ɔ do bubu wu Mawu we xolɔ ɖonyi tɔ ti le oto itete ŋutɔ tɔn mɛ. ⁴⁵ Ganke ke e ve jɛ galile galiletɔ lɛye yi i ganji ɖo ye kpɔn onu ke e wasi le jeluzalɛmu ye bi le vi vayi we oxwe lɔ ɖuɖu hwenu ɖo yee can ve ɖu oxwe. ⁴⁶ Yesu mɔ lɛkɔ va kana bu le galile ofi ke e sɔ ɛsin do trɔ zun vɛn le. xɔɔsudanwatɔ ɖaxo ɖe le kapɛnawumu; ovyɔ ŋusuglo bo jɛ adɔn nɔ. ⁴⁷ Ken a dahwe lɔ se tun yesu mɔ sɔn yude mɔ va galile e ve kpɔn ɛ bo ɖe kuku ni i tun mi mɔɔ va kapɛnawumu a mɔ gɔ adɔn a he viye ke o le oku we omɔ ji. ⁴⁸ I wɛ yesu lɔ ni i byo na mi hɔn kpɔn ŋudan donuye kpo onu kpaca ɛmɛye mi hɔn nɔ kan do eji nɔ kplɔn gbeɖe. ⁴⁹ Xɔsudanwatɔ lɔ bo ɖo ewu ni i byo mɛ ɖaxo na mi hɔn yawu sɔn ovi tɛye lɔ na ku. ⁵⁰ Yesu bo lɔ ni i byo va sɔn ovi tɔ we gan bo le ɛgbɛ. dahwe lɔ bo kan oxo ke yesu lɔ ni i lɔ ji e bo jɛ omɔ bo sɔn nɔ. ⁵¹ Oxwe lɔ we omɔ ji wɛ ele iwɛ odan sɔ vi etɔnye va kpe e bo lɔ ni i tun ovi etɔn lɔ mɔ gan. ⁵² E bo kan ye se tun ogan nɛmu mɛ ha lɛ ovi lɔ jɛ ote jaa ye bo tun swɛ hwedo ɖi ogan ɖokpo mɛ ha wɛ vivɔ lɔ hɔn ni i . ⁵³ Ovi tɔ lɔ bo kpɔn tun ogan xin lɔ mɛ mɛ yesu mɔ lɔ ni i tun ovi etɔn mɔ gan i wɛ elɔ kpodo xwedo etɔn zɛtɛye kan do yesu ji. ⁵⁴ Josi owegɔ ke yesu ɖe xlɛ dogbɔn ŋudan do nu wiwasi mɛ xin e wasi eke lɔ le gbingbɔn etɔn sɔn yuɖe do va galile we godo.