¹ Dahwe ɖe le falizitɔye mɛ nyikɔ etɔn wɛ nyi nikodɛmu ɛmɛ ŋukunsin le eji ɖe wɛ e nyi le jwifuye mɛ. ² E va yesu de le ozan mɛ bo lɔ ni i tun hlabi mi nyɔ ɛ tun Mawu wɛ sɔ we ɖo dan o mɔ do va kplan onu wu mi Ɖo ɛmɛti hɔn kpewu na ɖe josi xinye xlɛ gbɔn ŋudando nu ke o wasi nɔ ye mɛ Mawu hɔn le kpo e . ³ Yesu bo lɔ ni i byo le oxo jɔ xo xojɔxo mɛ na ɛmɛ ɖe hɔn vɔ eɖe ji e hɔn kpewu na kpɔn Mawu we xɔluɖuɖu lɔ. ⁴ Nikodɛmu bo ɖo ewu ni i tun byo naɖe ha lɛ ɛmɛ ke o hwɛn bo nyi ɛmɛhyɔn mɔ na wa a vɔ eɖe ji e mɔ na trɔ ɖyɛ onɔ we dɔmɛ ye mɔ trɔ ji zɔn owegɔ wɛ. ⁵ Yesu ɖo ewu ni i byo le xojɔ xo xojɔ xo mɛ na ye hɔn trɔ ɛmɛɖe dogbɔ ɛsin kpodo gbigbɔ mɛ e hɔn kpewu dyɛ Mawu we xɔɔluɖuɖu lɔ mɛ. ⁶ Ɛmɛ ke ye ji dogbɔn agbaza wɛ ɛmɛ ke ye ji do gbɔn Mawu gbigbɔ mɛ gbigbɔ lɔ tɔn wɛ enyi. ⁷ Ni bo ka kpaca do we tun ko lɔ na we tun ye mɔ ɖo na trɔ ji ɛmɛ bi. ⁸ Ofi jlo jɛhɔn wɛ e nɔ xo yi o mɔ nɔ se zingidi etɔn nɔ vɔ o ko nyɔ ofi ke e sɔn gbɔɔn do nyɔ ofi ke e yi nɔ e mɔ ha ke wɛ e le na ɛmɛ ɖekpokpwe ke ye ji dogbɔn gbigbɔ mɛ . ⁹ Nikodɛmu bo kan ɛ se tun byo naɖe lɛ onuxin lɛye na jɔ ɖo . ¹⁰ Yesu bo ɖo ewu ni i byo lɔ o nyi onukplan ɛmɛtɔ ɖaxo le izrayɛɛli we otogun mɛ o ko nyɔ onu xin ye ti. ¹¹ Le xojɔxo xojɔ xo mɛ ko o lɔ na we nɔ onu ke mi nyɔ we oxo wɛ onu ke mi kpɔn we kunnu wɛ mi o ɖe nɔ ganke mi ko kan do kunnu ɖiɖe miatɔn ji. ¹² Na mi hɔn kan do ji ye le hwekenu na ko lɔ oxo na mi nɔ do nyidan ji we onu ye wu naɖe lɛ mi na hɛn ɖo a do va kan do ji ye le hwekenu na ko na va lɔ oxo na mi nɔ do jiŋukunsun we onuye wu. ¹³ Ɖo ɛmɛti hɔn yi sɛ xwe kpɔn zɛgbɔn ɛmɛ ke jɛ ote sɔn sɛxwe lɔ wu i wɛ nyi gbɛtɔ we ovi lɔ. ¹⁴ Ɖi kena mɔyizi kɔ odan ke ye sɔ oganmu do wasi do yi jihwe le zogbeji ɖo ha emɔha ke wɛ ye na kɔ gbɛtɔ we ovi lɔ can do yi oji ɖo. ¹⁵ E xin ɛmɛ ɖekkpokpwe kena kan do eji mɔ kpɔn ɛgbɛmavɔ -mavɔ . ¹⁶ Ɖo Mawu yi owan na ɛgbɛlɔ taŋu bo sɔ ovyɔ akogo lɔ sɔ na na ɛmɛɖe kpokpwe kena kan do eji ko mɔ do erɔn nɔ vɔ e mɔ kpɔn ɛgbɛ mavɔmavɔ vɔ e mɔ kpɔn ɛgbɛ mavɔmavɔ. ¹⁷ Ɖo Mawu hɔn sɔ ovyɔ ɖodan ɛgbɛ lɔ mɛ ni a do va do ɛhwɛ na gbɛtɔye vɔ e sɔ ɛ ɖo dan na gbɛtɔye a do kpɔn hwlɛngan do gbɔn ovi lɔ ji . ¹⁸ Ɛmɛ kee hɔn do eji Mawu o do ɛhwɛ ni i xoxoxo ɖo e hɔn kan do Mawu vyɔ akogo lɔ ji . ¹⁹ Ke ɛhwɛ dido lɔ nyi ɖo xɛn ki,klɛn lɔ va ɛgbɛ lɔ mɛ gbɛtɔye bi yi owan na vuvluhugan hu kinhlɛn lɔ ɖo onu wiwa yetɔɔnye nyla. ²⁰ Ɛmɛ ɖekpokpwe ke wa onu nyanyla nɔ e gbɛ owan na kinklɛn e ko nɔ jlo na tɛkpɔ kinklɛn lɔ Ɖo onu nyinyla wiwa etɔn na va jɛ agbaŋu gba. ²¹ Vɔ ɛmɛ ke nɔ zɔn gbɔn oxo jɔxo we omɔ ji e nɔ tɛkpɔ kinklɛn exin ye mɔ do kpɔn tun onuwiwa etɔnye mɔ sɔgbe kpo ojlo Mawutɔn. ²² Exin va yi jesu kpodo onuklpanvi etɔn ye yi yude we kansinmɛ yesu bo nɔ blɛ kpo ye na azan ovi ɖe bo lɛ Mawu we ɛsin na ɛmɛye nɔ . ²³ Jan can bo lɛ Mawu we ɛsin na ɛmɛye nɔ le ayinɔnu le samali we otota we axa ɖo ɛsin su le dodomɛ blɛ lɔ ɛmɛye bo nɔ va ye mɔ do lɛ Mawu we ɛsin na ye. ²⁴ Ɖo ye hɔn wle jan do gankpamɛ hɔnɖe. ²⁵ Iwɛ jan we onukplanvi ɖeye kpodo jwifi ɖe va do aɖikan nɔ do ɛwusisra wu. ²⁶ Ye ve kpɔn jan bo lɔ ni i tun hlai ɛmɛ ɖe va kɔnwe le judɛn we otɔ lɔ godo le blɛ daan o bo ɖe kunnu do ewu ɛmɛ xin lɔ can jɛ Mawu we ɛsin lilɛ ji na ɛmɛye gbɛtɛ zɛtɛbi bo yi e kɔn nɔ. ²⁷ Jan bo lɔ byo ɛmɛti hɔn kpewu na onuɖe na e hɔn nyi tun Mawu wɛ ni i. ²⁸ Miye tete ye can mi na ɖe kunnu na a ko mɔ o lɔ saa tun byo bo hwɛn nyi klisu lɔ vɔ sɔ ɔ ɖodan ko bo va do ŋkɔn ni i. ²⁹ Nyɔnusu lɔ tɔn wɛ nyi nyɔnu lɔ vɔ nyɔnusu lɔ we hadwe ke le axa bo se oxo lilɔ etɔn nɔ oji nɔ jɔ ɛ ɖo e se nyɔnusu lɔ we egbe nɔ jijwɛ xin lɔ wɛ nyi tɛye syɛ i wɛ dɔn na oji do jɔ ɔ nɔ taŋu. ³⁰ E jɛ tun i we a yi oji nɔ tɛye mɔ ɖe drɔn nɔ. ³¹ Ɛmɛ ke sɔn nyidan ji nyidan ji tɔn wɛ e nyi bo nɔ nyidan ji we oxoye ɛmɛ ke sɔn sɛxwe le ota na onu bi oxojɔ xo. ³² E nɔ ɖe kunnu do onu ke e kpɔn bo se wu vɔ ɛmɛti ko kan do kunnu ɖide etɔn lɔji nɔ . ³³ Ɛmɛ ke kann do kunnu ɖiɖe etɔn ji ɖo ɛkpɛn eji nɔ tun Mawu mɔ nɔ lɔ oxojɔ xo. ³⁴ Ɛmɛ ke Mawu sɔ ɖodan nɔ lɔ Mawu we oxo ɖo Mawu we gbigbɔ ke e nɔ sɔ do emɛ hɔn nɔ ɖo odo. ³⁵ Otɔ lɔ yi owan na ovi lɔ bo sɔ onu bi sɔ do asi ni i. ³⁶ Ɛmɛ ke kan do ovi lɔ ji na kpɔn ɛgbɛ mavɔ-mavɔ ɛmɛ ke hɔn kan do eji hɔn kpɔn ɛgbɛ nɔ vɔ Mawu we aɖidido le eji.