¹ Onyi hinhɔn atɔngɔ gbe etɔn alɔwiwle ɖokpo nɔ onyi le kana le galile we kansi mɛ yesu onɔ bo le etɛnxo. ² Ye bo yɔ yesu kpodo onukplanvi etɔn ye can do va alɔwiwle lɔ tɛn xo. ³ Hwekenu na vɛn va vɔ yesu onɔ lɔ ni i byo vɛn vɔ do ye . ⁴ Yesu yi ogbe bo lɔ ni i byo naye onu enɛlɛ kan a le emɛ ogan tɛye hɔn xo hɔnɖe. ⁵ Onɔ bo lɔ na onukplanvi etɔnye byo onu ɖekpokpwe ke e na dɔn mi mi wasi i. ⁶ Dagba atrekpo adɛn ke ye sɔ ɛkpɛn do wasi bo le blɛ lɔ jwifuye bo nɔ dun ɛsin do ye mɛ a do sra ɛwu dagba ɖokpo ɖokpo na hɛn ɛsin lita kanweko emɔha. ⁷ Yesu lɔ na onuɖuɖumatɔ lɛye byo mi dun ɛsin do dagba keye mɛ na ye a gɔ ye bo dun do yemɛ gbɔɔn ye bo gɔ fleflefle. ⁸ Yesu bo lɔ na ye byo syɛ mi ba a bo sɔ ve na onuɖuɖumatɔ we oga lɔ ye bo ba sɔ ve ni i. ¹⁰ Kena oga lɔ ɖɔ ɛsin lɔ kpɔn ɛsin lɔ boo trɔzun vɛn e ko mɔ ofi ke vɛn xin lɔ mɔ sɔn vɔ onuɖuɖumatɔ keye dun ɛsin lɛye wɛ nyɔ ɛ iwɛ e yɔ nyɔnusu lɔ . ⁹ Bo lɔ ni i byo vɛn onywɛ lɔ ɛmɛ zɛtɛ ye nɔ na ɛmɛye jɛ ŋukɔn na ye nu gbɔɔn e bo mu ye vɔ o mɔ va ye ke hɔn nyɔhwɛn lɔ vɔ lɔ o sɔ vɛn onywɛ lɔ sɔ xla ɖ'onyi gbɔɔn va jɛ syɛ sɔ. ¹¹ Jasi tantyɛn ke yesu wasi dogbɔn ŋudandonu wiwasi mɛ xɛn xin e wasi i le kana le galile we kansi mɛ e ɖe hɔnhlɔn etɔn sɔ xlɛ oukplanvi etɔnye bo kan do eji . ¹² Exin va yi yesu onɔ nɔvyɔye kpo onu kplanvi etɔnyi yi kapɛnawumu we toxo lɔ mɛ bo nɔ blɛ na azan viiɖe. ¹³ Vivayi we oxwe jwifuye o kpɔ nɔ yesu bo yi jeluzalɛmu. ¹⁴ Le Mawu we oxwe lɔ gbe e kpɔn nyibusatɔye lɛngbɔsatɔye kpo hɔnnɛ sa tɔ ye ohocɛtɔye can le onyi xinxlɔn le yavo yetɔn kɔn . ¹⁵ Iwɛ e sɔ okan bo do wasi oxa bo nya ye seŋu le oxwe lɔ gbe kpodo nyibu yetɔnye kpodo lɛngbɔ yetɔnye bo bli tavo ohocɛtɔye tɔnye bo kankan oho yetɔnye. ¹⁶ E bo lɔ na hɔnnɛsatɔ lɛye byo mi bɛ onu mia tɔnye bi sese tɛ le bwɛ mi ka mɔ sɔ didaye we oxwegbe a do wasi ajɔxwe . ¹⁷ Onukplanvi etɔn ye bo flin tun ye mɔ wlan le Mawu we oxo lɔ mɛ byo o Mawu owanyiyi ɖaxo kena ko ɖo naa oxwe tɔwe nɔ tɔ ja lanmɛ na a. ¹⁸ Iwɛ jwifuye kan ɛ se byo josi enɛ ha lɛ o na ɖexlɛ mi na mia do nyɔ ɛ tun i mɔ ɖo ɛcɛ mɔ na do wa onu ɖ'emɔha . ¹⁹ Yesu bo ɖ'o ewu na ye byo mi gba Mawu we oxwe ke lɔ ko na sɔ onyi hinhɔn atɔn ɖo ote a mɔ trɔ gba ɛ. ²⁰ Iwɛ jwifu lɛye lɔ ni i tun byo oxwe kanɖe atun ŋukun ɖokpo wɛ ye sɔ bon do gba axwe ke vɔ lɔ o va lɔ nɔ tun he mɔ na sɔ onyi hinhɔn atɔn gblamɛ a do trɔ gbaa ɛ . ²¹ Vɔ Mawu we oxwe ke we oxo na yesu o lɔ nɔ lɔ gbaza eytɔn tete ŋutɔ wɛ. ²² Iwɛ dɔn ke yesu va fɔn sɔn ɛmɛ kukuye mɛ onukplanvi etɔn ye va flin tun e mɔ lɔ oxo xin lɔ ɖ'onyi saa ye bo kan do winwlan kinkwɛn lɛye ji, bo mɔ kan do oxo ke yesu o lɔ lɛyeji. ²³ Hwekenu na yesu le yeluzalɛmu na vivayi we oxwe lɔ do gbɔn ŋudan donu wiwa etɔnye mɛ ɛmɛsu yi oxo etɔn se bo kando eji. ²⁴ E le emɔha ganke yesu hɔn ɖe oji do ye wu ɖo e nyɔ ye ɛmɛ zɛtɛye ganji . ²⁵ E hɔn hyan tun ye ave lɔ oxo ɖe ni i sɔn ɛmɛɖe wu gbɔxwe can Ɖo i tete o nyɔ onu ke le oji mɛ na gbɛtɔye.