1 Iwɛ Pilati na ogbe, ye bo kplɔ yesu, bo xo-e kpo lanba. 2 Sɔja lɛye sɔ ɛŋu bo do lɔn xɔ lu ogba, bo sɔ cɔn ni-i, bo sɔ awu gaga owɛ cɛcɛcɛ ɖe sɔ do ni-i. 3 Ye nɔ tɛkpɔ-ɛ a bo lɔ ni-i byo:" xɔlu Jwifutɔn, onu le do!" ye bo lɔ mɔ gba tomɛ ni-i nɔ. 4 Pilati mɔ tɔn va gagi bu ku, bo lɔ na Jwifu lɛye byo:" Mi kpɔn ! ko na ɖe-e tɔn gaji na mi, e xin, mi mɔ do do ɛhwɛ ni-i" 5 Yesu bo tɔn va gaji lɔ kpo ɛŋugba le Ota awu gaga ovɛ cɛcɛ lɔ bo le okɔ ni-i. Iwɛ Pilati lɔ na ye tun byo:" Dahwe lɔ xɛn". 6 Vɔ, kena avɔsantɔ we ogaye kpodo Mawu we oxwecɔtɔye kpɔ-ɛ, ye bo do axwa nɔ bo lɔ nɔ byo:" kɛ-ɛ do atisogaji ! kɛ-ɛ do atisogaji!" iwɛ Pilati lɔ na tun byo, Mi ve kɛ-ɛ, ɖo blɔ ko hɔn kpɔn ofɛn ɖe na do do ɛhwɛ ni-i " 7 Jwifuye ɖewu ni-i tun byo:" Miɖo osɛn, osɛn xin lɔ bo byɔ tun e mɔ ɖo na ku, ɖo e sɔ eɖe do wasi Mawu we ovi" 8 kena Pilati se oxo xin lɔ, vivɔ bo jɛ vivɔ ji ni-i 9 E mɔ ɖyɛ oxwe lɔ gbe bo kan yesu se lɔ tun byo:" Fye tɔ lɛ o nyi?" vɔ, yesu ko ɖo oxo ti ewu ni-i 10 Iwɛ Pilati lɔ ni-i byo:" o bɔ onu ɖe mɛ na blɔ wɛɛ? alo hɔn nyɔ"ɛ tun ko ɖo ɛcɛ na do jo we, bo mɔ do kan we do atinsogaji wɛɛ?" 11 Yesu mɔ ɖewu ni-i byo:" Na enyi tun Mawu hɔn na ogbe wu we, o hɔn ɖo ɛcɛ ti do jiye nɔ iwɛ dɔn ɛmɛ ke sɔ-ɔ do asi we nɔ we ɛhwɛ huhu hugan hu tɔwe" 12 Bɛsɔn ogan xin lɔ mɛ, Pilati o kan ayixa nɔ, a do jo yesu do vɔ Jwifuye lo jɛ axwa di do ji bo tun: na o jo daliweke do, bɛ hɔn nyi ɖ'oxo hlɔmatɔn wehadwe. Ɖo, ɛmɛɖekpokpwe ke sɔ eɖe do wasi xɔlu, ɛmɛ xin lɔ fɔn ogu do xɔlu ɖaxo lɔji." 13 kena Pilati se oxo xin lɛye, e ɖe yesu tɔn va gagi, bo ve xin nɔ nyi le ɛhwɛɖo kpoji, le ofike na ye tɛ okpɛn nywɛ-nywɛyedo nyidan mɛ le, ye mɔ nɔ yɔ ofi lɔ tun:" Gabata". Le heblegbe mɛ. 14 Viva oxwe lɔ drɔn swɛ, ye bo o sɔ onu na oxwe lɔ ɖuɖu nɔ, ogan weve emɔha bo xo nɔ iwɛ Pilati lɔ na Jwifuye tun byo:" xɔlu miatɔn lɔ xɛn !" 15 vɔ, ye bo jɛ axwa di do ji bo tun:" Hu-i! hu-i! kan-ɛ do atinsogaji." Pilati bo lɔ na ye tun byo:" Ma kan xɔlu miatɔn lɔ do atinsogaji mɛɛ? Iwɛ avɔsantɔye we ogaye ɖewu tun:" Mi hɔn ɖo oga bu ɖe zɛ gbɔn xɔlu ɖaxo hlɔma tɔn wu." 16 iwɛ Pilati sɔ na ye, na ye a do ve kan-ɛ do atinsogaji. Ye kplɔ yesu do sɔn. 17 Yesu tete bo kɔ atinsoga etɔn bo do tɔn toxo lɔ mɛ, bo yi ofi ke ye nɔ yɔ tun taka we tɔnxo; le hleblegbe mɛ ye nɔ yɔ-ɛ tun Gɔlugɔta. 18 Blɛ wɛ soja lɛye kan yesu do atinsogaji le. Ye bo mɔ kan ɛmɛ owe do axa ni-i,ɖokpo le aɖusi mɛ, ɖokpo bo mɔ le amyɔ mɛ, yesu bo le dodomɛ. 19 Pilati mɔ na na ye wasi tɛkpovi ɖe, ye bo sɔ xwe do atinsoga lɔ ji le jihwe. Ye bo wlan do eji tun:" yesu nazarɛti tɔn, Jwifuye we xɔlu" 20 Iwɛ Jwifu susu xlɛ onu ke ye wlan do tɛkpo lɔ ji, ɖo, ofi ke na ye kan yesu do ofi ke ye kan yesu do lɔ, ehɔn ɖɛn le toxo lɔ wu, ye bo mɔ wlan onu lɔ do heblegbe mɛ, Latɛngbemɛ, kpo do Glɛkigbe mɛ. 21 Iwɛ Jwifuye we avɔsantɔ ɖaxoye ve lɔ na Pilati tun byo:" O hɔn ɖo na wlan Jwifuye we xɔlu ; vɔ, o ɖo na wlan tun: dahwe ke lɔ tun he mɔ nyi Jwifuye we xɔlu. " 22 Pilati bo ɖewu na ye tun:" Onu kena o wlan lɔ ko wlan-ɛ wɛ" 23 ke na sɔja lɛye kan yesu vo, ye sɔ awu etɔn ye, bo mɛ do ɛnɛ, soja ɖokpo bo yi akpa ɖokpo ye mɔ sɔ awu etɔn gaga lɔ can, ye hɔn tɔ awu xin lɔ do ofi ti lɔn wɛ ye lɔn-ɛ sɔ jihwe gbɔɔn bo va odo. 24 Iwɛ sɔja lɛje lɔ na yenɔniɔye tun dida a do kpɔn ɛmɛke tɔn e na nyi !" Emɔha wɛ e jɔ ɖo, na winwlan kinkɛn lɔ a do cɛ. Winwlan lɔ lɔ tun byo:" ye ma awu tɛye le ye ɖemɛ, bo sɔ awu gaga tɛye do wasi akɔ dida"onu ke sɔja lɛye wasi xɛn xin. 25 Yesu onɔ, kpo onɔ nɔvyɔ nyɔnusi kpodo Malya kplopasi syɔ, kpo Malya ke sɔn Madala, ye va le atinsoga yesu tɔn we oxo. 26 Yesu kpɔn onɔ, onukplanvi kena e nyi owan na lɔ, bo le axa na onɔ lɔ-iwɛ e lɔ na onu onɔ tun:" Naye, ovi tɔwe xɛn xin" 27 E bo mɔ lɔ na onuplanvilɔ tun byo:" Nawe xɛn xin" Bɛ sɔ hwexin lɔ nu, onu kplanvi lɔ bo kplɔ onɔ lɔ do sin oxwe etɔn gbe. 28 E xin i godo, kena tun syɛ nyɔ-ɛ tun onu zɛtɛye mɔ vɔ, e lɔ tun byo:" kɔmyɔ o ci-u nɔ" E xin, oxo kena le winwlan kinkɛn lɔ mɛ mɔdo cɛ. 29 Vɛn hwinhwan taŋu bo gɔ ozɛn ɖe le ofi lɔ. Sɔja lɛye sɔ otu de sɔ nylɔ do vɛn hwinhwan lɔ mɛ, bo sɔ ɖo hun matin ɖe wu, bo hɛn do yi onu na yesu . 30 Kena yesu nɔ xɛn hwinhwan lɔ vɔ, e lɔ tun:" onu zɛtɛye vɔ" iwɛ e do okɔ do, Mawu bo yi gbigbɔ etɔn 31 kena vivayi we oxwe lɔ drɔn swɛ, ye bɔ sɔ onu na oxwe lɔ nɔ, ye ko jlo na jɔ ocɔ lɛye do atinsogaji le gbɔjwɛzanlɔgbe; mɔ sɔ bɔ dewu, gbɔjwɛ zan xin lɔ bo nyi azan ɖaxo ɖe ɖo e jɛ do vivayi we oxwe lɔ ji. Ye ve byo: ogbe wu Pilati bo na do wɛn afɔ na ɛmɛ ke ye kan lɛye, a bo ɖe ocɔ lɛye jɛte. 32 Iwɛ sɔja lɛy va bo wɛn afɔ na ɛmɛ tantyɛn tɔ, kpo ɛmɛ owe gɔ 33 kena ye kan kpodo yesu lɛye kena ye va yesu kɔn, ye kpɔn tun e mɔɔ ku, ye kɔ mɔ wɛn bo tɔ kanhwan 34 Vɔ, sɔja ɖokpo le boja lɛyɛ mɛ bo tɔ kanhwan dajamɛ ni-i, ɛsin kpo ɛhun kpo vo kɔn zɔn ɖo kpo 35 ɛmɛ ke na kpɔn onu ke jɔ lɛye wɛ ɖe kunnu nɔ, kunnu ɖiɖe etɔn bo nyi oxojɔ xo eɖlɔ bo nyɔ-ɛ tun xɔxɔxo mɛ he mɔ lɔ nɔ, na miye can a do kan deji 36 Ɖo onu kiye jɔ na winwlan kinkwɛn lɔ a docɛ. Winwlan lɔ lɔ tun:" ye hɔn wɛn oxu etɔn ti nɔ." 37 Winwlan lɔ mɔ lɔ tun:" ye na ɖe okɔ kpɔn ɛmɛ kena ye tɔ kanhwan lɔ." 38 Exin godo Jozɛfu kena sɔn Alimate, ve byɔ ogbe wu Pilati, a do kɔ ocɔ yesu tɔn. Jozɛfu lɔ nyi ɖokpo le onukplanvi yesu tɔnye mɛ, vɔ e hɔn nɔ de xlɛ ɖo e vɔ na Jwifuye we oga ye nɔ. Pilati bo na ogbe wu-i. Jozɛfu bo nyi, bo kɔ yesu we ocɔ. 39 Nikodɛmu, dahwe ke na ve kpɔn yesu le ozan mɛ saa lɔ, i can va bo hɛn ami hwinhwan ke ye sɔ milu kpo mimi bo do wasi do va, e bo na yi onu dagan ogban 40 Ye ɛmɛ owelɛye kɔ yesu kɔ we ocɔ lɔ, bo tu tu-i kpodo avɔnu bo si ami hwɛn nywɛ lɔ do-e ɖi kena Jwifuye nɔ wasi na ocɔ ye tɔnye ɖoha, gbɔxwe a do ve ɖi-i. 41 Le ofi kena ye kan yesu do yesu do atinsoji le lɔ, ɛjikpa ɖe le ofi lɔ, yɔgun yɔyɔ ɖe bo le emɛ, ye ko ɖi ocɔ ti do emɛ kpɔn. 42 Blɛ lɔ wɛ ye ɖi yesu do, ɖo yɔ gun lɔ hɔn dɛn le ofi lɔ wu, Jwifuye bo lo sɔ onu na gbɔjwɛzan lɔ nɔ