1 Kena yesu xo ɛɖɛ lɔ vɔ, e lɔ kpo onukplanvi etɔnye sin se drɔn we otɔ sisa we godo.Ɛjikpaɖe bo le ofilɔ, e bo ɖyɛ, emɛ kpodo onukplanvi etɔn etɔn lɛye. 2 Yuda ke sɔ-ɛ sɔ jo nɔ lɔ can, bo nyɔ ofilɔ ɖo yesu kpodo onukplanvi etɔn lɛye o nɔ va kpli do ofi lɔ saa. 3 Iwɛ yuda ɖe ŋukɔn na sɔja gbɛ kpodo Mawu we oxwe cɔtɔ ye, ke na avɔsantɔ ɖaxoye kpo Falizitɔye, ɖe ɖodanye. Ye bo yi jikpa lɔ mɛ, ye bo hɛn ɛfu xɔye, zogbɛn ye, kpo ahwan funnu ye. 4 Ke na yesu o nyɔ onu keba jɔ do eji nɔ zɛtɛye, e ve kpe ye, bo kan ye se tun byo:" ɛmɛ enɛ lɛ mi kan nɔ?" 5 Ye bo ɖo ewu tun yesu Nazalɛtitɔn wɛ mi kan nɔ yesu bo lɔ na ye tun byo:" Bo xɛn" Yuda ke sɔ-ɛ sɔ na nɔ lɔ can bo le blɛ lɔ kpodo ye. 6 Kena yesu do lɔ na ye na tun:" Bo xɛn " ye bo gblɔn yi godo bo jɛnyi. 7 Yesu bo mɔ kan ye se ke tun byo:" ɛmɛ nɛ lɛ mi kan nɔ? " Ye bo ɖewu ni-i tun:" yesu nazalɛtitɔn wɛ mi kan nɔ. 8 Yesu ɖewu na ye byo:" ko lɔ na mi mɔ-ɛ. E nyi bo jan wɛ mi kan nɔo, bɛ mi bo jo ɛmɛ kiye do naye a sɔn" . 9 E lɔ emɔ ha, exin, oxo kena elɔ na Otɔ saa bo do cɛ. E lɔ tun byo:" lɛye mɛ nɔ" 10 Iwɛ, Simɔ piyɛ ke si na oohyɛ ɖe le li-ɛ tɔn, bo xu Mawu we avɔsantɔye we oganwe odansɔvi, bo kpa aɖu simɛ we oto ni-i. Ye bo nɔ yɔ odansɔvi xin lɔ tun melukusu. 11 Vɔ, yesu lɔ na Piyɛ tun byo:" sɔ ohyɛ tɔwe sɔ do okun mɛ. Vivɛsise kɔfa kena Didaye sɔ na-a lɔ, ko hɔn ɖo na nu-i wɛ?" 12 Sojagbɛ lɛye, kpodo ogayetɔn, kpo Mawu we oxwecɔtɔ cɔ lɛye ke Jwifuye sɔ ɖodan, wle yesu bo blaɛ . 13 Ye kplɛ-ɛ doyi Ana kɔn tantyɛn. Ana lɔ bo nyi kayi fu ke na ɖu avɔsantɔye we ogan oxwe xin lɔ mɛ, we sitɔ. 14 Vɔ, kayifu lɔ, wɛ o ɖe aɖaŋu saa na Jwifuye we ogaye tun:" Na ɛmɛɖokpo ku do ota na otogun lɔ, ena ɖe ale." 15 Simɔ piyɛ kpodo onukplanvi bu xo do yesu. Avɔsantɔ ye we oga lɔ, bonyɔ onukplanvi bu xin lɔ, iwɛ dɔn onukplanvi bu xin lɔ ɖyɛ gaji etɔn lɔ ɖyɛ gaji etɔn kpo yesu. 16 Vɔ, Piyɛ bo ci gaji le agbo lɔ ji iwɛ onukplanvi kena avɔnsantɔye we oga o yɔ lɔ, va lɔ oxo na nyɔnu ke o cɔ agbo lɔ nu nɔ, bo na na Piyɛ ɖyɛ emɛ. 17 Nyɔnu odansɔvi kena o cɔ a gbo lɔ nu nɔ kan Piyɛ se tun byo:" Lɔ can hɔn nyi ɖokpo le onukplanvi dahwe ke lɔ tɔn ye mɛ wɛɛ ?" Piyɛ bo ɖewu tun:" O o! ko hɔn nyi ɛmɛ xin wɛ onukplanvi" 18 Iwɛ odansɔvi lɛye kpo Mawu we oxwecɔtɔ lɛye le blɛ, bo bɔ ozo, bo xu nu ɖo hwexinlɔ nu vivɔ o ci ɛmɛ nɔ. Piyɛ can bo le ye mɛ bo xu ozo nɔ. 19 Avɔ santɔye we oga lɔ kan oxo wu yesu se do onukplanvi etɔn ye kpodo onukplan etɔn wu. 20 Yesu ɖewu ni-i tun" Blɔ, ko lɔ oxo le agba ŋugba na ɛmɛ zɛtɛye, tɛgbɛ wɛ ko nɔ kplan onu wu ɛmɛ lɔ gbe, le ofi kena jwifuye zɛtɛ nɔ kpli do, ko lɔ oxo ti le hwihwlamɛ. 21 Ŋunɛ wa o do kan oxo wu se nɔ? Oxo ke na ko lɔ lɔ, kan ɛmɛ ke ɖo otoye se! Ɖo ye nyɔ oxo kena ko lɔ lɔ ganji". 22 Kena yesu lɔ oxo ɖemɔha, Mawu we Oxwecɔ tɔ ɖokpo le blɛ bo gbatomɛ ni-i, bo tun:" Emɔ ha wɛ o na lɔ oxo na avɔsantɔ lɔ ɖo?" 23 Yesu bo ɖewu ni-i tun byo:" Na enyi byo oxo nyinyla wɛ ko lɔ, bo ɖe oxo nyinyla lɔ sɔ xlɔ ɔ vɔ, na oxo ke ko lɔ sɔogbe, ŋunɛ dɔn na o do xoo nɔ?" 24 Iwɛ yesu mɔ gbɛ le bibla, Ana bo sɔ-ɛ ɖodan avɔsantɔ ɖaxo kayi fu. 25 Le hwexinu Simɔ Piyɛ bo le blɛ xu ozo nɔ. Ye bo kan-ɛ se byo:" Lɔ can o nyi ɖokpo le onukplanvi etɔn ye mɛ wɛɛ?. Piyɛ bo mɔ; bo tun:" O o ! ko hɔn ɛmɛ xin we onukplanvi" 26 Avɔsantɔ ɖaxo lɔ we odansɔviɖe, ke nyi ɛmɛ ke Piyɛ kpa oto na lɔ we ɛmɛ, kan Piyɛ sɔ tun byo:" Blɔ kohɔn lɔ kpo yi kpo le ɛjikpa lɔ mɛ wɛɛ? 27 Iwɛ Piyɛ mɔ mɔ ke. Zɔn ɖokpo kpoŋu goklo bo do atan 28 Jwifuye we ogaye kplɔ yesu kayifu de, bo do sin hlɔma tɔ ye we otoga we oxwe gbe. Kɛklɛnu fuu bɛ. Vɔ, ye hɔn ɖyɛoxwe lɔ gbe, ɖo ye na gbɛ va ɖu osu, vivayi we oxwe lɔ ɖuɖu bo va glo ye. 29 Iwɛ dɔn, otoga pilati va kpɔn ye le gaji, bo tun:" ɛhwɛ nɛ ha lɛ mi do na dahwe ke nɔ?" 30 Ye ɖ'ewu bo lo ni-i byo:" Na e hɔn do nyi onunyinyla watɔ wɛ, mi hɔn sɔ-ɛ sɔ va na we nɔ." 31 Iwɛ Pilati lɔ na ye tun byo:" Miye tete ŋutɔ ye, mi kplɔ-ɛ, bo ɖo kojo ni-i ɖi kena osɛn miatɔn byɔ ɖo hao!" Jwifu lɛ bo ɖewu ni-i tun:" Mi hɔn ɖo ɛcɛ na do hu ɛmɛ !" 32 Onu lɛye jɔ nɔ ɖemɔha, na oxo ke na yesu o lɔ ɖ'onyi saa do oku ke ha ŋu myɔ e na ku lɔ a do cɛ. 33 Pilati trɔ ɖyɛ oxwe lɔ gbe, bo yɔ yesu do va, bo kan-ɛ tun byo:" yi wɛ nyi Jwifuye we xɔlu?" 34 Yesu bo ɖewu byo:" Oxo kena olɔ nɔ xin, yi tete ŋutɔ we susu Jan wɛɛ? lɔ alo ɛmɛbuye wɛ lɔ e mɔ na we do wu ye?" 35 Pilati bo ɖewu ni-i tun byo:" Blɔ ɖe, Jwifu wɛ ko nyi?" otogun tɔwe tete, kpo avɔsantɔ ɖaxoye, wɛ sɔ we sɔ va jo na-a ŋu nɛ lɛ o wa?" 36 Yesu ɖewu ni-i byo:" xɔlu ɖuto tɛye hɔn nyi ɛgbɛ mɛ bwɛ tɔn, na xɔluɖuto tɛye do nyi ɛgbɛmɛ bwɛtɔn wɛ, ɛmɛcɔtɔ tɛyee na xo ɛvun do ota na-a, na ye hɔn mɔ do sɔ jo na jwifuye we ogaye nɔ vɔ oo! xɔ luɖutotɛye hɔn mɔ nyi nyidan ji bwɛ tɔn" 37 Iwɛ pilati lɔ ni-i byo:" Bɛ xɔlu wɛ o nyi?" Yesu bo ɖ'ewu ni-i tun byo:" i lɔ xɛn oo lɔ, xɔlu wɛ ko nyi. Onu ke na dɔn na ye do ji-u, ko bo do va ɛgbɛ lɔ mɛ, wɛ nyi tun ma ɖe kunnu na xojɔxo lɔ. Ɛmɛ ɖekpokpwe ke nɔ zɔn gbɔn xojɔxo lɔ ji, wɛ nɔ ɖoto o gbe tɛye." 38 Pilati kan-ɛ se tun:" ŋu nɛ lɛ nyi oxojɔxo lɔ?" kena e kan oxo xin lɛye se we godo, emo tɔn yi ganji ke, bo ve kpɔn jwifu lɛ, bo lɔ na ye byo:" Blɔ, ko hɔn kpɔ ofɛn ɖe ba na do do ehwɛ na dahwe ke. 39 Vɔ, ɖi kena akɔnu miatɔn byɔ ɖo ha, ko ɖo na gantɔ ɖɔkpo tɔn-ɛ na mi le vivayi we oxwe lɔ ji. Mi jlo na ma ɖe Jwifuye we xɔ lu tɔ tɔn na mi wɛɛ?" 40 Iwɛ ye mɔ do oxwa bo lɔ tun byo:" oo! i hwɛn, Balabasi wɛ mi kan nɔ" vɔ Balabbasi lɔ, ja guda ɖokpo bɛ e nyi